THESSALONIANUN 4
4
1Menuhwah dush kepahgoosanemegoom, wejekewaëmahdoog, kuhya kekuhgekemegoom oonje owh Tabaningad Jesus, kaëzheöodahpenahmahweyaung owh kaëzhebemahdezeyagoobun kuhya kaëzheminwandummeägoobun Kesha‐Muhnedoo, me suh goo ashkum cheëzhewabezeyag.
2Kekekandahnahwah suh enewh kuhgequawinun, kahmeenegooyag oonje owh Tabaningad Jesus.
3Me muh azhenunduhwanemenag Kesha‐Muhnedoo chemenoo‐ezhewabezeëgooyag, chemekinduhsewag pezhigwahdezewin:
4Kuhkenuh anduhsheyag chekekanduhmag chekushketuhmahzooyag tebenuhwa keweedegamahgunewaun emuh peenahdezewining, kuhya emuh kechetwahwandahgoozewining;
5Kahween emuh peshigwahdanduhmoowining debishkoo goo anumeähsigoog egewh kakanemahsigoog Kesha‐Muhnedoon:
6Ahweyah emuh oo‐oo uhyeëeng chemujje‐doodahwahsig kuhya chewahyazhemahsig enewh wejekewaün: ween muh Kesha‐Muhnedoo ahzhittah kooduggeëwa oonoo uhyeëen oonje, debishkoo kezhah kahezhewahweendahmahgooyag kuhya kahezhedebahjemootahgooyag.
7Kah muh ewh Kesha‐Muhnedoo kegeöonje‐nundoomegoosenaun cheweenezeyung, chemenoo‐ezhewabezeyung atuh.
8Owh dush buhyahpenoodahgad kahween oobahpenoodahwahseen enewh enenewun, enewh atuh Kesha‐Muhnedoon, owh kahmeenenung ooKeche‐Oojechaugwun.
9Oo‐oo dush wejekewaëmahwine sahgeëdewin duhzhinduhming kahween kemuhnazesenahwah chemahjebeühmoonenuhgoog, kenuhwah mah tebenuhwa kekekenooähmahgoowah Kesha‐Muhnedoo chesahgeëdeyag.
10Me suh dush andoodahwagwah kuhkenuh egewh wejekewaëmaug ayahjig emuh anegookwaug Macedonia: kepahgoosanemegoom, wejekewaëmahdoog, ashkum oo‐oo cheëzhewabezeyag;
11Kuhya keche‐enanduhmook chepezaunezeyag, cheahnookeetuhmag tebenuhwa kedahnookewinewah kuhya cheähnookeeyag ahyooyag tebenuhwa keneenjewaun, debishkoo kahezhekuhgeekemegooyag;
12Cheminwahbuhmenahgwuk kedezhewabezewinewah emuh anahsuhmuhbewaud egewh ahgwahcheeng ayahjig, chemuhnazesewag gagoo.
13Kahween nindenanduhse chekekanduhsewag, nejekewaëdoog, azheähyahwaud egewh nabahjig, cheöonje-ezhekushkanduhsewag azhekushkunduhmoowaud egewh ayaunsigoog ahpanemoowin.
14Kishpin dabwayanduhmung kenebood owh Jesus, kuhya keähbejebaud, mesuh owh Kesha‐Muhnedoo kaëzhepeenaud mahmahwe enewh nabahnejin emuh Jesusing.
15Maunduh dush kedegoom oonje Kesha‐Muhnedoo oodekedoowin, kenuhwind bamahdezeyung, kuhya abeyung uhpe tagwishing owh Tabaningad kahween kegahpeendegasemin chepwah peendegawaud egewh nabahjig.
16Ween suh goo Tabaningad tahpeöonje‐nahgooze ewede keche‐kezhegoong magwah sahsahquang, kuhya magwah keche kezheewad owh Keche Angen, kuhya magwah muhtwawamahguk oopootahjegun owh Kesha‐Muhnedoo: netum dush tahahbejebahwug egewh naboojig emuh Christing:
17Kenuhwind dush ween kayahbe bamahdezeyung kegahezheöombenegoomin mahmahwe wenuhwah emuh ahnuhqwudoong cheähwenuhgishkahwung owh Tabaningad ewede mezhuh‐kezhegoong, mesuh kahgenig cheweejewung owh Tabaningad.
18Enushka menoodaäëdeyook oonoo ekedoowinun ezheguhnoonindeyag.
Currently Selected:
THESSALONIANUN 4: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
THESSALONIANUN 4
4
1Menuhwah dush kepahgoosanemegoom, wejekewaëmahdoog, kuhya kekuhgekemegoom oonje owh Tabaningad Jesus, kaëzheöodahpenahmahweyaung owh kaëzhebemahdezeyagoobun kuhya kaëzheminwandummeägoobun Kesha‐Muhnedoo, me suh goo ashkum cheëzhewabezeyag.
2Kekekandahnahwah suh enewh kuhgequawinun, kahmeenegooyag oonje owh Tabaningad Jesus.
3Me muh azhenunduhwanemenag Kesha‐Muhnedoo chemenoo‐ezhewabezeëgooyag, chemekinduhsewag pezhigwahdezewin:
4Kuhkenuh anduhsheyag chekekanduhmag chekushketuhmahzooyag tebenuhwa keweedegamahgunewaun emuh peenahdezewining, kuhya emuh kechetwahwandahgoozewining;
5Kahween emuh peshigwahdanduhmoowining debishkoo goo anumeähsigoog egewh kakanemahsigoog Kesha‐Muhnedoon:
6Ahweyah emuh oo‐oo uhyeëeng chemujje‐doodahwahsig kuhya chewahyazhemahsig enewh wejekewaün: ween muh Kesha‐Muhnedoo ahzhittah kooduggeëwa oonoo uhyeëen oonje, debishkoo kezhah kahezhewahweendahmahgooyag kuhya kahezhedebahjemootahgooyag.
7Kah muh ewh Kesha‐Muhnedoo kegeöonje‐nundoomegoosenaun cheweenezeyung, chemenoo‐ezhewabezeyung atuh.
8Owh dush buhyahpenoodahgad kahween oobahpenoodahwahseen enewh enenewun, enewh atuh Kesha‐Muhnedoon, owh kahmeenenung ooKeche‐Oojechaugwun.
9Oo‐oo dush wejekewaëmahwine sahgeëdewin duhzhinduhming kahween kemuhnazesenahwah chemahjebeühmoonenuhgoog, kenuhwah mah tebenuhwa kekekenooähmahgoowah Kesha‐Muhnedoo chesahgeëdeyag.
10Me suh dush andoodahwagwah kuhkenuh egewh wejekewaëmaug ayahjig emuh anegookwaug Macedonia: kepahgoosanemegoom, wejekewaëmahdoog, ashkum oo‐oo cheëzhewabezeyag;
11Kuhya keche‐enanduhmook chepezaunezeyag, cheahnookeetuhmag tebenuhwa kedahnookewinewah kuhya cheähnookeeyag ahyooyag tebenuhwa keneenjewaun, debishkoo kahezhekuhgeekemegooyag;
12Cheminwahbuhmenahgwuk kedezhewabezewinewah emuh anahsuhmuhbewaud egewh ahgwahcheeng ayahjig, chemuhnazesewag gagoo.
13Kahween nindenanduhse chekekanduhsewag, nejekewaëdoog, azheähyahwaud egewh nabahjig, cheöonje-ezhekushkanduhsewag azhekushkunduhmoowaud egewh ayaunsigoog ahpanemoowin.
14Kishpin dabwayanduhmung kenebood owh Jesus, kuhya keähbejebaud, mesuh owh Kesha‐Muhnedoo kaëzhepeenaud mahmahwe enewh nabahnejin emuh Jesusing.
15Maunduh dush kedegoom oonje Kesha‐Muhnedoo oodekedoowin, kenuhwind bamahdezeyung, kuhya abeyung uhpe tagwishing owh Tabaningad kahween kegahpeendegasemin chepwah peendegawaud egewh nabahjig.
16Ween suh goo Tabaningad tahpeöonje‐nahgooze ewede keche‐kezhegoong magwah sahsahquang, kuhya magwah keche kezheewad owh Keche Angen, kuhya magwah muhtwawamahguk oopootahjegun owh Kesha‐Muhnedoo: netum dush tahahbejebahwug egewh naboojig emuh Christing:
17Kenuhwind dush ween kayahbe bamahdezeyung kegahezheöombenegoomin mahmahwe wenuhwah emuh ahnuhqwudoong cheähwenuhgishkahwung owh Tabaningad ewede mezhuh‐kezhegoong, mesuh kahgenig cheweejewung owh Tabaningad.
18Enushka menoodaäëdeyook oonoo ekedoowinun ezheguhnoonindeyag.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.