Kitaaba Fakkeennaa 24
24
Kudhanii Sagaleessoo
1Namoota hamoolee hin hinaafin;
jaalummaa isaanii hin halchin.
2Gadhaan isaanii hunnaan nama irratti ka'iisa yaada;
afaan isaaniille marroo maltumma'aa dubbata.
Diddameessoo
3Manni qarumma'aan ijaarama;
hubantiille'een jabeeffama.
4Beekkumsaan kollooti mana sanii
meya gatii guddo'ootii fi
meya dadansa'aan guutaman.
Diddamii Tokkeessoo
5Nami qaroon hunna jadduu qaba;
nami beekkumsa qabulle jabeenna dabalata.
6Lolaaf bayiisaaf qajeelcha,
injifatiisaafille gorsitoota hedduu barbaachisa.
Diddamii Lammeessoo
7Nama gowwa'aaf qarummaan akka malee ol fagaatti;
inni addee mari'ii keessatti
afaan ifii hin saaqatu.
Diddamii Sadeessoo
8Nami waan hantuu godhiisaaf mala dhowu,
inni, «Malticha» jedhamee beekkama.
9Malli gowwa'aa cubbu'u;
namooti nama murgu hin jibban.
Diddamii Arfeessoo
10Ati bara rakko'oo keessa yoo raafante,
jabeenni keeti attam attam diqqa'a!
Diddamii Shaneessoo
11Worra gara du'aa geeffamanu baasi;
worra gara qalamiisaa tintimanu deebisi.
12Ati, «Nuuti marroo waan kanaa hin beenne» yoo jette,
ka gadhaa namaa qorqoru kana hin hubatuu ree?
Ka jiruu teeti eegu hin beekuu ree?
Inni nama tokko tokkoofuu
akka hujii isaatitti gatii isaaf hin kaffaluu ree?
Diddamii Jayeessoo
13Ilma kiyya, dammi dansaa waan te'eef,
damma nyaadhu;
nadhiin dhaaba dammaa keessaa sitti hin mi'ootti.
14Qarummaalle lubbuu teetiif
akkuma san akka mi'oottu beeki;
ati yoo isii dhaggatte,
gara fuula duraa addii qadda;
addiin teetille hin baddu.
Diddamii Torbeessoo
15Akka nama hama'aa
mana nama balcha'aa dhokattee hin gaadin.
Mana isaa irralle'etti hunnaan hin ka'in.
16Nami balchaan yennaa torba jigulle deebi'ee hin ka'a;
nami hamaan ammoo badii keessa bu'a.
Diddamii Saddeetessoo
17Yennaa diinni keeti jigu hin gammadin;
yennaa inni gufatulle gadhaan keeti hin firinxiixin.
18Itti gammadiisa keeti yoo dhagge,
Mootiin Waan Maraa hin jaalatu;
aarii ifii isa irraa hin deebisa.
Diddamii Sagaleessoo
19Waan namooti hamaan hujanu hin qoxxisin;
yookiin hamoolee hin hinaafin.
20Nami hamaan addii gara fuula duraa hin qabu;
issaan nama hama'aalle hin dhaama.
Soddomeessoo
21Ilma kiyya, Mootii Waan Maraatii fi mooticha sodaadhu;
worra finqilaa woliin jaala hin te'in.
22Mootiin Waan Maraatii fi mootichi
dedhuma badii worra finqilaa irratti hin fidan;
badii isaan fidanu eentu beeka ree?
Jecha Qaro'oo Ka Dhibii
23Isaan kunille jecha qaro'oo ti:
Muraa keessatti nama wol caalchisuun dansa'aa moti.
24Nama hama'aan, «Ati yakkaa hin qaddu» nama jedhu,
kolbaan hin abaarti;
gosi biyya adda addaalle hin jibbiti.
25Worra nama hamaa xixuuf ammoo
wonni dansaan hin teeti;
eebbi dansaalle isaan irratti hin bu'a.
26Deebii dhuga'aa deebisuun,
akka sunqaa hidhi'ii ti.
27Hujii alaa fixadhuu,
fichaa keeti qopheeffadhu;
achiin duuba mana keeti ijaaradhu.
28Sababa malee nama irratti dhugaa hin bayin
yookiin hidhii teetiin nama hin sobin.
29Ati, «Waanuma nami na godhe, anille isa hin godha;
gatuma hujii isaa isaaf hin deebisa» hin jedhin.
30Ani fichaa nama booseyaa keessa,
oorruu woyni'ii ta nama qalbii hin qannee
keessa dabaree deeme.
31Addee mara qoreen itti latteerti;
shuqunaan lafa golliteerti;
dalleenni dhaka'aalle irraa jigeera.
32Ani waan kana ilaalee itti yaadee,
waan dhagge kana irraa barumsa dhaggadhe:
33Ati yennaa diqqoo isi'ii rafii,
yennaa diqqoo isi'ii mugii,
foorfatiisaaf yennaa diqqoo isi'ii
harka wol irra naqadhu.
34Garuu hiyyuun akka saantu'uu,
beelti akka nama meya lolaa hidhatee
sitti hin dhufan.
Currently Selected:
Kitaaba Fakkeennaa 24: guj
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and Bible Society of Ethiopia
