EXODUS 29
29
1Me dush oo‐oo kadooduhwudwah chepeneüdwah, cheühnooketuhwewaud dush emah ooduhnookewining owh sahsahgewega‐wenene: Oodahpin pazhig nahba‐pezhekeens, kuhya neenzh nahba‐mahnishtahnishug ingoodenoo azhemahkezesigwah.
2Kuhya wambesejegahzoosig buhquazhegun, kuhya buhquazhegaunsug wambesejegahzoosegoog pemeda dagoonuhming oozheïndwah, kuhya egewh nuhwuj nabuhgezejig wambesejegahzoosegoog bamedaweninjig: pahsaug mezemine‐buhquazhegun keguhyoon uhpe oozheüdwah.
3Kegahuhsaug dush pazhig uhkookoobenahguning, kuhya kegahpenaug emah uhkookoobenahguning, kuhya dush egoo own nahba‐pezhekeens kuhya egewh neenzh nahba‐mahnishtahnishug.
4Aaron dush kuhya enewh oogwissun kegahpenaug emah ishquaundamewung ewh puhpuhgewuhyahne‐ahnuhmea‐wegummig emah anduhzhemahwunjeëding, kegahgesebegenaug edush nebe cheühyooyun.
5Kegahoodahpenaunun dush enewh ahgwewinun, kegahpezekoonah dush Aaron ewh peenzekuhwahgun, kuhya ewh peenzekuhwahgun ephoding dabandahgwuk, kuhya ewh ephod, kuhya asimeeg, kuhya kegahkejepenah ewh suhzagah kejepezoon ephoding dabandahgwuk:
6Kegahuhtuhmuhwah dush ewh wewuhquaun emah ooshtegwauning, kuhya kegahuhtoon ewh kechetwah‐pese-quabezoon emah wewuhquauning.
7Me dush cheöodahpenuhmun ewh noomenega‐pemeda, chesegenuhmun dush emah ooshtegwauning, kuhya chenuhmuhkoonud.
8Kegahpenemah dush enewh oogwissun, kuhya kegahpezekoozhemaug peenzekuhwahgunun.
9Kegahkejepenaug dush kejepezoonun, Aaron kuhya enewh oogwissun, kuhya kegahuhtuhmuhwaug enewh wewuhquaunun: ewh dush ooduhnookewin owh sahsahgewejega‐wenene kahgenig oogahdebandahnahwah: kegahkechetwahweäh dush Aaron kuhya enewh oogwissun.
10Kegahuhnooke dush nahba‐pezhekeens chepenind emah anahsuhmesing ewh puhpuhgewuhyahne‐ahnuhmeä‐wegummig emah anduhzhemahwunjeëding: Aaron dush kuhya enewh oogwissun oogahuhtoonahwaun ooninjewaun emah ooshteqwaunening enewh nahba‐pezhekeensun.
11Kegahnesah dush owh nahba‐pezhekeens emah anahsuhmeühyaud Jehovah, pashoo emah ishquaundamewung ewh puhpuhgewuhyahne‐ahnuhmeä‐wegummig emah koo anduhzhemahwunjeëding.
12Kegahoodahpenuhmuhwah dush ahnind oomisqueem owh nahba‐pezhekeens, kegahuhtoon dush emah oodashkunewung ewh sahsahgewejegunahbik keninj cheühyooyun, kuhya kegahsegenaun kuhkenuh ewh misque cheguhyeëe emah nesuhyeëe ewh sahsahgewejegun‐ahbik.
13Kegahoodahpenaun dush kuhkenuh ewh wenin peenjenuh wanjeühgwuhnuhegahdag, kuhya ewh kebooöowin, oogejuhyeëe ookoonemaung atag, kuhya egewh neezh oodoodekoosewug, kuhya ewh wenin oogejuhyeëe atag, kegahchahgezaunun dush emah sahsahgewejegun‐ahbikoong.
14Ewh dush ween ooweyahsim owh nahba‐pezhekeens, kuhya enewh oodushkuhtuhyemun, kuhya ewh oomoowh, kegahwuhweenga‐chahgezaunun uhgwuhjeeng kuhbashewining: mujjeezhewabezewine‐puhgedenegun suh ewh.
15¶ Kegahoodahpenah dush kuhya pazhig nahba‐mahnishtahnish; Aaron dush kuhya enewh oogwissun oogahuhtuhmuhwahwaun ooninjewaun enewh mahnishtahnishun emah ooshtegwaunening.
16Kegahnesah dush owh nahba‐mahnishtahnish, kuhya kegahoodahpenuhmuhwah ewh oomisqueem, kegahsuhswabeguhundaun dush ewh sahsahgewejegun‐ahbik kewetahuhyeëe.
17Kegahpeesezhwah dush owh nahba‐mahnishtahnish, kuhya kegahkezebegenaun enewh peenj‐weyowing atagin, kuhya enewh ookaudun, kegahduhgoosedoonun dush emah uhtagin enewh kahkeeshkezhuhmunin, kuhya emah uhtag ewh ooshtegwaun.
18Kuhkenuh dush egoo owh mahnishtahnish kegahchahgezwah emah sahsahgewejegun‐ahbikoong: chahgeda‐sahsahgawejegun pagedenuhmuhwind owh Jehovah ahwun suh ewh: me ewh manoomahtamuhguk ewh pagedenuhmuhwind Jehovah ishkooda uhyoong.
19¶ Kegahoodahpenah dush kuhya owh menuhwah pazhig nahba‐mahnishtahnish; Aaron dush kuhya enewh oogwissun oogahuhtuhmuhwahwaun ooninjewaun enewh nahba‐mahnishtahnishun emah ooshtegwaunening.
20Me dush chenesud owh nahba‐mahnishtahnish, kuhya cheöodahpenuhmuhwud ahnind oomisqueem, ewh dush cheühtuhmuhwud Aaron emah wuhyaquahuhyahnig ookechetuhwug, kuhya enewh oogwissun emah wuhyaquahuhyahnig ookechetuhwuhgahning, kuhya emah ookechenikahwaung emah goo ookecheöoninjewaung, kuhya emah ookechesedahwaung emah goo ookechesedaunsewaung kuhya ewh misque uhyooyun chesuhswabeguhunduhmun ewh sahsahgewejegunahbik kewetahuhyeëe.
21Kegahoodahpenaun dush ahnind ewh misque sahsahgewejegun‐ahbikoong atag, kuhya ahnind ewh noomenega‐pemeda, kegahsuhswabeguhunduhwah dush Aaron, kuhya enewh oohuhgwewinun, kuhya enewh oogwissun, kuhya enewh oodahgwewinene oogwissun kaweejegahbuhwetahgood: tahkechetwahwandahgooze dush, kuhya enewh oodahgwewinun, kuhya enewh oogwissun, kuhya enewh oodahgwewinene oogwissun kaweejegahbuhwetahgood.
22Kegahoodahpenuhmuhwah dush kuhya owh nahba‐mahnishtahnish ewh wenin kuhya ewh oozhegun, kuhya ewh wenin peenjenuh weyowing agookag agwuhnuhewamuhguk, kuhya ewh kebooöowin nuhwuj ishpeming atag ewh dush ween ookoonemah, kuhya egewh neenzh oodoodekoosewug, kuhya ewh wenin‐agookag emah, kuhya ewh ookechedenemaungunemah; kechetwahweëwa‐nahba‐mahnishtahnish ahwe mahween uhowh:
23Kuhya pazhig buhquazhegun, kuhya pazhig buhquazhegauns pameda wechegahzood, kuhya pazhig nuhwuj nabuhgezid wandenind emah uhkookoobenahguning emah uhbid owh wambesejegahzoosig buhquazhegun anahsuhmeed Jehovah abid:
24Kegahpuhgedenaunun dush kuhkenuh emah ooninjeeng owh Aaron, kuhya emah ooninjining enewh oogwissun; ahyahzhook dush kegahezhewabenahnahwah cheähwung dush ewh ahyahzhook azhewabenuhming pagedenuhmuhwind Jehovah.
25Kegahoodahpenuhmuhwaug dush enewh ooninjewaung, kuhya kegahchahgezaunun emah sahsahgewejegun‐ahbikoong oonje ewh chahgeda‐sahsahgewejegun, cheöonjemenoomahtag emah anahsuhmeühyaud Jehovah: ewh pagedenuhmuhwind Jehovah ishkooda uhyoong ahwun suh ewh.
26Kegahoodahpenaun dush ewh ookahkegun owh nahba‐mahnishtahnish enewh Aaron kahkechetwahweähjin, kuhya ahyahzhook kegahezhewabenaun cheähwung dush ewh sahsahgewejegun ahyahzhook azhewabenuhming emah anahsuhmeühyaud Jehovah: keen dush ewh kegahdebandaun.
27Kegahkechetwahwetoon dush ewh ookahkegunemah ewh goo ahyahzhook apuhgeduhming puhgedenegun, kuhya ewh oodenemaunguhnemah ewh goo wambewabenuhming puhgedenegun, ewh ahyahzhook apuhgeduhming, kuhya ewh wambewabenuhming, wandenuhming nahba‐mahnishtahnisheeng owh kahkechetwahweïnd, ewh suh goo Aaron kaühyaung, kuhya ewh oogwissun kaühyahmenid:
28Enahkoonah dush Aaron kuhya enewh oogwissun kahgenig ewh chedebanduhmoowaud, Israel oonejahnesun chemenegoowaud: ewh wambewabenuhming puhgedenegun ahwun mahween ewh: tahahwun dush ewh wambewabnuhming oopuhgedenegunewah egewh Israel oonejahnesun emah wandenuhmoowaud oopezauneëwa‐puhgedenegunewaung, ewh goo wambewabenuhming pagedenuhmuhwahwaud Jehovahun.
29Ookechetwah‐ahgwewinun dush Aaron tahdebanduhmoon oogwissun keïshquahbemahdezid, chenuhmuhkoonemind emah, kuhya chekechetwahweëmind emah.
30Owh dush wagwissemind suhyahsahgewejega‐wenenewid nuhyahbishkuhwaud enewh oogahahgwenun neenzhwahsoogoon, uhpe paundegad emah puhpuhgewuhyahne‐ahnuhmeäwegummegoong emah koo anduhzhemahwunjeëding cheühnookeed emah kachetwahwandahgwudenig.
31¶ Kegahoodahpenah dush owh nahba‐mahnishtahnish kachetwahweïnd, kuhya kegahguhbahtoon ooweyaus emah ahbenahsoowining kachetwahwandahgwuk.
32Aaron dush kuhya enewh oogwissun oogahmejenahwah ewh ooweyaus owh nahba‐mahnishtahnish, kuhya enewh buhquazhegunun uhkookoobenahguning abenejin, cheguhyeëe emah ishquaundamewung ewh puhpuhgewuhyahne‐ahnuhmeäwegummegoong emah koo anduhzhemahwunjeëding.
33Oogahmeejenahwah dush enewh kahuhyoong kesahsahgewejegang, chekechetwahweïndwah kuhya chepeneïndwah: owh dush ween mayuggezid kahween oogahmeejeseenun, kechetwahwandahgwudoon mah.
34Kishpin dush ahnind ewh weyaus kahkechetwahwetoong, gamah kuhya ewh buhquazhegun, uhtag nuhnaunzh egoo wahbung, me suh chechahgezuhmun ewh kahishkoosag; kahween tuhmeejeseem, kechetwahwandahgwud mah.
35Me suh dush oo‐oo kadooduhwud Aaron, kuhya enewh oogwissun, nahsaub egoo kuhkenuh kahezhekuhgaunzoomenaun: neenzhwahsoogoon kegahkechetwahweäug.
36Kegahsahsahgewejeganun dush anduhsookezhiguk nahba‐pezhekeens mujje‐ezhewabezewin cheöonjesahsahgewejegayun cheöonjepoonanemegoong: kegahpeenetoon dush ewh sahsahgewejegun‐ahbik, uhpe keëzhechegayun ewh chepoonanduhming, kuhya kegahnoomenaun, chekechetwahwetooyun.
37Neezhwahsoogoon kegahuhnooke chepoonanduhming ewh sahsahgewejegun‐ahbik, kuhya kegahkechetwahwetoon; tahahwun dush ewh sahsahgewejegun‐ahbik kachekechetwah wandahgwuk: wagoodoogwan edoog kataungesing emah sahsahgewejegun‐ahbikoong tahkechetwahwandahgwud.
38¶ Me suh oo‐oo kasahsahgewejegayun emah sahsahgewejegun‐ahbikoong; heenzh mahnishtahnisheensug nangoo beboon-uhgezejig anduhsookezhiguk kahgenig.
39Owh pazhig mahnishtahnisheens‐kegahsahsahgewejeganun kakezhabahwuhgukkin; owh dush menuhwah pazhig mahnishtahnisheens kegahsahsahgewejeganun wanahgooshegin:
40Oonoo dush kegahpuggedenaunun uhpe sahsahgewejegayun owh pazhig mahnishtahnisheens, pazhig omer menik buhquazhegun, oo‐oo dush kuhya tahgeneguhwenegahda emah neenzhootebuhegaunsun menik ewh paketaëgahdag pemeda; kuhya neenzhoo tebuhegaunsun menik ewh shoowemenahboo cheöonjemenequa‐puhgedenegang.
41Owh dush kuhya menuhwah pazhig mahnishtahnisheens kegahsahsahgewejeganun wanahgooshegin, nahsaub dush egoo kegahdooduhwah owh azhesing ewh meejime‐puhgedenegun kakazhebahwuhgukkin pagedenuhmun, kuhya azhesing ewh menequawine‐puhgedenegun ewh uhpe pagedenuhming, cheöonjemenoomahtag, ewh pagedenuhmuhwind Jehovah ishkooda uhyoong.
42Me suh oo‐oo chahgeda‐sahsahgewejegun kahgenig kasahsahgewejegang menik kaneähnekabemahdezeyag emah ishquaundamewung ewh puhpuhgewuhyahne‐ahnuhmeäwegummig emah koo anduhzhemahwunjeëding anahsuhmeühyaud Jehovah: emah kanuhquashkoonenuhgoog, cheguhnoonenaun emah.
43Me kuhya emah kanuhquashkuhwugwah Israel oonejahnesun, ewh dush puhpuhgewuhyahne‐ahnuhmeäwegummig tahkechetwahwechegahda oonje ewh nimpeshegandahgoozewin.
44Ningahkechetwahwetoon kuhya ewh puhpuhgewuhyahne‐ahnuhmeäwegummig emah koo anduhzhemahwunjeëding, kuhya ewh sahsahgewejegun‐ahbik: ningahkechetwahweäug dush kuhya owh Aaron kuhya enewh oogwissun, cheühnooketuhwewaud emah ooduhnookewining owh sahsahgewejega‐wenene.
45Ningahduhnuhke kuhya magwaühyeëe emah uhyahwaud Israel oonejahnesun, ningahowh dush enewh oo‐Kesha‐Muhnedoomewaun.
46Oogahkekandahnahwah dush ewh ahweyaun owh Jehovah oo‐Kesha‐Muhnedoomewaun, enewh kahsahgejewenegoowahjin emah Egypt duhzhe uhkeeng, cheduhnuhkeyaun dush magwaühyeëe emah uhyahwaud: nindowh suh owh Jehovah oo‐Kesha‐Muhnedoomewaun.
Currently Selected:
EXODUS 29: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
