EXODUS 31
31
1Jehovah dush oogeguhnoonaun enewh Mosesun, oo‐oo keënaud,
2Benuh, ningeweenah Bezaleel oogwissun owh Uri, oogwissun owh Hur, emah dabandahgoozid Judah oodenoodawezewining:
3Ningeënahkoonah dush chemooshkenashkahgood Kesha‐Muhnedoo oojechaugwun, emah nebwahkahwining, kuhya nesedootuhmoowining, kuhya kekandahsoowining, kuhya uhnookewining uhnooj anandahgwuk,
4Chenebwahkahwuhnookeed, cheühnookeed uhwaud oozahweshooneyaun, kuhya shooneyaun, kuhya oozahwahbik,
5Kuhya mookoonaud uhsineensun, cheöozheshemaud, kuhya keeshkuhoondwah metigoog, uhnooj egoo uhnookewin chemekindung.
6Benuh dush neen egoo ningemeenah chewedookahgood enewh Aholiabun, oogwissun owh Ahisamach, dabandahgoozid emah Dan oodenoodawezewining: kuhya emah oodaëwaung kuhkenuh egewh nabwahkahjig ningeühtoon nebwahkahwin, cheöonjeöozhetoowaud kuhkenuh ewh kahezhekuhgaunzoomenaun:
7Ewh puhpuhgewuhyahne‐ahnuhmeäwegummig emah kaduhzhemahwunjeëding, kuhya owh debahjemoowine‐mukkuk, kuhya ewh shahwanjega‐uhgweduhbewin oogejuhyeëe emah azhesing, kuhya kuhkenuh enewh uhyahbuhjetoongin emah puhpuhgewubyahne‐ahnuhmeä‐wegummegoong.
8Kuhya ewh uhdoopoowin kuhya enewh uhyahbuhjetoongin emah, kuhya ewh wanezheshing wahsuhkoonanjegun‐ahbik kuhya kuhkenuh enewh uhyahbuhjetoongin emah, kuhya ewh menoomuhgwahkezegune‐sahsahgewejegun‐ahbik,
9Kuhya ewh chahgeda‐sahsahgewejegune‐sahsahgewejegunahbik kuhya kuhkenuh enewh uhyahbuhjetoongin emah, kuhya ewh kezebege‐oonahgun kuhya ewh emah oosidahwung.
10Kuhya enewh uhgwuhnuhegunun uhyahbuhjetoongin, kuhya enewh ookechetwahahgwewinun owh Aaron owh sahsahgewejegawenene kuhya enewh ooduhgwewinene enewh oogwissun, cheühnookewaud emah ooduhnookewining owh sahsahgewejegawenene,
11Kuhya ewh noomenega‐pemeda, kuhya ewh manoomahgwuk menoomahgwahkezegun kadebandahgwuk emah kechetwahwandahgwuk: nahsaub suh goo kuhkenuh kahezhekuhgaunzoomenaun tuhezhechegawug.
12¶ Jehovah dush oogeguhnoonaun enewh Mosesun, oo‐oo keënaud,
13Kuhnoonzh dush kuhya Israel oonejahnesun, oo‐oo cheënudwah, Nindahnuhmeäkezhigudoomun ahbedakummig kegahguhnuhwandahnahwaun: me mahween ewh kekenuhwahjechegun nesuhwuhyeëe atag enandahgwuk emah uhyahyaun kuhya emah uhyahyag menik kaneähnekabemahdezeyag; chekekanduhmag dush ewh Jehovah ahweyaun, owh pahneënag.
14Kegahguhnuhwandahnahwah suh dush ewh ahnuhmeäkezhig; me mahween ewh kakechetwahwanduhmag: anduhchewaud egewh banahjetoojig ahbedakummig tuhnesahwug: ahwagwan mahween anookegwan ewh uhpe, owh egoo tahnesah magwaühyeëe emah uhyahnid oodahnishenahbamun.
15Ningoodwahsoogoon tahuhnookeem; uhpe dush ween neenzhwahsookezhiguk me ewh unwabewine‐ahnuhmeäkezhegud ewh kachetwahwandung Jehovah: ahwagwan anookegwan uhpe ahnuhmeäkezhigudenig, ahbedakummig tuhnesah.
16Oogahguhnuhwandahnahwah suh dush Israel oonejahnesun ewh ahnuhmeäkezhegud, cheguhnuhwanduhmoowaud ewh ahnuhmeäkezhigud menik kaneähnekabemahdezewaud, kah genig dush cheduhgoomuhguk ewh wahweenduhmahgawin.
17Me suh ewh kekenuhwahjechegun kahgenig atamuhguk enandahgwud nesuhwuhyeëe emah uhyahyaun kuhya emah uhyahwaud Israel oonejahnesun: ningoodwahsoogoon mahween Jehovah oogeduhzhekaun keöozhetood gezhig kuhya uhke, uhpe dush naunzhwahsookezhegudenig keünwabe, kuhya keünwashemoonoo.
18Oogemeenaun dush Mosesun, uhpe kahishquahguhkuhnoonaud emah Sinai wuhjewing, neezh debahjemoowine tasahbikoon, uhsine‐tasahbikoon, wazhebeëgahdagin Kesha‐Muhnedoo ooninj keühyood.
Currently Selected:
EXODUS 31: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
