GENESIS 48
48
1Kepuggummeähyahmahgud dush kahishquah‐ahyaugin oonoo, ahweyah oo‐oo oogepeëzheweenduhmahwaun Josephun, Benuh ahkoose koos: oogemahjewenaun dush nuhyazh oogwissun, Manassehun kuhya Ephraimun.
2Kedebahjemootuhwah dush Jacob oo‐oo keënind, Benuh kepeöodissig kegwis Joseph: Israel dush kemushkahwezeëdezoo, kuhya kenuhmuhduhbe oogijuhyeëe nebahguning.
3Jacob dush oo‐oo oogeënaun Josephun, Ningewahbuhmah Kesha‐Muhnedoo mahyahmahwe‐mushkahwezid ewede Luzing emuh Canaaning, kuhya ningeshahwanemig.
4Oo‐oo dush ningeïg, Benuh kegahpuggedenuhmoon chebahtuhyenoowaud kenejahnisug, kuhya kegahmeshenooïn, kuhya ningahenahkoonega chebahtuhyenoowaud kedahnishenahbamug; kuhya ningahmeenaug kenejahnesug kaähneka‐bemahdezejig maunduh uhkee kahgenig cheöoduhkeemewaud.
5¶ Benuh dush neen nedebanemaug nuhyazh kegwissug, Ephraim kuhya Manasseh, kahahyahwudjig oomuh Egypting chepwah penaunzekoonaun emuh Egypting; debishkoo azhedebanemugwah Reuben kuhya Simeon, ningahezhedebanemaug.
6Egewh dush kenejahnesug menuhwah kaähyahwudjig keen kegahdebanemaug, kuhya azhenekahzoonid wekahnesewaun tahezhenekahzoowug emuh ooduhkeemewaung.
7Neen dush ween, uhpe Padaning wanjebahyaun, Rachel keduhpena emuh Canaan duhzhe uhkeeng emuh muhyahwekunah kagah zhegwuh tagwishenaun ewede Ephrathing; ningeäh sah dush ewede emuh meekunaung Ephrathing uhneëzhaung; me suh ewh Bethlehem.
8Israel dush oogeguhnuhwahbuhmaun nuhyazh oogwissine enewh Josephun, oo‐oo dush keëkedoo, Ahwananug oogoo?
9Joseph dush oo‐oo oogeënaun enewh oosun, Mesuh oogoo ningwissug Kesha‐Muhnedoo kahmeezhid oomah uhkeeng. Oo‐oo dush oogeëgoon Jacobun, Peetuhweshin kepahgoosanemin, ningahshahwanemaug dush.
10Benuh dush uhgahwah kewahbe Israel oonje kekaud, kah dush keminwahbese. Pashoo dush Joseph oogepeetuhwaun; Jacob dush oogeöojeemaun, kuhya oogeminjemenaun.
11Israel dush oo‐oo oogeënaun Josephun, Kahween ninguhwahbuhmahse kegeënaneminenahbun: benuh dush Kesha‐Muhnedoo ningewahbunduhig kuhya egewh kegwissug.
12Joseph dush emuh oogedigooning oogeöonjeöodahpenaun; kuhya keshahgushketah metushkuhkummig enuhkayah keënahbid.
13Joseph dush oogeöodahpenaun nuhyazh, Ephraimun emuh ookecheneenjeeng. Israel oonuhmuhjeneenjeeng enuhguhkayah, kuhya Manassehun emuh oonuhmunjeneenjeeng, Israel ookecheneenjeeng enuhkuhkayah, pashoo dush oogepetuhwaun.
14Israel dush keshebenekane ookecheneenj, kuhya oogetaungenaun Ephraimun emuh ooshtequaunening, ahnooween‐goo ahgahsheënid, kuhya oogetaungenaun Manassehun emuh ooshteqwaunening oonuhmunjeneenj keühyood, oonjedah oo‐oo kedoodum; Manasseh mah kesuhseekeze.
15¶ Oogemenoo‐guhnoonaun dush Josephun, oo‐oo keëkedood, Kesha‐Muhnedoo owh emuh anahsuhmeed kahpuhbahmoosawaud noosebuneeg Abraham kuhya Isaac owh Kesha‐Muhnedoo kahuhshuhmid menik buhbemahdezeyaun nuhnauzh egoo noongoom.
16Owh Angen kahmedahgwanuhmuhwid kuhkenuh mujje‐uhyeëewish, ooguhshahwanemaun enewh quewezansun, mahnoo kuhya oogahuhyahnahwah nindenoozoowin, kuhya ewh oodenoozoowinewah noosebuneeg Abraham kuhya Isaac; mahnoo kuhya ashkum tuhbahtuhenoowug nahwuhyeëe emuh uhkeeng.
17Uhpe dush Joseph wuhyahbundung ketaungenahnid Ephraimun ookecheneenje keühyoonid, kewuhsittahwandum: oogeöombenuhmahwaun dush oosun ooneenjene, chetaungenahsenid, Ephraimun ooshteqwaunening chetaungenahnid atuh Manassehun emuh ooshteqwaunening.
18Joseph dush oo‐oo oogeënaun enewh oosun, Kagoo ewh doodungan, noosa: mesuh mahbah saseekezid; taungenuhmow ooshteqwaun kekecheneenj uhyooyun.
19Oogeähgoonwatahgoon dush oosun, oo‐oo keëgood, Nekekandaun ningwis, nekekandaun: kuhya ween oogahahyahwaun nebewah ahnishenahban, kuhya tahkechetwahweze: kagate dush ween ahwahshema tahkechetwahwezewun ooshemaün, tahkeche‐bahtuhyenoowun oonejahnesun.
20Oogemenoo‐guhnoonaun dush ewh kezheguk, oo‐oo keëkedood, Mesuh keen kedenoozoowin kaweenduhmoowaud egewh Israelitug uhpe manoo kuhnoonindewahjin, oo‐oo cheëdewaud, Mahnoo Kesha‐Muhnedoo kegahpuggedenuhmaug cheëzheähyahyun debishkoo azheähyaud Ephraim kuhya debishkoo azheähyaud Manasseh: nahwuj edush oogekechetwahweäun Ephraimun Manassehun dush ween.
21Israel dush oo‐oo oogeënaun Joshephun, Benuh nenib: kegahweejewig dush Kesha‐Muhnedoo, kuhya nayaub kegahezhewenig emuh ooduhkeemewaung egewh koosebuneeg.
22Nahwuj edush nebewah uhkee kegemeenin kekahnissug dush ween, ewh kahmuhkuhmug owh Amorite nindahzhahwashk keähyooyaun kuhya nemetikwaub.
Currently Selected:
GENESIS 48: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
