Kitaaba Faaru'uu 136
136
Faaruu Galataa
1Mootiin Waan Maraa
dansaa waan te'eef,
isa galateeffadha'a;
jaalalli isa ka bara baraa ti.
2Waaqa waaqotaa galateeffadha'a;
jaalalli isaa ka bara baraa ti.
3Goottaa goottotaa galateeffadha'a;
jaalalli isaa ka bara baraa ti.
4Ka qofuu baasa guddaa huju,
jaalalli isaa ka bara baraa ti.
5Ka qarummaa ifiitiin ol-gubbaa dade,
jaalalli isaa ka bara baraa ti.
6Ka lafa bisaan gubbaa diriirse,
jaalalli isaa ka bara baraa ti.
7Ka ifa gugurdaa huje,
jaalalli isaa
haga bara baraa jiraata.
8Ka aduun guyyaa
baallii akka qabaattu godhe,
jaalalli isaa ka bara baraa ti.
9Ka Ji'aa fi urjooti
halkan akka baallii qabaatanu godhe,
jaalalli isaa ka bara baraa ti.
10Ka angafoota ilmaan worra Gibxi'ii ijjeese,
jaalalli isaa ka bara baraa ti.
11Ka Israa'eloota Gibxii keessaa baase,
jaalalli isaa ka bara baraa ti.
12Ka hunna ifii guddo'oo fi
jabeenna ifiitiin tana godhe,
jaalalli isaa ka bara baraa ti.
13Ka abbaayaa diintuu gargar kute,
jaalalli isaa ka bara baraa ti.
14Ka kolbaan Israa'elii
odduu isi'ii akka dabartu godhe,
jaalalli isaa ka bara baraa ti.
15Fara'oonii fi loltoota isaa ammoo
abbaayaa diintuu keessatti ka fixe;
jaalalli isaa ka bara baraa ti.
16Ka goomolee keessa
kolbaa ifii sooresse,
jaalalli isaa ka bara baraa ti.
17Ka mootota gugurdoo ijjeese,
jaalalli isaa ka bara baraa ti.
18Ka mootota hunnaameyyii ijjeese,
jaalalli isaa ka bara baraa ti.
19Ka mootii worra Amoorotaa,
Sihoon ijjeese,
jaalalli isaa ka bara baraa ti.
20Ka mootii Baashaanii, Oog ijjeese,
jaalalli isaa ka bara baraa ti.
21Ka lafa isaanii
dhaala godhee Israa'elootaaf kenne,
jaalalli isaa ka bara baraa ti.
22Israa'eloota
tajaajiltoota ifiitiif ka dhaalchise,
jaalalli isaa ka bara baraa ti.
23Ka injifatama keenna keessatti
nu qaabate,
jaalalli isaa ka bara baraa ti.
24Ka diinota keenna jalaa nu baase,
jaalalli isaa ka bara baraa ti.
25Ka dada maraaf sagalee kennu,
jaalalli isaa ka bara baraa ti.
26Waaqa ol-gubba'aa galateeffadha'a;
jaalalli isaa ka bara baraa ti.
Currently Selected:
Kitaaba Faaru'uu 136: guj
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and Bible Society of Ethiopia
