EXODUS 34
34
1Jehovah dush oo‐oo oogeënaun enewh Mosesun, Taushkahbekuhuhmahzoon neezh uhsine‐tasahbikoon nahsaub enewh netum kahezhenahgwukkin: ningahoozhebeäunun dush emah tasahbikoong enewh ekedoowinun kahuhyahge-buneen emah tasahbikoong netum kahuhyahmun, enewh kahbegwuhuhmun.
2Oozhetaun dush uhpe kekezhabahwuhguk, kuhya beöogedahkewan uhpe kekezhabahwuhguk emah Sinai wuhjewing, mahnoo dush kegahwahbuhmin emah oogij wuhjewh.
3Kah dush uhweyuh enene kegahbeweejewegoose, kag kuhya uhweyuh enene tahwahbuhmahse ingooje emah wuhjewing; kagoo kuhya egewh mahnishtahnishug kuhya egewh pezhekewug tahwesenesewug emah anahsuhmesing ewh wuhjewh.
4¶ Oogetaushkahbekuhwaun dush neezh uhsine‐tasahbikoon nahsaub enewh netum kahezhenahgwukkin; Moses dush kekezhab keöonishkah, Sinai wuhjewing dush keëzheoogedahkewad, kahezhekuhgaunzoomegood egoo enewh Jehovahun, oogetuhkoonaunun dush enewh neezh uhsine‐tasahbekoon.
5Jehovahun dush kenaunzhewun emah ahnuhquudoong, keweejegahbuhwetahgood dush emah, kuhya keweenduhmene ewh oodezhenekahzoowin ewh Jehovah.
6Jehovahun dush kebemesawun emah anahsuhmeühyaud, oo‐oo dush keëzhepepahgewun, Owh Jehovah, Owh Jehovah Kesha‐Muhnedoo, kademahganjegad kuhya shawanjegad, zahbishkahjegedahzood, kuhya wanzahmenuhdenig ookezhawahdezewin, kuhya oodabwawin.
7Ganuhwanduhmuhwaud shahwanjegawin nebewun duhswauk, wuhyabenuhmahgad mujje‐ëzhechegawin, mujje‐doodahgawin kuhya pahtahzewin, kuhya kuhnuhga kapoonane-mahsig enewh maje‐ëzhewabezenejin; nuhyaunzekuhmuhwaud oomujje‐ezhewabezewinewaun egewh wayooseminjig oonejahnesewaun, kuhya egewh wanejahneseminjig oonejahnesewaun, nuhnaunzh egoo nesing kuhya newing cheuhneähneka‐bemahdezewaud.
8Moses dush kewawebetah, kenuhwuhgequanid dush uhkeeng enuhkuhkayah, kuhya keshuhgushketaud.
9Oo‐oo dush keëkedoo, Kishpin suh manwandahgoozewaunan emah anahsuhmeyun, O Tabaningayun, mahnoo owh tabanemid, kepuhgoosanemin, ningahweejewegoonaun; egewh mahween ahwewug egewh ahnishenahbag mashkuhwindebajig; kuhya dush ahbwayanemeshenaum kemujjeeëzhewabezeyaung kuhya kepahtahzeyaung, kuhya oodahpeneshenaum chetebanemeyaung edush.
10¶ Oo‐oo dush keëkedoowun, Benuh newahweenduhmahga: emah anahsuhmewaud kuhkenuh kedahnishenahbamug ningahmuhmaundahwechega, wekah nahsaub kahezhechegaseeng mezewa uhkeeng, kuhya emah uhyahwaud uhnooj azheweenzoojig ahnishenahbag: kuhkenuh dush egewh ahnishenahbag wahjewudjig oogahwahbundahnahwah Jehovah ooduhnookewin: kootahmegwud mahween ewh kadoodoonaun.
11Guhnuhwandun ewh azhekuhgaunzoomenaun noongoom kezheguk: benuh, nesahgejenaunzhuhwah anahsuhmeyun owh Amorite, kuhya owh Canaanite kuhya owh Hittite, kuhya owh Perizzite, kuhya owh Hivite, kuhya owh Jebusite.
12Aungwahmezin, gagoo cheëzhewahweenduhmuhwahsewudwah egewh anduhnuhkeejig emah uhkeeng azhahyun, cheöonjenuhgwahnegoosewun dush nahwuhyeëe emah uhyahyun:
13Kegahbuhnahjetuhmuhwahwaug dush ween enewh oosahsahgewejegun‐ahbekoomewaun, kegahpegwuhuhmuhwahwaug enewh oomuzzenenemewaun, kuhya kegahguhwuhuhmuhwahwaug enewh oometigoomewaun:
14Kah mah ahweyah bakahnezid muhnedoo kegahahnuhmeätuhwahsewah: owh mahween Jehovah, Kahzhahwanje-gashkazhenekahzood, ahwe owh kazhahwanjegashkid Kesha‐Muhnedoo:
15Gagoo dush cheëzhewahweenduhmuhwahsewudwah egewh anduhnuhkeejig emah uhkeeng, kuhya egewh pashegwahdezingin cheühyindooduhwahsigwah enewh oomuhnedoomewaun, kuhya chesahsahgewenahsigwah enewh oomuhnedoomewaun, ahweyah dush chenundoomesenoog, chemejesewun dush ewh suhyahsahgewejegad;
16Kuhya cheöodahpenuhmuhwahsewudwah oodaunewaun kegwissun oonje, enewh dush oodaunewaun peshegwahdezewining uhyindooduhwahnid enewh oomuhnedoomewaun, chekushkeähsenig kegwissun peshegwahdezewining cheühyindooduhwahnid enewh oomuhnedoomewaun.
17Kahween kegahoozhetuhmahzoose ahweyah nangahbekezoond muhnedoo.
18¶ Ewh wambesejegahzoosig‐buhquazhegune‐wekoondewin kegahguhnuhwandaun. Neenzhwahsoogoon kegahaumwah wambesejegahzoosig buhquazhegun, kahezhekuhgaunzoomenaun egoo, uhpe uhgoojing owh Abib keezis: uhpe mahween agoojing owh Abib keezis Egypting kegeöonjesahguhaum.
19Kuhkenuh enewh wanjepahkahkooshkaug ewh oopuhyowemah neen nindebandahnun; kuhya anduhchewaud egewh netumoonzhahnug emah uhyahwaud keduhwuhkaunug, pazhekewewahgwan gamah kuhya muhyahnishtahneshewewahgwan, nuhyahbaühyuhahwejig.
20Onetumoonzhahnun dush ween owh mamaungesha kegahkeeshpenuhnah mahnishtahnesheens mashquud chepuhgedenud: kishpin dush keeshpenuhnahsewud, me suh chebookoogwaguhnahmud. Kuhkenuh menik natumoonzhahnewewaud kegwissug kegahkeeshpenuhnaug. Kahween kuhya ahweyah pezheshig tuhnahgoozese emah anahsuhmeyaun.
21¶ Ningoodwahsoogoon kegahuhnooke, uhpe dush ween neenzhwahsookezhiguk kegahaunwab: uhpe koo pemeboojegang kuhya, kuhya uhpe koo keeshkushkezhegang kegahaunwab.
22¶ Kegahguhnuhwandaun kuhya ewh ahnuhmeäkezhigudoo‐wekoondewin, ewh uhpe suhguhkenind owh netum kahzhegid buhquazhegunushk kaushkushkezhegangin, kuhya ewh wekoondewin uhpe paundegayahwuhjegayagoon uhpe zhegwuh wahishquahsamuhgukkin ewh kekenoonoowin.
23¶ Nesing ewh ningoo kekenoonoowin kuhkenuh kequewezansemewaug tahpeëzhahwug emah anahsuhmeühyaud Jehovah Kesha‐Muhnedoo, Israel oo‐Kesha‐Muhnedoomun.
24Ningahsahgejewabenaug mahween egewh ahnishenahbag anahsuhmeyun, kuhya ningahmechahtoon kedinduhnuhkewin: kahween kuhya ahweyah enene oogahnunduhwandunseen keduhkeem, uhpe ezhahyun emah anahsuhmeühyaud Jehovah ke‐Kesha‐Muhnedoom nesing ewh ningoo kekenoonoowin.
25Kahween kegahduhgoosahsahgewejegaseen oombesejegun, uhpe suhyahsahgewejegayunin ewh misque nesahsahgewejeguning wanzekahmuhguk; kahween kuhya ewh sahsahgewejegun ayahming uhpe kuhbekoosa‐wekoonding tahuhtasenoon nuhnaunzh egoo chewahbung.
26Ewh netum kahzheging keduhkeeming sahgukenuhming kegahezhewedoon emah oowegewauming owh Jehovah ke‐Kesha‐Muhnedoom. Kahween kegahguhbahshemahse mesahboozoons emah oodoodooshahboomening oogeen.
27Jehovah dush oo‐oo oogeënaun enewh Mosesun, Oozhebeün oonoo ekedoowinun: azhesingin mahween oonoo ekedoowinun kegeöozhetuhmoon ewh wahweenduhmahdewin azhewahweenduhmoonaun kuhya Israel.
28Oogeweejewaun dush emah enewh Jehovahun nemeduhnuh dussoogoon kuhya nemeduhnuh dussoo tebik; kahween oogeäumwahseen buhquazhegunun, kahween kuhya oogemenequaseen nebe. Oogeöozhebeäunun dush emah tasahbekoong enewh wahweenduhmahdewine‐ekedoowinun medahswe kuhgequawinun.
29¶ Kepuhggummeähyahmuhgud dush, uhpe Moses nahsahkewad Sinai wuhjewing, enewh neezh debahjemoowine tasahbekoon Moses minjemenung, uhpe nahsahkewad wuhjewing, Moses kekekandunsig kewahsayeengwad magwah kekuhkuhnoonaud.
30Uhpe dush Aaron kuhya kuhkenuh Israel oonejahnsun wuhyahbuhmahwaud Mosesun, benuh, kewahsayeengwawun; kesagezewug dush pashoo chenaunzekuhwahwaud.
31Moses dush oogenundoomaun; Aaron dush kuhya kuhkenuh egewh wagemahkunduhwahjig enewh muhyahwunjeëdenejin nayaub oogeëzhahnahwaun: Moses dush oogeguhnoonaun.
32Bahmah dush kuhkenuh Israel oonejahnesun pashoo keëzhahwun: oogeëzhekuhgaunzoomaun dush kuhkenuh kahuhyegoopun Jehovahun emah Sinai wuhjewing.
33Nuhnaunzh dush egoo Moses keïshquahguhnoonaud, keühgweengwabezoo.
34Uhpe dush ween Moses paundegad emah anahsuhme uhyahnid Jehovahun weguhnoonaud, oogekeechegoonaun ewh uhgweengwabezoon, nuhnaunzh egoo kebesahguhung, Kesahguhum dush oogeweenduhmuhwaun dush Israel oonejahnesun ewh kahezhekuhgaunzoomind.
35Egewh dush Israel oonejahnesun oogewahbundahnahwah Moses oodangwuhy, ewh kewahsayeengwanid Mosesun: Moses dush menuhwah oogeühyoon ewh uhgweengwabezoon oodangwuhying, nuhnaunzh egoo kepeendegad cheguhnoonaud.
Currently Selected:
EXODUS 34: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
