GENESIS 33
33
1Jacob dush keöombishkinzhigwane, oogewahbuhmaun dush wekahnissun Esauün petahsuhmoosanid ahyahwahnid newauk enenewun. Oogenanuhwenaun dush enewh ahbenoojeün, ahnind oogemeenaun Leahun, kuhya ahnind Rachelun, kuhya ahnind enewh neezh buhmeetahgaëquan.
2Oogenegauneäun dush enewh buhmeetahga‐equawun kuhya oonejahnesenene, menuhwah dush Leahun kuhya oonejahnesenene, ishquayaung dush Rachelun kuhya Josephun.
3Ween dush kenegaune, kuhya neezhwahching keshahgushketah metushkuhkummig enuhkayah, nahnauzh pashoo ketuhgwishing emuh uhyahnid enewh wekahnisun.
4Esau dush kepemebuhtoo chenuhquashkuhwaud, kuhya oogeminjemenaun oonikaung, kuhya keühpuggezoo emuh ooquagunahning, kuhya oogeöojeemaun: kemuhwewug dush.
5Esau dush keöombishkinzhegwane, oogewahbuhmaun dush enewh equawun kuhya ahbenoojeün; oo‐oo dush keëkedoo, Ahwananug oogoo wahjewikig? Oo‐oo dush keëkedoo Jacob, Mesuh enewh ahbenoojejeün kahezheshahwanemaud Kesha‐Muhnedoo enewh kebuhmeetahgunun.
6Egewh dush buhmeetahgun‐equawug pashoo kepeëzhahwug, kuhya oodahbenoojeëmewaun, kuhya keshahgushketahwug.
7Kuhya Leah mahmahwe oonejahnesun kepeëzhahwug, keshahgushketahwug: bahmah dush Joseph kepeëzhah kuhya Rachel, kuhya wenuhwah keshahgushketahwug.
8Oo‐oo dush keëkedoo, Ahneen suh kuhkenuh oogoo ahwahkahnug kahnuhquashkahwugig? Jacob dush oo‐oo keëkedoo, Cheminwanemid nindoogemaum mesuh wanjeähyahwaud.
9Esau dush oo‐oo keëkedoo, Ahzhe suh menoo‐menik nindahyahwaug nekahnis; keen guhnuhwanim egewh dabanemudjig.
10Jacob dush oo‐oo keëkedoo, Kahween, kepahgoosanemin, kishpin manwandahgoozewaunan anahsuhmeyun, oodahpenuhmuhweshin nemeegewawin: mesuh wanjewahbunduhmaun kedangwuhy nindegoo ningewahbundaun oodangwuhy owh Kesha‐Muhnedoo nindenandum dush, kegeminwanim dush.
11Oodahpenuhmahweshin kepahgoosanemin nemeegewawin kahpeetooyaun; oonje keshahwanemid Kesha‐Muhnedoo, kuhya menoo‐menik ahyahmaun. Oogewekoojeäun dush cheöodahpenuhmenid, me dush keöodahpenuhmenid.
12Oo‐oo dush keëkedoo Esau, Umba mahjahdah, neen dush ningahnegaune.
13Jacob dush oo‐oo oogeënaun, Nindoogemaum ookekandaun mushkuhwezesenig ahbenoojeün, kuhya mahnishtahnishug kuhya ahwahkaunug wanjegoojig nindahyahwaug: kishpin dush oonzaum keche bemenahzhahoondwah ningookezhig kuhkenuh ahwahkaunug tahneboowug.
14Mahnoo nindoogemaum kepahgoosanemin uhnenegauneen: neen dush kebuhmeetahgun bakah ningahuhnemoosa, azhekushketoowaud egewh ahwahkahnug nahgaunejig kuhya egewh ahbenoojeyug, peenish tuhgwishenaun emuh ahyaud nindooogemaum emuh Seir.
15Esau dush oo‐oo keëkedoo, Mahnoo kegahnuhguhduhmoon ahnind nindenenemug ayahwugig. Oo‐oo kush keëkedoo Jacob, Ahneen oo‐oo kaënahbuttuk? mahnoo ningahminwandahgooz anahsuhmid nindoogemaum.
16¶ Esau dush keëzhekewa ewh kezheguk ewede Seir.
17Jacob dush kepahbahmahdeze peenish ketuhgwishing Succothing, kuhya keöozhetuhmahzoo wegewaum, kuhya oogeöozhetuhmahwaun enewh oodahwahkaunun wegewaumun: mesuh Succoth wanjeëzhenekahdag ewede.
18¶ Jacob dush ketuhgwishin ewede Shaleming, oodoodanow Shechem emuh Canaaning duhzhe uhkeeng, uhpe Padan‐araming kahoonjebaud; kuhya oogeöozhetoon oowegewaum anahsuhmeähyaug ewh oodanuh.
19Kuhya oogekishpenuhtoon pazhik uhkeens, emuh kepuhduhkesetood oowegewaum, oonje ooneenjening oonejahnesun owh Hamor, oosun owh Shechem, ningoodwauk duswahbik oogetebahuhmahwaun.
20Oogeöozhetoon dush ewede sahsahgewejegun‐ahbik, El‐elohe‐Israel dush oogeëzhenekahdaun.
Currently Selected:
GENESIS 33: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
