Kitaaba Faaru'uu 115
115
Waaqa Tokkocha Dhuga'aa
1Nu'uufii moti, ee Mootii Waan Maraa,
nu'uufii moti,
sababa jaalalaa fi
addatamummaa teetiitiif jedhii,
maqaa keeti ulfeessi!
2Gosi biyya adda addaa,
«Waaqi isaanii meet» maaf jedhan?
3Waaqi keenna ol-gubbaa jira;
waan isa gammachiisu mara godha.
4Waaqoti isaanii ka dharaa meeti'ii fi worqii,
harka namaatiin hujante.
5Isaan afaan qaban malee, hin dubbatanu;
ila qaban malee, hin dhagganu.
6Isaan gurra qaban malee, hin dhage'anu;
funnaan qaban malee, foolee hin fuudhanu.
7Isaan harka qaban malee,
qaqqabuu hin dande'anu.
Miila qaban malee, hin ideemanu;
laagadaan isaaniille
qoonqoo hin dhageessisu.
8Worri isaan hujee fi
isaanitti dhugeeffatu martinuu,
akkuma isaanii hin te'an.
9Ee kolbaa Israa'elii,
ka isin qarqaaruu fi isin eegu isa waan te'eef,
Mootii Waan Maraatitti addadha'a!
10Ee hayyoota, sanyii Aaronii,
inni qarqaaraa keessan;
wontee teessanille'e.
Mootii Waan Maraatitti addadha'a!
11Isin worri Mootii Waan Maraa sodaattanu,
Mootii Waan Maraatitti addadha'a!
Inni qarqaaraa keessan;
wontee teessanille'e.
12Mootiin Waan Maraa nu qaabata;
nu hin eebbisalle'e;
inni kolbaa Israa'elii hin eebbisa;
inni hayyoota sanyii Aaronii hin eebbisa.
13Inni worra isa sodaatu,
diqqa'aa fi guddaa hin eebbisa.
14Mootiin Waan Maraa
isinii fi ijoollee teessan
akka hortanu godhuu ti.
15Mootiin Waan Maraa
ol-gubba'aa fi lafa ka dade
isin eebbisuu ti.
16Ol-gubbaan ol-gubbootaa
ta Mootii Waan Maraa ti;
latti ammoo ilmaan namaatiif kennanteerti.
17Worri du'eeru,
ka gara cadheessaa gad bu'eeru,
Mootii Waan Maraa leellisuu hin dande'u.
18Nuuti worri jirru ammoo,
ammaa jalqannee haga bara baraa,
Mootii Waan Maraa hin leellifanna;
Mootii Waan Maraa leellisa'a.
Currently Selected:
Kitaaba Faaru'uu 115: guj
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and Bible Society of Ethiopia
