ST. LUKE 2
2
1Kepuhgummeähyah dush uhpe oonoo kezheguddoon, keënahkoonega owh Cæsar Augustus, kuhkenuh akeewejig cheoozhebeëgahzoowaud.
2(Maunduh dush oozhebeëgawin netum keoozhechegahda magwah owh Cyrenias keöogemahkundung ewh Syria.)
3Kuhkenuh dush keëzhahwug cheoozhebeëgahzoowaud, emuh tebenuhwa oodoodanahwewaung.
4Kuhya ween Joseph keöonjemahjah emuh Galileenaung ewh oodanah Nazereth aduhming, ewede dush Judeaing keëzhaud, emuh David oodoodanuhwing, ewh Bethlehem anduhming; kedebandahgooze gooshah emuh oowegewauming owh David.
5Cheoozhebeëgahzood, keweejewegood Maryun enewh wahweewejin, kache‐unjekoonid.
6Kepuhgummeähyah dush, magwah ewede keähyahwaud, kedebishkoosane ewh chenegeähwuhsoonid.
7Oogenegeäun dush oonetummoozhaunun oogwissun, oogetuhkoobenaun dush, kuhya oogeähsaun emuh anduhzhe‐wesenenid enewh ahwahkaunun; kah muh kemeenahsewug uhbenahsoowin emuh ahshunde‐weguhmigoong.
8Keähyahwug ewede duhzhe uhkeeng egewh mahnishtahnishe‐wenenewug, ahgwahjeeng ketegauning nebabetuhmoowaud, guhnuhwanemahwaud oomahnishtahnishemewaun tabekudenig.
9Benuh dush, Jehovah oodangenemun kepenebahwewun emuh ahyahwaud, kuhya oopeshegandahgoozewin owh Jehovah kesahgahtane kewetuhyeëe emuh ahyahwaud: kekeche‐sagezewug dush.
10Angenun dush oogeëgoowaun, Kagoo sagezekagoon. Benuh gooshah, kewahweenduhmoonim kache‐moojegandahgwuk minwahjemoowin, chedebahjemootahwindwah kuhkenuh ahnooj azheweenzoojig ahnishenahbag.
11Kenegetahmahgoom suh noongoom kezheguk emuh oodoodanuhwing owh David Bamahjeëwad, mesuh owh Christ owh Tabaningad.
12Mesuh maunduh kekenoowahjechegun kaähyahmag; kegahmekahwahwah owh ahbenooje takoobezood, kuhya shangeshing emuh anduhzhe‐wesenewaud egewh ahwahkaunug.
13Chasekah dush owh angen oogepemeweejewegoon nebewah keche‐kezhegoong wanjebahnejin wahwezhanemahnid enewh Kesha‐Muhnedoon, oo‐oo ekedoonid,
14Tahpeshegandahgooze suh owh Kesha‐Muhnedoo ewede keche‐ishpeming kuhya oomuh uhkeeng pezaunewawin, kuhya shahwanjegawin anduhzhe‐ahyahwaud egewh enenewug.
15Kepuhgummeähyahmahgud, uhpe egewh angenug kahmahjahwaud keche‐kezhegoong enuhkuhkayah, egewh mahnishtahnishe‐wenenewug oo‐oo keëdewaud, Umba ezhahdah ewede Bethleheming, chewahbunduhmung oo‐oo pagummishkahmahguk, owh Tabaningad kahkekanduhmoonenung.
16Medush kepewaweebishkahwaud, kemekahwahwaud dush enewh Maryun, kuhya Josephun, kuhya ahbenoojeün shingeshinenid emuh anduhzhe‐wesenenid ahwahkaunun.
17Uhpe dush kahwahbunduhmoowaud, oogesuhswa-debahdoodaunahwah ewh ekedoowin kahwahweenduhmoowindwah, anandahgoozid owh ahbenooje.
18Kuhkenuh dush kahnoondungig oogemahmahkahdandahnahwah enewh keënahjemoowaud egewh mahnishtahnishe‐wenenewug.
19Mary dush oogeguhnuhwandaunun kuhkenuh oonoo uhyeëen, kuhya oogenahnahgahdahwandaunun emuh oodaïng.
20Egewh dush mahnishtahnishe‐wenenewug kekewawug, wahwezhanemahwaud kuhya mahmooyahwahmahwaud enewh Kesha‐Muhnedoon oonje oonoo uhyeëen kahezhenoonduhmoowaud kuhya dush kahezhewahbunduhmoowaud debishkoo kahezhewahweenduhmoowindwahpun.
21Uhpe dush neshwausoo‐kezhiguk kahtebishkoosag wekekenoowahje‐keshkizhoond owh ahbenooje, JESUS keëzhenekahzoo, ewh egoo kahezheweenegood enewh angenun chepwah kekishkahgood enewh oogeen.
22Uhpe dush oonoo kezhegudoon, chepeneëdezood ketebishkoosanig, ewh egoo akedoomahguk owh Moses ookuhgequawin, oogepeenahwaun emuh Jerusaleming chepuhgedenahmahwahwaud ewh weyow enewh Tabaninganejin;
23(Debishkoo azhebeëgahdag emuh ootebahkoonegawining owh Tabaningad, Kuhkenuh egewh netum nahgejig quewezansug tahuhyenanemahwu chepuggedenuhmuhwind owh Tabaningad;)
24Kuhya dush chemeegewawaud ewh sahsahgewejegun, ewh goo akedoong emuh Tabaningad ootebahkoonegawining, Ningoodwawaun egewh keche‐oomemeeg, gamuh neezh oomemeensug.
25Benuh dush, keähyah pazhik enene emuh Jerusaleming, Simeon kahezhenekahzood; medush owh enene quuhyuk kahezhewabezid kuhya kahmenoo‐ahnuhmeäud, kebeetood dush ooshahwandahgoozewin owh Israel: Keche Oojechaugwun dush oogekekishkahgoon.
26Kuhya dush oogewahweendahmahgoon enewh Keche‐Oojechaugwun, chewahbunduhsig ewh neboowin, chepwah wahbuhmaud oo‐Christemun owh Jehovah.
27Kuhya emuh Keche‐Oojechaugoong kepeëzhah emuh keche‐ahnuhmeä‐weguhmigoong: uhpe dush enewh oonegeëgoon kahpeendeguhnegood owh ahbenooje Jesus, chedoodahgood debishkoo akedoomahguk ewh tebahkoonegawin,
28Me dush keöodahpenaud emuh oonikaung, kemahmooyahwahmaud enewh Kesha‐Muhnedoon, oo‐oo dush keëkedood.
29Jehovah, noongoom kepuggedenah kebuhmeetahgun chemahjaud emuh pezaunewawining, debishkoo kahekedooyun.
30Neeshkinzhegoong muh ningeöonjewahbundaun ewh kebemahjeëwawin,
31E‐ewh kahwahwazhesittooyun, emuh anahsuhmingwawaud kuhkenuh bamahdezejig;
32Wahsayahzewin chewahsashkahgoowaud egewh mayug‐ahnishenahbag, kuhya oopeshegandahgoozewinewah kedahnishenahbamug Israel.
33Joseph dush kuhya oogeen owh Jesus kemahmahkahdanduhmoog oonje enewh uhyeëen kahenind.
34Kuhya dush owh Simeon oogeshahwanemaun, kuhya oogëenaun enewh oogene Maryun, Benuh, wah‐owh ahbenooje peöonjepuggedenah chepungeshenid kuhya dush nayaub chepuhsegwenid nebewah emuh Israeling; kuhya tahahwe ewh kekenoowahjechegun kamujje‐duhzhinchegahdag;
35(Ahzhahwashk dush kegahpuhjebuhöogoon kuhya tebenuhwa kejechaugoong,) enewh dush oonahnahgahdahwanduhmoowinewaun nebewah oodaëmaun chemezheshah-kekanjegahdag.
36Keähyah dush pazhik equa, Anna kahezhenekahzood, aunwahjega‐equa, oodaunun owh Phanuel, keëzheöodoodamid debishkoo owh Aser, kekeche‐kekah, neezhwahswe pepoon dush menik ahnoo kewedegagoobunan pahahkookegaungooquawid;
37Kuhya dush keshegahwe koonemah neswahsweme-duhnuh‐ahshe‐newin kekenoonoowinun, kah wekah oogenuhguddunseen ewh keche‐ahnumeä‐weguhmig, ewh dush ween kebuhmeetahwaud enewh Jehovahun kekeëquishemood kuhya keähnuhmeäud tabekudenig kuhya kahzhegudenig.
38Kepeendega dush kuhya ween ewh uhpe, oogemahmooyahwahmaun dush enewh Tabaninganejin, kuhya dush kewahweenduhmahwaud kuhkenuh enewh nanduhwahbunduhmenejin ewh shahwandahgoozewin emuh Jerusaleming.
39Uhpe dush kuhkenuh kahkezhetoowaud, azheähyahnig ewh ootebahkoonegawin owh Jehovah, keëzhekewawug ewede Galileenaung, emuh ewh tebenuhwa oodoodanahwewaung Nazareth aduhming.
40Kemahjege dush owh ahbenooje, kuhya kekenebege emuh mushkahwanduhmoowining, kuhya oogemooshkenashkahgoon ewh nebwahkahwin: kuhya dush ooshahwanjegawin owh Kesha Muhnedoo oogeweejewegoon.
41Ooketezemun dush keëzhahwun emuh Jerusaleming anduhsoo‐pepoonenig, uhpe kuhbekoosa‐wahkoondingin.
42Uhpe dush kahmetahsoo‐ahzhe‐neezhoo‐pepoon‐uhgezid, keëzhahwug emuh Jerusaleming, ewh egoo azhechegagoobunan uhpe wahkoondingin.
43Uhpe dush kahtebishkoosittoowaud enewh kezhegudoon, uhpe kewawaud, owh quewezans Jesus keëshque emuh Jerusaleming; owh dush Joseph kuhya oogeen owh quewezans kahween oogekekanduhsenahwah.
44Oogeënanemahwaun suh cheweejewahnid enewh pabahmahdezenejin, ningoo‐kezhik kebemoosawug; oogenundoonawahwaun dush emuh ahyahnid enewh anuhwamahwahjin kuhya kakanemahwahjin.
45Uhpe dush kahmekahwahsigwah, nayaub keëzhekewawug emuh Jerusaleming, keündoonawahwaud.
46Kepuhgummeähyahmahgud, nasoogoonahgudenig oogemekahwahwaun emuh keche‐ahnuhmeä‐weguhmigoong, nuhmuhduhbenid nesuhwuhyeëe keähyahnid kekenooahmahga‐wenenewun, bezindahwahnid, kuhya kuhgwajemahnid
47Kuhkenuh dush kahnoondahwahjig oogemahmahkahdanemahwaun kahezhenesittootummenid kuhya kahezhenuhquatuhmenid.
48Uhpe dush kahwahbuhmahwaud, kemahmahkahdanduhmoog: oo‐oo dush oogeëgoon enewh oogeen, Ningwis, ahneeshwin oo‐oo kedoodahweyaung? Benuh koos kuhya neen kegenundoonaöogoo kesahdanduhmaung.
49Oo‐oo dush oogeënaun, Ahneeshwin kegwenuhwahbuhmeyag? Kah nuh ween kekekanduhsenahwah, duhnezeyaunbaun emuh Noos oowegewauming?
50Kah dush oogenesittootunsenahwah ewh ekedoowin kahezheguhnoonegoowaud.
51Oogeühnewejewaun dush, ketuhgwishing dush ewede Nazarething, oogenuhittahwaun dush: oogeen dush oogeguhnahwandaunun oonoo kuhkenuh ekedoowinun emuh oodaïng.
52Jesus dush kemahjege emuh nebwahkahwining kuhya emuh weyowing, kuhya ashkum oogeminwanemegoon enewh Kesha‐Muhnedoon, kuhya enewh enenewun.
Currently Selected:
ST. LUKE 2: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
