THESSALONIANUN 5
5
1Uhpe oo‐oo kaëzhewabuk, nejekewaëdoog, kahween enandahgwussenoon cheöozhebeühmoonuhgoog.
2Kenuhwah muh tebenuhwa kekekandahnahwah ewh Tabaningad ookezhegudoom chetuhgwishenoomahgudenig debishkoo owh kamoodishkid nebah‐tebik tuhgwishing.
3Uhpe muh akedoowaud, Kegahpezaun‐ahyahmin kah kuhya kenuhneezahnezesemin; medush kahwuhnuhpe kapuggummishkahgoowaud ewh bahnahdezewin, debishkoo equa wahnegeähwuhsoojin azhepuggummishkahgood ewh wesugganduhmoowin; kah dush tahtaöozhemoosewug.
4Kenuhwah dush ween nejekewaëdoog, kahween emuh magwa kushke‐tebekuk kedahyahseem cheühdemegooyagoobun ewh kezhegud debishkoo owh kamoodishkid.
5Kuhkenuh kenuhwah kedoonejahnesemegoonahwah ewh wahsayahzewin kuhya ewh kezhegud: kahween kenuhwind kedebandahgoozesemin emuh magwa kushke‐tebekuk.
6Umba suh kagoo nebahsedah debishkoo azhechegawaud ahnind; Ahkahwahbedah kuhya nesahdezedah.
7Egewh muh nabahjig nebahwug magwah tebekudenig: egewh natuh‐kewushquabejig, kewushquabewug magwah tebekudenig.
8Umba suh dush kenuhwind, dabandahgooseyung emuh kezheguk, nesahdezedah, pesekuhmung emuh nekahkah-gunuhnaung ewh dabwayanduhmoowin kuhya sahgeëwawin; Kuhya pesekuhmung tahnuhsug ahgooshtequaunaöowin ewh bemahjeëgoowine‐ahpanemoowin.
9Kah muh ningeënahkoonegoosenaun Kesha‐Muhnedoo chenishkanemegooyung, chebemahjeëgooyung atuh oonje Tabanemenung Jesus Christ.
10Owh kahnebootoonung, ewh nabahwungan gamuh nabahsewungan, cheweeje‐bemahdezemung.
11Benuh dush menoodaäëdeyook mahmahwe, kuhya ahyaungwahmeëdeyook, mesuh debishkoo azhechegayag.
12Kepahgoosanemegoo dush, wejekewaëmahdoog, chekekanemagwah egewh anookeejig anduhzhe‐ahyahyag, kuhya ganuhwanemenagoog oonje owh Tabaningad, kuhya kageekemenagoog;
13Kuhya chekechetwahwanemagwah emuh sahgeëwawining oonje oodahnookewinewah. Kuhya pezaunanindeyook mamashquaud.
14Noongoom dush, kedegoom, wejekewaëmahdoog, kezhah guhnoonik egewh kagaunzetungig, menoodaäïk egewh mashkahwanduhsigoog, nahdahmahwik egewh shuhyahgwewejig, shuhshebanemik kuhkenuh enenewug.
15Ahyaungwahmezeyook ahweyah cheähzhittah‐mujje-doodahwahsig ahweyah enenewun; moonzhug noopenuhduhmook ewh wanesheshing, mamashquaud kadoodahdeyag kuhya kadoodahwagwah kuhkenuh enenewug.
16Kahgenig moojegezeyook.
17Moonzhug ahmuhmeähyook wekah chepoonetahsewag.
18Ahnooj gagoo oonje‐mahmooyahwayook; me muh azhenunduhwanemenag Kesha‐Muhnedoo emuh Christ Jesusing.
19Kagoo ahtaähkagoon owh Keche‐Oojechaug.
20Kagoo bahpenoodunkagoon enewh aunwahjegawinun.
21Kuhgwatebanduhmook anooj gagoo; minjemenuhmook ewh wanesheshing.
22Meewetooyook ahnooj doowah mujjeëzhewabezewin.
23Kuhya owh Kesha‐Muhnedoo wazhetood pezaunewawin kegahahpeche‐peeneëgoowah; ahpakish guhnuhwanemegooyag emuh anegook‐oojechaugooweyag, kuhya anegookwaug keyowewaung kuhnuhga mujje‐ezhewabezesewag nahnauzh uhpe tagwishing Tabanemenung Jesus Christ.
24Ahyaungwahmeze suh owh kahnundoomenag, mesuh kuhya owh kadoodung oo‐oo.
25Wejekewaëmahdoog ahnuhmeätuhmahweshig.
26Ahnahmekahwik kuhkenuh egewh wejekewaëmaug oojeemagwah ewh pahnuk oojeendewin.
27Kedahyaungwahmenenim oonje owh Tabaningad oo‐oo mahjebeëgun cheähginduhmoowindwah kuhkenuh pahnezejig wejekewaëmaug.
28Ahpakish ahyahmag ooshahwanjegawin Tabanemenung Jesus Christ. Amen.
Currently Selected:
THESSALONIANUN 5: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
THESSALONIANUN 5
5
1Uhpe oo‐oo kaëzhewabuk, nejekewaëdoog, kahween enandahgwussenoon cheöozhebeühmoonuhgoog.
2Kenuhwah muh tebenuhwa kekekandahnahwah ewh Tabaningad ookezhegudoom chetuhgwishenoomahgudenig debishkoo owh kamoodishkid nebah‐tebik tuhgwishing.
3Uhpe muh akedoowaud, Kegahpezaun‐ahyahmin kah kuhya kenuhneezahnezesemin; medush kahwuhnuhpe kapuggummishkahgoowaud ewh bahnahdezewin, debishkoo equa wahnegeähwuhsoojin azhepuggummishkahgood ewh wesugganduhmoowin; kah dush tahtaöozhemoosewug.
4Kenuhwah dush ween nejekewaëdoog, kahween emuh magwa kushke‐tebekuk kedahyahseem cheühdemegooyagoobun ewh kezhegud debishkoo owh kamoodishkid.
5Kuhkenuh kenuhwah kedoonejahnesemegoonahwah ewh wahsayahzewin kuhya ewh kezhegud: kahween kenuhwind kedebandahgoozesemin emuh magwa kushke‐tebekuk.
6Umba suh kagoo nebahsedah debishkoo azhechegawaud ahnind; Ahkahwahbedah kuhya nesahdezedah.
7Egewh muh nabahjig nebahwug magwah tebekudenig: egewh natuh‐kewushquabejig, kewushquabewug magwah tebekudenig.
8Umba suh dush kenuhwind, dabandahgooseyung emuh kezheguk, nesahdezedah, pesekuhmung emuh nekahkah-gunuhnaung ewh dabwayanduhmoowin kuhya sahgeëwawin; Kuhya pesekuhmung tahnuhsug ahgooshtequaunaöowin ewh bemahjeëgoowine‐ahpanemoowin.
9Kah muh ningeënahkoonegoosenaun Kesha‐Muhnedoo chenishkanemegooyung, chebemahjeëgooyung atuh oonje Tabanemenung Jesus Christ.
10Owh kahnebootoonung, ewh nabahwungan gamuh nabahsewungan, cheweeje‐bemahdezemung.
11Benuh dush menoodaäëdeyook mahmahwe, kuhya ahyaungwahmeëdeyook, mesuh debishkoo azhechegayag.
12Kepahgoosanemegoo dush, wejekewaëmahdoog, chekekanemagwah egewh anookeejig anduhzhe‐ahyahyag, kuhya ganuhwanemenagoog oonje owh Tabaningad, kuhya kageekemenagoog;
13Kuhya chekechetwahwanemagwah emuh sahgeëwawining oonje oodahnookewinewah. Kuhya pezaunanindeyook mamashquaud.
14Noongoom dush, kedegoom, wejekewaëmahdoog, kezhah guhnoonik egewh kagaunzetungig, menoodaäïk egewh mashkahwanduhsigoog, nahdahmahwik egewh shuhyahgwewejig, shuhshebanemik kuhkenuh enenewug.
15Ahyaungwahmezeyook ahweyah cheähzhittah‐mujje-doodahwahsig ahweyah enenewun; moonzhug noopenuhduhmook ewh wanesheshing, mamashquaud kadoodahdeyag kuhya kadoodahwagwah kuhkenuh enenewug.
16Kahgenig moojegezeyook.
17Moonzhug ahmuhmeähyook wekah chepoonetahsewag.
18Ahnooj gagoo oonje‐mahmooyahwayook; me muh azhenunduhwanemenag Kesha‐Muhnedoo emuh Christ Jesusing.
19Kagoo ahtaähkagoon owh Keche‐Oojechaug.
20Kagoo bahpenoodunkagoon enewh aunwahjegawinun.
21Kuhgwatebanduhmook anooj gagoo; minjemenuhmook ewh wanesheshing.
22Meewetooyook ahnooj doowah mujjeëzhewabezewin.
23Kuhya owh Kesha‐Muhnedoo wazhetood pezaunewawin kegahahpeche‐peeneëgoowah; ahpakish guhnuhwanemegooyag emuh anegook‐oojechaugooweyag, kuhya anegookwaug keyowewaung kuhnuhga mujje‐ezhewabezesewag nahnauzh uhpe tagwishing Tabanemenung Jesus Christ.
24Ahyaungwahmeze suh owh kahnundoomenag, mesuh kuhya owh kadoodung oo‐oo.
25Wejekewaëmahdoog ahnuhmeätuhmahweshig.
26Ahnahmekahwik kuhkenuh egewh wejekewaëmaug oojeemagwah ewh pahnuk oojeendewin.
27Kedahyaungwahmenenim oonje owh Tabaningad oo‐oo mahjebeëgun cheähginduhmoowindwah kuhkenuh pahnezejig wejekewaëmaug.
28Ahpakish ahyahmag ooshahwanjegawin Tabanemenung Jesus Christ. Amen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.