Kitaaba Faaru'uu 29
29
Hunna Mootii Waan Maraa
Faaruu Daawitii.
1Isin ergantooti Waaqaa,
ulfinnaa fi hunna Mootii Waan Maraa leellisa'a.
2Ulfinna maqaa isaatiif,
Mootii Waan Maraa leellisa'a;
Arnya woyyummaa isaatiif,
Mootii Waan Maraa waaqonfadha'a.
3Qoonqoon Mootii Waan Maraa
abbaayaa guddittii irraa dhage'anti;
Waaqi ulfinnaa, Mootiin Waan Maraa
abbaayaa irraa mandi'a.
4Qoonqoon Mootii Waan Maraa hunnaametti'i;
qoonqoon Mootii Waan Maraa arnya qabeetti'i.
5Qoonqoon Mootii Waan Maraa
hindheensa caccassiti;
Mootiin Waan Maraa
hindheensa Libaanoniituu hin caccassa.
6Inni gaara Libaanonii akka jabbi'ii,
gaara Siiriyoniille#29:6 Gaara Siiriyonii: Gaarri kun gaaruma Herimonii ti.
akka ilmee gafarsaa hin burraassisa.
7Qoonqoon Mootii Waan Maraa
balaqqeettii balaqqitti.
8Qoonqoon Mootii Waan Maraa
goomolee tachootti;
Mootiin Waan Maraa
goomolee Qaadeshii hin tachoosa.
9Qoonqoon Mootii Waan Maraa
qilxaan akka hargufamu gooti;
baala muka badda'aa hin harcaatti;
worri addee inni jiruu martinuu,
«Ulfinni Mootii Waan Maraatiif te'u!» jedhan.
10Mootiin Waan Maraa qilee abbaaya'aalle bulcha;
Mootiin Waan Maraa haga bara baraa hin bulcha.
11Mootiin Waan Maraa kolbaa ifiitiif jabeenna kenna;
nageyalle'een isaan eebbisa.
Currently Selected:
Kitaaba Faaru'uu 29: guj
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and Bible Society of Ethiopia
