GALATIANUN 4
4
1Benuh nindekid, owh wahdebandung oosun ooduhyeemene, menik egoo kaähbenoojeëwegwan, kahween pukkaun enandahgoozese dush ween owh buhmeetahgun, ahnooween goo kuhkenuh wahdebandung:
2Oodoogemahkundahmahgoon suh ween enewh kakenooähmahgoojin kuhya enewh ganuhwanemegoojin peenish egoo ewh uhpe debishkoosanig kahenahkooneganid oosun.
3Mesuh kuhya kenuhwind, magwah ahbenoojeëweyungoobun, kegetebanemegoomin oomah uhkeeng duhzhe ooshke‐kekenooähmahdewinun:
4Uhpe dush kahahpeche‐debishkoosag, Kesha‐Muhnedoo oogepeëzhenahzhahwaun enewh Oogwissun, kahnegeëgood enewh equawun, chenuhittung ewh tebahkoonegawin.
5Chebemahjeäud enewh kahtebahkoonegahzoonejin, kenuhwind cheöodahpenuhmung oodezhetwahwinewah egewh wagwissemindjig.
6Mesuh oogwissemegooyag, owh Kesha‐Muhnedoo kahoonje‐ezhenahzhahwaud Oojechaugwunene enewh Oogwissun emuh kedaëwaung, oo‐oo ahyahzhequang Abba, Noosa.
7Kah suh dush kayahbe kebuhmeetahgunewese, kedoogwissemegoo suh goo; kishpin dush wagwissemegoowunan, me suh kaöonje‐tebanduhmun enewh ooduhyeemun owh Kesha‐Muhnedoo oonje owh Christ.
8Benuh dush, magwah kekekanemahsewagoobun owh Kesha‐Muhnedoo, kegebuhmeetahwahwaug egewh Kesha‐Muhnedoowandahgoozesigoog.
9Noongoom dush kakanemag Kesha‐Muhuedoo, ahwahshema nindahekid kakanemenag Kesha‐Muhnedoo, ahneeshwin ezheähzhasayag emuh shuhyahgwewemahguk kuhya ningood anahbuttussenook ooshke‐kekenooähmahgoowining, me emuh nunduhwanduhmag menuhwah chedebandahgoozeyag?
10Keguhnuhwandahnahwah enewh kezhegudoon, kuhya enewh kezisoon kuhya kechetwah‐kezhegudoon, kuhya enewh kekenoonoowinun.
11Nesagiz dush kenuhwah oonje, koonemah ahneshah kegeähnooketuhmoonenim.
12Nejekewaëdoog, kepahgoosanemenim, ezheähyahyook debishkoo neen azheähyahyaun; neen muh nindezheahyah debishkoo kenuhwah azheähyahyag: kah ningood kegemujje‐doodahweseem.
13Kekekanemim emuh azhenuhneenuhmuk neyausim kegeëzhedebahjemootuhmoonenim ewh minwahjemoowin wuhyashkud.
14Ewh dush nekuhgwatebanemegoowin emuh neyausing kahduhgoomahguk kahween kegeneshebahpenuhdunsenahwah, kah kuhya kegewabenunsenahwah; kegeëzheoodahpenim debishkoo oodangenemun owh Kesha‐Muhnedoo, debishkoo Christ Jesusing.
15Ahneende dush ewh shahwandahgoozewin kahduhzhinduhmag? oo‐oo muh kedenahjeminenim, kishpin kushketooyagoobun, kedahgekeejebetoonahwah tebenuhwa kishkinzhegoowaun, chegemeezheyagoobun.
16Kedoonje‐wuhsittahwanemim nuh, ewh weenduhmoonenuhgoog ewh dabwawin?
17Kekeche‐wekoojeëgoowaug, kah dush ween wawane; enanduhmoog suh chepukkawinenagwah cheöonje‐wedookahwagwah.
18Oonesheshin sah moonzhug keche‐weedookahzoong kishpin oonesheshing ewh wahdookuhmag, kahween atuh uhpe waujewinenuhgoogin.
19Nindahbenoojeëmedoog, kenuhwah wanje‐kooduggetooyaun menuhwah emuh negeähwuhsoowining nahnauzh kezheïnd Christ emuh kedaëwaung.
20Nindahgenunduhwandum noongoom cheweejewinenuhgoogebun, kuhya cheäunjetooyaunbaun ewh ninkekedoowin; kah suh kekekanemesenoonim azhewabezeyag.
21Weenduhmahweshig, kenuhwah nanduhwanduhmag chebuhmeetuhmag ewh tebahkoonegawin, kah nuh ween kenoonduhsenahwah ewh tebahkoonegawin?
22Ezhebeëgahda muh, Abraham keneezhenid oogwissun, pazhik buhmeetahgun‐equang keöonje‐neegewun, pazhik dush oowedegamahguning.
23Wah‐owh dush buhmeetahgun‐equa oogwissun weyahsemaung keöonje‐neegewun; owh dush oowedegamahguning kahoonjeähyaud wahweenduhmahgawining keöonje‐neege.
24Ahwachegun ahwunoon oonoo debahjemoowinun: me suh enewh neezh kekindewinun; pazhik Sinai wahjewing oonjeemahgud, ahnookeemahgud dush chebuhmeetahgang, me suh Agar.
25Wah‐owh muh Agar, me suh Sinai wahjewh emuh Arabiaïng, debishkoo enandahgwud anandahgwuk Jerusalem noongoom ayahmahguk, kuhya bameetahgamahguk mahmahwe oonejahnesun.
26Jerusalem dush ishpeming ayahmahguk kahween buhmeetahgamahgussenoon, owh kuhkenuh wageemung.
27Oo‐oo muh ezhebeëgahda, Moojegezin, keen wanejahnesesewun; bahpenandun kuhya menuhwaunegwandun, keen nahgeähwuhzoosewun: owh muh nazhekawezid oodahyahwaun nahwuj nebewah ahbenoojeün dush ween owh wanahbamid.
28Benuh dush, kenuhwind, nejekewaëdoog, kedoonejahnesemegoomin ewh wahweendahmahgawin debishkoo Isaac kahezheöonejahnesemind.
29Me dush goo nahsaub kahezhewabukebun, owh weyausemaung kahoonje‐neegid kekooduggeäud enewh oojechaugoomaung kahoonje‐neegenejin, me begoo azhewabuk noongoom.
30Ahneen dush akedoomahguk ewh oozhebeëgun? Sahgeje‐wabin owh buhmeetahgun‐equa kuhya enewh oogwissun: owh muh buhmeetahgun‐equang kahoonje‐neegid kahween oogahweeje‐debandahsoomahseen enewh weedegamahguning kahoonje‐neegenejin.
31Me dush, nejekewaëdoog, kenuhwind kahween buhmeetahgun‐equa kedoonejahnesemegoosemin, weedegamahgun atuh.
Currently Selected:
GALATIANUN 4: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
GALATIANUN 4
4
1Benuh nindekid, owh wahdebandung oosun ooduhyeemene, menik egoo kaähbenoojeëwegwan, kahween pukkaun enandahgoozese dush ween owh buhmeetahgun, ahnooween goo kuhkenuh wahdebandung:
2Oodoogemahkundahmahgoon suh ween enewh kakenooähmahgoojin kuhya enewh ganuhwanemegoojin peenish egoo ewh uhpe debishkoosanig kahenahkooneganid oosun.
3Mesuh kuhya kenuhwind, magwah ahbenoojeëweyungoobun, kegetebanemegoomin oomah uhkeeng duhzhe ooshke‐kekenooähmahdewinun:
4Uhpe dush kahahpeche‐debishkoosag, Kesha‐Muhnedoo oogepeëzhenahzhahwaun enewh Oogwissun, kahnegeëgood enewh equawun, chenuhittung ewh tebahkoonegawin.
5Chebemahjeäud enewh kahtebahkoonegahzoonejin, kenuhwind cheöodahpenuhmung oodezhetwahwinewah egewh wagwissemindjig.
6Mesuh oogwissemegooyag, owh Kesha‐Muhnedoo kahoonje‐ezhenahzhahwaud Oojechaugwunene enewh Oogwissun emuh kedaëwaung, oo‐oo ahyahzhequang Abba, Noosa.
7Kah suh dush kayahbe kebuhmeetahgunewese, kedoogwissemegoo suh goo; kishpin dush wagwissemegoowunan, me suh kaöonje‐tebanduhmun enewh ooduhyeemun owh Kesha‐Muhnedoo oonje owh Christ.
8Benuh dush, magwah kekekanemahsewagoobun owh Kesha‐Muhnedoo, kegebuhmeetahwahwaug egewh Kesha‐Muhnedoowandahgoozesigoog.
9Noongoom dush kakanemag Kesha‐Muhuedoo, ahwahshema nindahekid kakanemenag Kesha‐Muhnedoo, ahneeshwin ezheähzhasayag emuh shuhyahgwewemahguk kuhya ningood anahbuttussenook ooshke‐kekenooähmahgoowining, me emuh nunduhwanduhmag menuhwah chedebandahgoozeyag?
10Keguhnuhwandahnahwah enewh kezhegudoon, kuhya enewh kezisoon kuhya kechetwah‐kezhegudoon, kuhya enewh kekenoonoowinun.
11Nesagiz dush kenuhwah oonje, koonemah ahneshah kegeähnooketuhmoonenim.
12Nejekewaëdoog, kepahgoosanemenim, ezheähyahyook debishkoo neen azheähyahyaun; neen muh nindezheahyah debishkoo kenuhwah azheähyahyag: kah ningood kegemujje‐doodahweseem.
13Kekekanemim emuh azhenuhneenuhmuk neyausim kegeëzhedebahjemootuhmoonenim ewh minwahjemoowin wuhyashkud.
14Ewh dush nekuhgwatebanemegoowin emuh neyausing kahduhgoomahguk kahween kegeneshebahpenuhdunsenahwah, kah kuhya kegewabenunsenahwah; kegeëzheoodahpenim debishkoo oodangenemun owh Kesha‐Muhnedoo, debishkoo Christ Jesusing.
15Ahneende dush ewh shahwandahgoozewin kahduhzhinduhmag? oo‐oo muh kedenahjeminenim, kishpin kushketooyagoobun, kedahgekeejebetoonahwah tebenuhwa kishkinzhegoowaun, chegemeezheyagoobun.
16Kedoonje‐wuhsittahwanemim nuh, ewh weenduhmoonenuhgoog ewh dabwawin?
17Kekeche‐wekoojeëgoowaug, kah dush ween wawane; enanduhmoog suh chepukkawinenagwah cheöonje‐wedookahwagwah.
18Oonesheshin sah moonzhug keche‐weedookahzoong kishpin oonesheshing ewh wahdookuhmag, kahween atuh uhpe waujewinenuhgoogin.
19Nindahbenoojeëmedoog, kenuhwah wanje‐kooduggetooyaun menuhwah emuh negeähwuhsoowining nahnauzh kezheïnd Christ emuh kedaëwaung.
20Nindahgenunduhwandum noongoom cheweejewinenuhgoogebun, kuhya cheäunjetooyaunbaun ewh ninkekedoowin; kah suh kekekanemesenoonim azhewabezeyag.
21Weenduhmahweshig, kenuhwah nanduhwanduhmag chebuhmeetuhmag ewh tebahkoonegawin, kah nuh ween kenoonduhsenahwah ewh tebahkoonegawin?
22Ezhebeëgahda muh, Abraham keneezhenid oogwissun, pazhik buhmeetahgun‐equang keöonje‐neegewun, pazhik dush oowedegamahguning.
23Wah‐owh dush buhmeetahgun‐equa oogwissun weyahsemaung keöonje‐neegewun; owh dush oowedegamahguning kahoonjeähyaud wahweenduhmahgawining keöonje‐neege.
24Ahwachegun ahwunoon oonoo debahjemoowinun: me suh enewh neezh kekindewinun; pazhik Sinai wahjewing oonjeemahgud, ahnookeemahgud dush chebuhmeetahgang, me suh Agar.
25Wah‐owh muh Agar, me suh Sinai wahjewh emuh Arabiaïng, debishkoo enandahgwud anandahgwuk Jerusalem noongoom ayahmahguk, kuhya bameetahgamahguk mahmahwe oonejahnesun.
26Jerusalem dush ishpeming ayahmahguk kahween buhmeetahgamahgussenoon, owh kuhkenuh wageemung.
27Oo‐oo muh ezhebeëgahda, Moojegezin, keen wanejahnesesewun; bahpenandun kuhya menuhwaunegwandun, keen nahgeähwuhzoosewun: owh muh nazhekawezid oodahyahwaun nahwuj nebewah ahbenoojeün dush ween owh wanahbamid.
28Benuh dush, kenuhwind, nejekewaëdoog, kedoonejahnesemegoomin ewh wahweendahmahgawin debishkoo Isaac kahezheöonejahnesemind.
29Me dush goo nahsaub kahezhewabukebun, owh weyausemaung kahoonje‐neegid kekooduggeäud enewh oojechaugoomaung kahoonje‐neegenejin, me begoo azhewabuk noongoom.
30Ahneen dush akedoomahguk ewh oozhebeëgun? Sahgeje‐wabin owh buhmeetahgun‐equa kuhya enewh oogwissun: owh muh buhmeetahgun‐equang kahoonje‐neegid kahween oogahweeje‐debandahsoomahseen enewh weedegamahguning kahoonje‐neegenejin.
31Me dush, nejekewaëdoog, kenuhwind kahween buhmeetahgun‐equa kedoonejahnesemegoosemin, weedegamahgun atuh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.