EXODUS 40
40
1Jehovah dush oogekuhnoonaun enewh Mosesun, oo‐oo keënaud,
2Ewh kezheguk uhpe ooshkeühgoojing owh netum keezis kegahpuhduhkesedoon ewh puhpuhgewuhyahne‐ahnuhmeä-wegummig ewh agwuhnuhegahdag emah koo anduhzhemahwunjeëding.
3Kegahuhtoon dush emah peendig ewh debahjemoowine‐mukkuk, kuhya kegahuhgwuhnuhaun ewh mukkuk ewh kebuhgoojegun cheühyooyun.
4Kegahpeendeguhdoon dush ewh uhdoopoowin, kuhya kegahsuhguhkesedoonun enewh kasuhguhkesedoongin emah; kegahpeendeguhdoon dush ewh wahsuhkoonanjegunahbik, kuhya kegahsuhkuhaunun enewh wahsuhkoonanjegunun dabandahgwukkin emah.
5Kegahuhtoon dush ewh oozahweshooneyah‐menoomahgwahkesegune‐sahsahgewejegunahbik emah anahsuhmesing ewh debahjemoowine‐mukkuk, kuhya kegahuhgoodoon ewh kakebuhgoodag emah ishquaundamewung ewh puhpuhgewuhyaunegine‐ahnuhmeäwegummig.
6Kuhya kegahuhtoon ewh chahgeda‐sahsahgewejegune‐sahsahgewejegunahbik emah anahsuhmesing ewh ishquaundam dabandahgwuk emah puhpuhgewuhyaune‐ahnuhmeäwegummegoong ewh agwuhnuhegahdag emah koo anduhzhemahwunjeëding.
7Kegahuhtoon dush ewh kesebege‐oonahgun nesuhwuhyeëe emah uhtag ewh agwuhnuhegahdag emah koo anduhzhemahwunjeëding, kuhya ewh sahsahgewejegunahbik, kuhya nebe kegahuhtoon emah.
8Kuhya kegahpuhduhkesedoon ewh wuhyahkahkenegahdag kewetahuhyeëe, kuhya kegahuhgoodoon ewh uhgoobejegun emah ishquaundamewung ewh wuhyahkahkenegahdag.
9Kuhya kegahoodahpenaun ewh noomenega‐pemeda, kegahnoomenaun dush ewh puhpuhgewuhyahne‐ahnuhmeä-wegummig, kuhya kuhkenuh ewh atag emah, kuhya kegahkechetwahwetoon, kuhya kuhkenuh enewh ahbuhjechegunun dabandahgwukkin emah: tahkechetwahwandahgwud dush.
10Kegahnoomenaun kuhya ewh chahgeda‐sahsahgewejegune‐sahsahgewejegunahbik, kuhya kuhkenuh enewh oodahbuhjechegunun, kuhya kegahkechetwahwetoon ewh sahsahgewejegunahbik: tahahwun dush ewh sahsahgewejegun‐ahbik ahpeje kachetwahwandahgwuk.
11Kuhya kegahnoomenaun ewh kezebege‐oonahgun kuhya ewh oosid, kegahkechetwahwetoon dush.
12Kuhya kegahpeenah Aaron kuhya enewh oogwissun emah ishquaundamewung ewh puhpuhgewuhyahne‐ahnuhmeäwegummig, emah koo anduhzhemahwunjeëding, kegahkesebegenaug dush nebe cheühyooyun.
13Kegahpesekoonah dush Aaron enewh kechetwah uhgwewinun, kuhya kegahnuhmuhkoonah, kuhya kegahkechetwahweäh; cheühnooketuhwid dush nah emah ooduhnookewining owh sahsahgewejega‐wenene.
14Kuhya kegahpeenemaun enewh oogwissun, kegahpeesekoonaug dush puhpeenzekuhwahgunun:
15Kuhya kegahnuhmuhkoonaug, kahezhenuhmuhkoonemud suh goo enewh oosewaun, cheühnooketuhwewaud dush nah emah ooduhnookewining owh sahsahgewejega‐wenene: ewh mahween nuhmuhkoonindwah ahbedakummig tahuhyahwug egewh kahgenig kasahsahgewejega‐wenenewejig menik kaneähnekabemahdezewaud.
16Me suh oo‐oo kahezhechegad Moses: kuhkenuh goo kahezhekuhgaunzoomegood Jehovahun, me ewh kahezhechegad.
17¶ Kepuhgummeähyahmuhgud dush uhpe agoojing owh netum keezis ewh neezh pepoon, ewh kezhegud uhpe washkeühgoojing owh keezis, ewh puhpuhgewuhyaune‐ahnuhmeäwegummig kepuhduhkesejegahdag.
18Moses dush oogepuhduhkesedoon ewh puhpuhgewuhyaune‐ahnuhmeäwegummig, kuhya oogeminjemoosedoonun enewh ooduhshoojesejegunemun, kuhya oogepuhduhkeshemaun enewh nuhbuhgesuhgoon dabandahgoozenejin emah, kuhya peenjuhyeëe oogeühtoonun enewh bemedahquuhegunun dabandahgwukkin emah, kuhya oogepuhduhkesedoonun enewh oodahswahkwuhegunemun.
19Oogeduhzhwagesedoon dush ewh agwuhnuhegang emah puhpuhgewuhyaune‐ahnuhmeäwegummegoong, kuhya oogeühtoon uhgwuhnuhegun wuhgejuhyeëe emah ewh agwuhnuhegang; kahezhekuhgaunzoomaud suh goo Jehovah enewh Mosesun.
20¶ Oogeöodahpenaun dush kuhya oogeühtoon ewh debahjemoowin emah mukkukkoong, kuhya oogeühtoonun enewh metigoonsun emah mukkukkoong, kuhya oogeühtoon ewh shahwanjega‐uhgweduhbewin oogejuhyeëe emah mukkukkoong.
21Oogepeendeguhtoon dush ewh mukkuk emah puhpuhgewuhyaune‐ahnuhmeäwegummegoong, kuhya oogeühgoodoon ewh kebuhgoojegun dabandahgwuk emah uhgwuhnuheguning, kuhya oogeühgwuhnuhaun ewh debahjemoowine‐mukkuk; kahezhekuhgaunzoomaud suh goo Jehovah enewh Mosesun.
22¶ Oogeühtoon dush ewh uhdoopoowin emah puhpuhgewuhyaunegummegoong emah koo anduhzhe mahwunjeëding, emah kewadenoong enuhkuhkayah ewh puhpuhgewuhyaune‐ahnuhmeäwegummig, uhgwuhjeeng enuhkuhkayah ewh kebuhgoojegun.
23Oogesuhguhkeshemaun dush enewh buhquazhegunun emah anahsuhmeähyahnid Jehovahun; kahezhekuhgaunzoomaud suh goo Jehovah enewh Mosesun.
24¶ Oogeühtoon dush ewh wahsuhkoonanjegunahbik emah puhpuhgewuhyaunegummegoong emah koo anduhzhemahwunjeëding, debishkoo emah uhtag ewh uhdoopoowin, emah shahwunoong enuhkuhkayah ewh puhpuhgewuhyahne‐ahnuhmeäwegummig.
25Oogesuhkuhaunun dush enewh wahsuhkoonanjegunun emah anahsuhmeähyahnid Jehovahun; kahezhekuhgaunzoomaud suh goo Jehovah enewh Mosesun.
26¶ Oogeühtoon dush ewh oozahweshooneyah sahsahgewejegunahbik emah puhpuhgewuhyaunegummegoong emah koo anduhzhemahwunjeëding anahsuhmesing ewh kebuhgoojegun:
27Oogechahgezaun dush emah ewh manoomahgwuk menoomahgwahkesegun; kahezhekuhgaunzoomaud suh goo Jehovah enewh Mosesun.
28¶ Oogeühgoodoon dush ewh uhgoobejegun emah ishquaundamewung ewh puhpuhgewuhyaune ahnuhmeäwegummegoong.
29Oogeühtoon dush ewh chahgeda‐sahsahgewejegune‐sahsahgewejegunahbik cheguhyeëe emah ishquaundamewung ewh puhpuhgewuhyaune‐ahnuhmeäwegummig ewh agwuhnuhegahdag enah koo anduhzhemahwunjeëding, oogesahsahgewejegan dush emah chahgeda‐sahsahgewejegun kuhya ewh mejime‐sahsahgewejegun; kahezhekuhgaunzoomaud suh goo Jehovah enewh Mosesun.
30¶ Oogeühtoon dush ewh kezebege‐oonahgun nesuhwuhyeëe emah uhtag ewh puhpuhgewuhyaunegummig emah koo anduhzhemahwunjeëding kuhya ewh sahsahgewejegunahbik, kuhya oogeühtoon emah nebe, kaöonjekezebegeeng.
31Moses dush kuhya Aaron kuhya enewh oogwissun kekezebegeninjewug kuhya kekezebegesidanewug emah:
32Uhpe paundegawaud emah puhpuhgewuhyaunegummegoong emah koo anduhzhemah wunjeëding, kuhya uhpe pashoo puhnaunzekuhmoowaud ewh sahsahgewejegunahbik, kekezebegewug; kahezhekuhgaunzoomaud suh goo Jehovah enewh Mosesun.
33Oogepuhduhkesedoon dush ewh wuhyahkahkenegahdag kewetahuhyeëe emah puhpuhgewuhyaune‐ahnuhmeäwegummegoong kuhya emah sahsahgewejegunahbikoong, kuhya oogeühgoodoon ewh uhgoobejegun dabandahgwuk emah ishquaundamewung ewn wuhyahkahkenegahdag. Me suh Moses kahezhekezhetood ewh uhnookewin.
34¶ Ahnuhquud dush keühgwuhnesin emah puhpuhgewuhyaunegummegoong emah koo anduhzhemahwunjeëding, kuhya ewh oopeshegandahgoozewin owh Jehovah kemooshkenasin emah puhpuhgewuhyaune‐ahnuhmeäwegummegoong.
35Moses dush kahween oogekushketooseen chepeendegad emah puhpuhgewuhyaunegummegoong emah koo anduhzhemahwunjeëding, ewh mahween ahnuhquud keühyahmuhgud emah, kuhya ewh oopeshegandahgoozewin owh Jehovah kemooshkenasin emah puhpuhgewuhyaune‐ahnuhmeäwegummegoong.
36Uhpe dush ewh ahnuhquud wambenegahdag emah puhpuhgewuhyaune‐ahnuhmeäwegummegoong, Israel oonejahnesun keühnemahjahwug kuhkenuh emah oobuhbahmahdezewinewaung:
37Kishpin dush ween kahöombenegahdasenook ewh ahnuhquud, kahween dush kebuhbahmahdezesewug nuhnaunzh egoo ewh kezhegud keöombenegahdag.
38Ewh mahween Jehovah oodahnuhquudoom keühtane emah puhpuhgewuhyaune‐ahnuhmeäwegummegoong kahzhegukkin, kuhya ishkooda keühtane emah tabekukkin, anahsuhmeähyahwaud kuhkenuh egewh Israelitug, menik egoo kahbuhbahmahdezewaud.
Currently Selected:
EXODUS 40: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
