Kitaaba Fakkeennaa 29
29
1Nami yennaa hedduu xixameen duuba didee mataa jabaatu,
cannana fayyuu hin dandeenne dedhuma caba.
2Balchooti yennaa baallii fudhatanu,
kolbaan guddoo gammadi;
yennaa nami hamaan bulchu
ammoo kolbaan hin aaddi.
3Nami qarummaa jaalatu,
abbaa ifii gammachiisa;
nami jaala sagaagaltu'uu te'u ammoo
qabeenna ifii bittinneessa.
4Mootiin haqa muriisaan biyya ifii hin jabeessa;
ka safuu fudhatiisaaf joljolu ammoo
biyya ifii hin balleessa.
5Nami afaan calla'aan nama kookkisu,
fonxoroo miila ifiititti afa.
6Nami hamaan cubbuu ifiitiin qabama;
nami balchaan ammoo hin faarfata;
hin gammadalle'e.
7Nami balchaan marroo haqa hiyyeessaatiif hin haajama;
Nami hamaan ammoo haajaa hin qabu.
8Namooti namatti murganu qachaa jeeqan;
namooti qaroon ammoo aarii qabbaneessan.
9Nami qaroon nama gowwaa woliin gara seeraa yoo dhaqe,
gowwaan sun hin mufata
yookiin hin murga;
nageennille hin jiraatu.
10Namooti dhiiga namaa dhangalaasanu,
nama dhugaammessa jibban;
nama qajeelaa ijjeesuu barbaadan.
11Nami gowwaan yaada aarii ifii mara dubbata;
nami qaroon ammoo ossaan ifi qabataa dubbata.
12Bulchaan tokko oduu dharaa yoo caqase,
qondaaltoti isaa martinuu hamoolee hin te'an.
13Mootiin Waan Maraa isaan lamaaniifuu ila waan kenneef,
hiyyeessii fi ka hiyyeessa cunqursulle tanaan woluma qixxe'e.
14Mootiin hiyyeessaaf haqaan yoo mure,
barcumaan mootummaa isaa
bara dheeraa jabaatee hin dhaabbata.
15Ijoollee xixanee adabuun qarummaa kennitiif;
ijoolleen gad lakkifante ammoo haadha ifii qaanessiti.
16Yennaa worri hamooleen baallii fudhatanu
cubbuun hin bacatti;
balchooti ammoo jinnana isaanii hin dhaggan.
17Ijoollee teeti adabi;
isaan foora si'iif hin kennan;
gadhaa keetille hin gammachiisan.
18Addee mudhiin hin jirre,
kolbaan seera malee teeti;
nami seera eegatu ammoo ka gammade.
19Tajaajilaan afaan calla'aan hin adabatu;
inni yoo hubateeyyuu deebii hin kennu.
20Nama dubbii ariifatu dhaggitaa?
Isa caalaa nama gowwa'atti addii qaba.
21Nami tajaajilaa ifii ijoollummaa isaatii jalqabee qananiisu,
dhuma irratti gadda ifitti fida.
22Nami aarameessi lola kaasa;
nami dafee mufatu cubbuu hedduu huja.
23Nami ol ifi qabu salphinna ifitti fida;
nami gad ifi qabu ammoo ulfinna dhaggata.
24Nami jaala hattu'uu te'u ifi jibba;
kakatee dhugaa akka bayuuf hin gaafatama;
dhugaa bayiisaaf ammoo inni itti hin gamu.
25Nama sodaatiis tiyyoo keessa nama seensisa;
nami Mootii Waan Maraatitti addatu ammoo nageyaan le'a.
26Namooti hedduun bulchaa duratti
fudhatama dhaggatiisa barbaadan.
Nami ammoo muraa haqaa
Mootii Waan Maraa biraa dhaggata.
27Nami balchaan nama hamaa jibba;
nami hamaalle nama qajeelaa jibba.
Currently Selected:
Kitaaba Fakkeennaa 29: guj
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and Bible Society of Ethiopia
