GENESIS 31
31
1Oogenoondaunun dush oodekedoowinene Laban oogwissun, oo‐oo keëkedoonid, Jacob oogemuhkundwan kuhkenuh koosenaun ootebenuhwawezewin; mesuh koosenaun ooduhyeeming kahoondinung kuhkenuh maunduh ookechetwahwezewin.
2Jacob dush oogewahbundaun oodangwuhy owh Laban, kah dush keëzhenahgwussenene debishkoo kuhyet azhenahgwudenegebun.
3Jehovah dush oo‐oo oogeënaun enewh Jacobun, Ezhekewan emuh ooduhkeemewaung koosebuneeg, kuhya kedenuhwamahgunug; kegahuhneweejewin dush.
4Jacob dush keähnookee chenundoomemind Rachelun kuhya Leahun cheëzhahnid emuh mushkoodang anduhzhe ahyahnid mahnishtahnishun ganuhwanemahjin.
5Oo‐oo dush oogeëenaun, Newahbundaun koosewah oodangwuhy ezhenahgwussenenig ganuhwahbuhmejin debishkoo kuhyet azhenahgwudenegebun; owh dush ween waKesha‐Muhnedoowemegood noosun ningeweejewig.
6Kekekandahnahwah suh ewh apeecheweyaun kebuhmeetuhwug koosewah.
7Ningewahyazhemig dush koosewah, kuhya oogequakesitoon netebahahmahgoowin metahching; kah dush oogepuggedenahmahgooseen Kesha‐Muhnedoon ningood chemujje‐doodahwid.
8Kishpin oo‐oo kahekedoogwan, Egewh katuggezejig kegahtebahahmahgoo; kuhkenuh ahwahkaunug oogenegeähwaun katuggezenejin: kishpin dush oo‐oo kahekedoogwan, Egewh buhyapashezejig kegahtebahahmahgoo; mesuh kuhkenuh ahwahkaunug kenegeähwaud buhyapashezenejin.
9Mesuh Kesha‐Muhnedoo kahezhemuhkummaud koosewaun ooduhyeëmene, ningemenig dush.
10Kepuggummeähyahmahgud dush uhpe anjegoowaud egewh ahwahkaunug, ningeöombishkinzhegwan, kuhya ningewahbunjega emuh enahbunduhmoowining, benuh dush egewh ahyahba‐mahnishtahnishug kahquaushquunoodahwahjig ahwahkaunun kebapashezewug, keketuggezewug, kuhya kewuhwahbishkezewug.
11Ningekuhnoonig dush Jehovah oodangenemun emuh enahbunduhmoowining, oo‐oo keëzhid, Jacob: Oo‐oo dush ningeëkid, Benuh oomah nindahyah.
12Oo‐oo dush keëkedoo, oombishkinzhegwanin enahbin edush, bapashezewug, ketuggezewug, kuhya wuhwahbishkezewug, kuhkenuh ahyahba‐mahnishtahnishug quuhyaushkoonoodahwahjig enewh ahwahkaunun: ningewahbundaun mah kuhkenuh andoodook Laban.
13Neen suh nindow Betheling duhzhe Kesha‐Muhnedoo, ewede kahduhzheseegenuhmun pemeda emuh ahsineeng, kuhya kahduhzhewahweenduhmahweyun ewh wahweendahmahgawin: puhsegween dush, mahjaun oonje maunduh uhkeeng, ezhekewan edush emuh anduhnuhkeewaud kedenuhwamahgunug.
14Rachel dush kuhya Leah oogenuhquatuhwahwaun oo‐oo keënahwaud, Kayahbe nuh netebandahmin gagoo emuh noosenaun oowegewauming?
15Kahnahween nemuhyugganemegoosenaun? kahnuhween kuhya oogeähtahwasenun neyowenahnin? kahnuhween kuhya oogebahnahjeähseen neshooneyahmenaun?
16Kuhkenuh suh ewh tebenuhwawezewin Kesha‐Muhnedoo kahmukkummaud noosenaun, mesuh ewh nenuhwind ninduhyeemenaun, kuhya ooduhyeemewah nenejahnesenahnig: benuh, dush, kuhkenuh menik Kesha‐Muhnedoo kahenik, ezhechegan.
17¶ Jacob dush keöonishkah, kuhya oogepemoondahaun enewh oowedegamahgunun kuhya enewh oonejahnissun emuh oopequunauning enewh paquahwegunenejin;
18Kuhya oogemahjenaun kuhkenuh enewh oodahwahkaunun, kuhya kuhkenuh ooduhyeemun kahooduhyeemejin, enewh ahwahkaunun kahkushkeähjin, kahoondenahjin emuh Padan‐araming, weëzhaud emuh Canaan uhkeeng anduhzhe ahyahnid oosun Isaacun.
19Laban dush oogeähwemoozhwaun enewh oomahnishtahnishemun: Rachel dush oogekeemoodenahbuhneen enewh muhzeneneen oosun dabanemahpuneen.
20Jacob dush oogewuhyazhemaun Labanun Syriaing duhzhe‐enenewun ewh keweenduhmahwahsig wemahjaud.
21Medush keöozhemood kegegezid kuhkenuh ooduhyeemun; kepuhsegwe dush, kuhya oogeähzhahwahaun seebe, keënahbe dush ewede enuhkuhkayah Gilead wahjewing.
22Nasoogoonuhgudenig dush keweenduhmahwah Laban ewh keöozhemoonid Jacobun.
23Oogeweejewegoon dush enewh wekahnesun, kuhya neezhwahsoogoon kebemoosa kenoosoonawaud oogeühdemahwaun dush emuh Gilead wahjewing.
24Kesha‐Muhnedoo dush oogenaunzekahwaun Labanun Syriaing duhzhe enenewun emuh enahbunduhmoowining tabekuddenig, oo‐oo dush keënaud, Aungwahmezin cheënahsewud Jacob wanesheshing gamah kuhya mahyahnahduk.
25¶ Laban dush oogeühdemaun Jacobun. Jacob dush kekuhbashegoobun emuh wahjewing: Laban dush oogeweeje-kuhbashemaun enewh wekahnissun emuh Gilead wahjewing.
26Laban dush oo‐oo oogeënaun Jacobun, Wagoonash kahoonjeëzhechegayun, kekemeyun, kuhya kemahjewenudwah nindahnissug, debishkoo takoonindjig ewh ahzhuhwashk uhyoong?
27Wagoonash keemooj kahoonjeöozhemooyun keweenduhmahwesewun; kedahgemahjenahzhahoon emuh moojegezewining, kuhya nuhguhmoowining, tawaëguning, kuhya muhtwawacheguning?
28Kah kuhya kegepuhgedenuhmahwese cheöojeemugwah ningwissug kuhya nindahnisug? kegekuhkebahjechega ewh keëzhechegayun.
29Kushkeäwezemahgud neneenj chemujjedoodoonaumbaun; tebikoong dush ningeguhnoonig koos oo‐Kesha‐Muhnedoomun, oo‐oo keëzhid, Aungwahmezin cheënahsewud Jacob wanesheshing gamah kuhya mahyahnahduk.
30Noongoom dush ahpeche kedenandum chemahjahyun, Oonje ahpeche nundahwanduhmun cheëzhahyun emuh koos oowegewauming, wagoonash edush kahoonjekeemoodemeyun nemuhnedoomug?
31Jacob dush oogenuhquatuhwaun oo‐oo keënaud Labanun, Ningesagiz suh: oo‐oo mah ningeëkid, Koonemah nindahmuh-kummig enewh oodahnissun.
32Owh kamekummowud enewh kemuhnedoomug kahween tahbemahdezese: anahsuhmewaud kekahnesenahnig nunduhkekandun kishpin gagoo keduhyeem atagwan emuh anduhzhe ahyahyaun, oodahpinun dush. Jacob mah kahween oogekekanduhseen Rachelun kekemoodenid enewh.
33Laban dush kepeendega emuh Jacob oowegewauming, kuhya emuh Leah oowegewauming, kuhya emuh oowegewaumewaung egewh neezh buhmeetahgun‐equawug; kah dush oegemekahwahseen. Me dush kesahgahung emuh Leah oowegewauming, kepeendega dush emuh Rachel oowegewauming.
34Rachel dush oogeöodahpenahbuneen enewh muzzeneneneen, kuhya oogeähsahpuneen emuh ahtanig papegwahwegung‐uhyeëen, keähgweduhbe dush emuh. Laban dush kenundahwahbe anegookwaug ewh wegewaum, kah dush oogemekahwahseen.
35Oo‐oo dush oogeënaun enewh oosun, Kagoo ningahwuhsittahwanemegoose nindoogemaum oonje kushketoosewaun chepuhsegweyaun emuh anahsuhmeyun; nindezheähyah mah azheähyahwaud equawug. Kenundahwahbe dush, kah dush oogemekahwahseen enewh muhzeneneen.
36¶ Me dush uhpe kenishkahdezid Jacob, kuhya kenuhnebekemaud Labanun: Jacob dush oogeguhnoonaun Labanun, oo‐oo keënaud, Wagoonan suh nemujje‐ezhechegawin? Wagoonan nekuhkebahjechegawin ewh anegook kenoosoonaöoyun?
37Ahnahwe kenundooneëgayun emuh ahtagin kuhkenuh ninduhyeëmun, wagoonash kahmekuhmun anduhchingin enewh keduhyeemun dabandahgwukkin emuh kewegewauming? ahtoon oomah anahsuhmewaud nekahnisug kuhya kekahnisug, kegahtebahkoonegoonahnig edush.
38Nishtuhnuh duhsoo‐pepoon akoo‐weejewinaun; egewh kenoozha‐mahnishtahnishemug kuhya kenoozha‐mesahboozoog kahween keähnuhwawezesewug wenegeähwuhsoowaud, kah kuhya ningeäumwahseeg kedahyahba‐mahnishtahnishemug.
39Kahween kegepeetuhmoosenoon egewh kahnesegoojig enewh ahwaseyun; neen suh ningewuhneäug; kegenundahwanim chemeeninaun, kishpin kahkeemoodemegoowaunan kezheguk, gamah kuhya tebikuk.
40Mesuh oo‐oo kahezheähyahyaun; kahzhegukkin ningewesuhgahkiz oonje kezhahtag, kuhya tabekukin ningewesuhguj; kuhya ningenuhguhnegoon nenebahwin.
41Mesuh nishtuhnah duhsoo‐pepoon kahezheähyahyaun emuh kewegewauming; metausoo‐pepoon ahshe newin kegebuhmeetoon oonje kedahwahkaunug: metahching dush kegequakesittoon netebahahmahgoowin.
42Kishpin suh weejewesigoobun noos oo‐Kesha‐Muhnedoomun, Abraham oo‐Kesha‐Muhnedoomun, enewh Isaac quasahjin, kagate pezheshig kedahgeëzhemahjenahzhuh. Kesha‐Muhnedoo oogewahbundaun nekooduggetoowin kuhya anuhnookeemahguk neneenjeen, mesuh tebikoong kahoonjenuhneebikemik.
43¶ Laban dush oogenuhquatuhwaun Jacobun, oo‐oo keënaud Jacobun, Nindahnisug suh oogoo wadahnesemindjig, kuhya nenejahnisug oogoo wanejahnesemindjig, kuhya nindoowahkahnug oogoo ahwahkaunug, kuhkenuh wuhyahbunduhmun, neen netebandahnun: ahneen dush noongoom kezheguk kadoodahwugwah oogoo nindahnisug gamah kuhya enewh oonejahnesewaun kahnegeähwahjin?
44Umba‐suhnoo, oozhetoodah wahweendahmahdewin, neen kuhya keen; chekekandahgoozeyung neen kuhya keen.
45Jacob dush oogeöodahpenaun ahsineen oogepuddukkeshemaun dush chekekenoowahjechegunewenid.
46Jacob dush oo‐oo oogeënaun enewh wekahnissun, Mahwunjeïk ahsineeg; oogeöodahpenahwaun dush ahsineen, keöoqueshemahwaud dush: kewesenewug dush emuh keöoqueshemahwaud.
47Laban dush oogeëzhenekahdaun Jegar‐Sahadutha; Jacob dush Galeed oogeëzhenekahdaun.
48Laban dush oo‐oo keëkedoo, Oo‐oo wakoosing kekenoowahjechegun tahahwun nesahwahyeëe uhyahyung keen kuhya neen noongoom kezheguk. Mesuh Galeed kahoonjeëzhenekahdag;
49Kuhya Mizpah: oo‐oo mah keëkedoo, Kegahahkahwahbuhmigoonaun Jehovah, uhpe wahsuh ahyahyun kuhya dush neen wahsuh ningooje ahyahyaun.
50Kishpin kooduggeüdwah nindahnisug, kuhya kishpin oodahpenudwah bakahnezejig equawug oogoo dush ween nindahnisug, kahween ahweyah enene keweejewegoosenaun; benuh kekekanemegoonaun Kesha‐Muhnedoo azhewabezeyung keen kuhya neen.
51Laban dush oo‐oo oogeënaun enewh Jacobun, Benuh maunduh waquissing, kuhya mahbuh nesuhwuhyeëe paduhkeshing ahsin kahuhsug uhyahyung neen kuhya keen;
52Benuh maunduh waquesing, kuhya mahbuh paddukkeshing ahsin, tahoonjekekekenoowahdud, ewh wekah chepahzhedahunsewaun oo‐oo waquissing chenaunzekoonaun, kuhya keen chepahzhedahunsewun oo‐oo waquissing kuhya mahbuh paduhkeshing ahsin chenaunzekahweyun, chemujje‐doodahdeyung.
53Kegahdebahkoonegoonaun oo‐Kesha‐Muhnedoomun Abraham, kuhya oo Kesha‐Muhnedoomun owh Nahor, oo Kesha‐Muhnedoomewaun enewh oosewahbuneen. Jacob dush kemushkahwe‐wahweendahmahga ketuhgooweenaud enewh oosun Isaac quasahjin.
54Jacob dush kesahsahgewejega emuh wahjewing, kuhya oogenundoomaun enewh wekahnisun chepeäumwahnid buhquazhegunun: me dush keäumwahnid buhquazhegunun, kuhpa tebik dush keähyahwug emuh wahjewing.
55Keche kekezhab dush Laban keöonishkah, kuhya oogeöojeemaun enewh oogwissun kuhya enewh oodahnissun, kuhya oogeshahwanemaun; Laban dush keühnemahjah, keëzhah dush emuh anduhnuhkeed.
Currently Selected:
GENESIS 31: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
