EXODUS 38
38
1Oogeöozhetoon dush ewh chahgeda‐sahsahgewejegune‐sahsahgewejegunahbik‐shittim metigoon keühwaud: nahnoonik keühquahmuhgud, kuhya nahnoonik keënegooquuhdayahmuhgud; keöoshuhshuhwayah; kuhya nesoonik keühpetahmuhgud.
2Oogeöozhetoonun dush enewh oodashkunun emah newing ezhenayahmuhguk; enewh oodashkunun nahsaub keöonjeöozhechegahdawun: kuhya oogeöozahwahbikookahdaun.
3Oogeöozhetoonun dush kuhkenuh enewh sahsahgewejegunahbikoo‐ahbuhjechegunun, enewh uhkikoonsun, kuhya enewh mungahnebahjegunun, kuhya enewh oonahgunun, kuhya enewh weyause‐ahjegwahjegunun, kuhya enewh ishkoodaoonahgunun: kuhkenuh enewh ahbuhjechegunun oozahwahbikoong oogeöonjeöozhetoonun.
4Oogeöozhetoon dush kadebandahgwuk emah sahsahgewejegunahbikoong ewh oozahwahbikooühyeëe uhsuhbeeng azhechegahdag uhnaumuhyeëe emah ooshuhshuhwayaug uhnaumuhyeëe emah goo nahwuhyeëe.
5Oogeöozhetoonun dush newin wahweyayahbikudoon kaühtagin emah newing ezhewuhyaquahuhyaug ewh oozahwahbikoo‐uhyeëe, emah kapeenjesingin enewh metigoonsun.
6Oogeöozhetoonun dush enewh metigoonsun shittim‐metigoon keühwaud, kuhya oogeöozahwahbikookahdaunun.
7Oogepeenjesetoonun dush enewh metigoonsun emah wahweyayahbikudoong emah uhyoopemaühyeëewung ewh sahsahgewejegunahbik, ewh kaöonjepemewejegahdag; cheweembahnig oogeëzhetoon ewh sahsahgewejegunahbik, nuhbuhgesuhgoon keühwaud.
8¶ Oogeöozhetoon dush ewh kesebege‐oonahgun oozahwahbik keühyood, kuhya ewh emah oozidahwung, oozahwahbik keühyood, emah keöondenung oowahbuhmoojechahgwunemewaun egewh equawug muhyahwunjeëdejig, muhyahwunjeëdepuneeg koo emah ishquaundamewung ewh puhpuhgewuhyahne‐ahnuhmeäwegummig emah koo anduhzhemahwunjeëding.
9¶ Oogeöozhetoon dush ewh wuhyahkahkenegahdag: emah shahwunoong enuhkuhkayah enewh uhgoobejegunun dabandahgwukkin emah ewh wuhyahkahkenegahdag wanesheshing kapuhgeguk puhpuhgewuhyahnegin keöonjeöozhechegahdawun, ningoodwauk‐dussoo‐nik:
10Enewh paduhkesingin metigoon neeshtuhnuh keduhchenoon, kuhya enewh oozahwahbikoo‐uhshoojesegunun neeshtuhnuh; enewh ahzhebejeguning azhenahgwukkin dabandahgwukkin emah enewh paduhkesingin metigoon kuhya enewh ooduhkoobejegunemewaun keshooneyahwewunoon.
11Emah dush kewadenoong enuhkuhkayah enewh uhgoobejegunun ningoodwauk‐dussoo‐nik keühquahmuhgudoon, enewh paduhkesingin metigoon neeshtuhnuh keduhchenoon, kuhya enewh oodoozahwahbikoo‐uhshoojesejegunemewaunneeshtuhnuh; enewh ahzhebejeguning azhenahgwukkin dabandahgwukkin emah enewh paduhkesingin metigoon kuhya enewh ooduhkoobejegunemewaun keshooneyahwewunoon.
12Kuhya emah apungeshemoog enuhkuhkayah keühtawun uhgoobejegunun nahnemeduhnuh‐dussoo‐nik aquahmuhgukkin enewh paduhkesingin metigoon medahswe, kuhya enewh ooduhshoojesejegunemewaun medahswe; enewh ahzhebejeguning azhenahgwukkin dabandahgwukkin emah enewh paduhkesingin metigoon kuhya enewh ooduhkoobejegunemewaun keshooneyah wewunoon.
13Kuhya emah wahbunoong enuhkuhkayah nahnemeduhnuh‐dussoo‐nik.
14Enewh uhgoobejegunun emah ingooding ezheöopemaühyeëewung ewh ishquaundam medahswe‐uhshe‐nahnoonik keühquahmuhgudoon; enewh paduhkesingin metigoon neswe, kuhya enewh ooduhshoojesejegunemewaun neswe.
15Kuhya uhwus enuhka ewh ishquaundam dabandahgwuk emah ewh wuhyahkahkenegahdag, oondaus enuhka kuhya uhwus enuhka, keühtawun uhgoobejegunun medahswe‐uhshe‐nahnoonik aquagukkin; enewh paduhkesingin metigoon neswe.
16Kuhkenuh enewh uhgoobejegunun dabandahgwukkin emah ewh wuhyahkahkenegahdag kewetahuhyeëe ewh wanesheshing kapuhgeguk puhpuhgewuhyahnegin keöonjeöozhechegahdawun.
17Enewh uhshoojesejegunun dabandahgwukkin emah enewh paduhkesingin metigoon keöozahwahbikoowunoon; enewh azhebejeguning azhenahgwukkin dabandahgwukkin emah enewh paduhkesingin metigoon kuhya enewh ooduhkoobejegunemewaun keshooneyahwewunoon; kuhya keshooneyahkahdawun emah wuhnuhkoowung ishpeming; kuhya kuhkenuh enewh paduhkesingin metigoon dabandahgwukkin emah ewh wuhyahkahkenegahdag kekuhkewetahpedawun shooneyah keühwind.
18Ewh dush uhgoobejegun dabandahgwuk emah ishqaundamewung ewh wuhyahkahkenegahdag, shahboonegun keühyoom keöozhetoong, me dush oonoo kahahbuhjetoong, ewh wazhahwushquaug, kuhya ewh mahnaundag, kuhya ewh masquaug, kuhya ewh wanesheshing kapuhgeguk puhpuhgewuhyahnegin: neeshtuhnuh‐dussoo‐nik dush keühquagud, kuhya nahnoo‐nik keühpetahmuhgud, debishkoo suh goo azhesingin enewh uhgoobejegunun dabandahgwukkin emah ewh wuhyahkahkenegahdag.
19Enewh dush oodahswahkwuhegunemewaun kenewinoon kuhya enewh oodoozahwahbikoo‐uhshoojesejegunemewaun kenewinoon; enewh oodahjebejegunemewaun keshooneyahwewunoon, kuhya keshooneyahkahdawun enewh emah wuhnuhkoowungin kuhya enewh ookewetahpejegaunsemewaun keshooneyahwewunoon.
20Kuhkenuh dush enewh suhgahquuhegunun dabandahgwukkinemah puhpuhgewuhyahne‐ahnuhmeäwegummegoong, kuhya emah ewh wuhyahkahkenegahdag kewetahuhyeëe, keöozahwahbikoowunoon.
21¶ Me suh oonoo kahahbuhjetoong emah puhpuhgewuhyaune‐ahnuhmeäwegummegoong, emah suh goo debahjemoowine puhpuhgewuhyahne‐ahnuhmeäwegummegoong, kahezheühginduhming egoo, nahsaub kahezhekuhgaundwad Moses, emah ooduhnookewinewaung egewh Levitug, kenegahnewedood Ishamar, oogwissun Aaron owh sahsahgewejega‐wenene.
22Bezaleel dush oogwissun owh Uri oogwissun owh Hur, dabandahgoozid emah oodenoodawezewining owh Judah, oogeöozhetoonun kuhkenuh enewh Jehovah kahezhekahgaunzoomaud Mosesun.
23Oogewedookahgoon dush Aholiabun, oogwissun owh Ahisamach, dabandahgoozid emah oodenoodawezewining owh Dan, munzenekoojega‐wenene, kuhya ahpeche waweengazid ahnooke‐wenene, kuhya owh manzenishtuhung ewh wazhahwushquaug, kuhya ewh mahnaundag, kuhya ewh masquaug, kuhya ewh wanesheshing puhpuhgewuhyaunegin.
24Kuhkenuh owh oozahweshooneyah kahahbuhjeïnd keühnookeeng kuhkenuh gagoo keöozhetoong emah ewh kachetwahwandahgwuk, owh suh goo oozahweshooneyah kahpuhgedenind, neeshtuhnuh uhshe shaunguhswe talentug keühpetandahgooze, kuhya neezhwahswe uhshe nesemeduhnuh shekelug, owh shekel ahwind emah keehetwah wegewauming debuhegang.
25Ooshooneyahmewah dush egewh kahuhgeminjig emah uhyahwaud egewh muhyahwunjeëdejig, ningoodwauk talentun keühpetandahgoozewun, kuhya medahswauk uhshe neezhwahswauk uhshe neezhwahsemeduhnuh uhshe nahnun shekelug, owh shekel awïnd emah kechetwah wegewauming debuhegang:
26Pazhig bekah anduhchid enene, me ewh ahbetuh shekel, owh shekel awind emah kechetwahwegewauming debuhegang, kuhkenuh goo egewh kahuhweühginjegahzoojig, naushtenuh‐dussoo‐pepoonuhgezejig uhwahshema dush, ningoodwauswauk uhshe neswe duhching medahswauk kuhya naunwauk uhshe nahnemeduhnuh enenewug.
27Ningoodwauk dush enewh shooneyah talentun keöonjeöozhechegahdawun enewh kechetwahwegewauming duhshe uhshoojesejegunun, kuhya enewh uhshoojesejegunun dabandahgwukkin emah kebuhgoojeguning; ningoodwauk uhshoojesejegunun emah enewh ningoodwauk talentun, pazhig talent me ewh pazhig uhshoojesejegun.
28Enewh medahswauk uhshe neenzhwahswauk uhshe neezhwahsemeduhnuh uhshe nahnun shekelun oogeöonjeöozhetoonun ahjebejejegunun kadebandahgwukkin emah ahswahquuheguning, kuhya oogeshooneyahkahdaunun, enewh emah wuhnuhkoowewaud, kuhya oogekewetahpedoonun.
29Ewh dush oozahwahbik kahpuhgedenuhming neezhwahsemeduhnuh talentug keühpetandahgwud, kuhya neezhing medahswauk uhshe newauk shekelug.
30Enewh dush oogeöonjeöozhetoonun enewh uhshoojesejegunun dabandahgwukkin emah ishquaundamewung ewh puhpuhgewuhyahne‐ahnuhmeäwegummig emah koo anduhzhe mahwunjeëding, kuhya ewh oozahwahbikoo‐sahsahgewejegunahbik, kuhya ewh oozahwahbik uhsuhbeeng azhechegahdag dabandahgwuk emah, kuhya kuhkenuh enewh ahbuhjechegunun dabandahgwukkin emah sahsahgewejegunahbikoong,
31Kuhya enewh uhshoojesejegunun dabandahgwukkin emah ewh wuhyahkahkenegahdag kewetahühyeëe, kuhya enewh uhshoojesejegunun dabandahgwukkin emah ishquaundamewung ewh wuhyahkahkenegahdag, kuhya kuhkenuh enewh suhgahquuhegunun dabandahgwukkin emah puhpuhgewuhyahne‐ahnuhmeäwegummegoong, kuhya kuhkenuh enewh suhgahquuhegunun dabandahgwukkin emah ewh wuhyahkahkenegahdag kewetahuhyeë.
Currently Selected:
EXODUS 38: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
