Kitaaba Fakkeennaa 23
23
Jayeessoo
1Sagalee nyaatiisaaf bulchaa woliin yennaa teettu,
waan si dura jirtu san hubadhuu ilaali.
2Nyaatiisaaf dharraa guddoo yoo qabaattelle,
ifi qabadhu.
3Sagaleen sun waan si sodduuf,
mi'aan isi'ii si hin joljolsin.
Torbeessoo
4Duroomiisaaf jettee akka malee hin elowin;
ifi qabatiisaaf qarummaa qabaadhu.
5Durummaan akka risaa koolaan ka'uu,
haga lipheettii ilaatitti,
nama duraa baduu hin dandeetti.
Saddeetessoo
6Sagalee nama donnaa hin nyaatin;
mi'aan isi'ii si hin joljolsin.
7Inni akka nama yennaa mara marroo gatii sagaleen sun baachu yaaduu ti;
inni afaaniin, «Nyaadhu; uni» siin jedha;
gadhaan isaa ammoo si woliin hin jiru.
8Diqqoo nyaatteeyyuu hin diddidda;
dubbii galataa teetille hin balleessita.
Sagaleessoo
9Inni dubbii qarumma'aa teetitti waan murguuf,
gowwa'atti hin dubbatin.
Kudhaneessoo
10Dhakaa meessa'aa ka durii adde'ee hin munyuussin
yookiin fichaa ijoollee abbaa hin qannee
meessaa hin dabarin.
11Waaqi isaan wodu jabaa waan te'eef,
inni isaaniif hin falmata.
Kudhanii Tokkeessoo
12Qalbii teeti gara gorsaa,
gurra keetille gara beekkumsaa deebifadhu.
Kudhanii Lammeessoo
13Ijoollee teeti adabiisa hin lakkisin;
kuta'aan yoo dhaante isaan hin du'anu.
14Ati yoo kuta'aan isaan dhaante,
lubbuu isaanii du'a irraa hin hamburta.
Kudhanii Sadeessoo
15Ilma kiyya, ati qaroo yoo teete,
gadhaan kiyya hin gammada.
16Yennaa afaan keeti waan sirrii te'e dubbatu,
keessi kiyya guddoo gammada.
Kudhanii Arfeessoo
17Yennaa mara Mootii Waan Maraa
sodaatiisaaf hinaaf malee,
cubbaaleyyi'itti hin hinaafin.
18Dhugumaan ati gara fuula duraa addii qadda;
addiin teetille hin baddu.
Kudhanii Shaneessoo
19Ilma kiyya, caqasi;
qaroolle te'i;
qalbii teetille daandii qajeelaa irratti eegadhu.
20Worra daadhii woyni'ii akka malee unuu fi
worra foon akka malee nyaatu woliin hin jaalomin.
21Worri machowuu fi worri gadhitoon hin hiyyoommatan;
hirriibi hamaan isaaniille woyaa ciccittuu isaanitti hin uffisa.
Kudhanii Jayeessoo
22Abbaa keeti ka si uume dhage'i;
haadha teetille yennaa isiin dulloonte hin tuffatin.
23Dhuga'aa fi qarummaa,
gorsaa fi hubantii bitadhu malee hin gurgurin.
24Abbaan nama balcha'aa gammada guddaa qaba;
ka ilma qaroo qabulle isatti hin gammada.
25Abbaan keetii fi haati teeti gammadanuu ti;
haati si deette akka malee gammadduu ti.
Kudhanii Torbeessoo
26Ilma kiyya, qalbii teeti naa kenni;
ilti teetille karaa kiyya ilaaltuu ti.
27Dubartiin sagaagaltittiin akka boolla qile'ee ti;
niitiin gaarayyeeffattuun akka balleessa dhipha'aa ti.
28Isaan akka worra nama saamuu riphanee si eegan;
dhiira hedduu niitii ifiitiif akka hin addatanne godhan.
Kudhanii Saddeetessoo
29Ka waacifu eennu?
Ka gaddu eennu?
Ka wol dhabu eennu?
Ka nama komatu eennu?
Ka sababa malee madowu eennu?
Ka ila diimatu eennu?
30Worra daadhii woyni'ii irra turu,
ka yennaa mara daadhii woyni'ii
ta makaa qaddu barbaaduu motii ree?
31Daadhiin woyni'ii yennaa diimattu,
shurrubbee keessaa yennaa calalaxxu,
akka kasoo yennaa isii unanu
si hin halchisiisin.
32Muummee irratti akka dhudhuufa'aa si idditi;
akka buuti'iille hadhaa sitti naxxi.
33Ilti teeti waan haareya dhaggiti;
qalbiin teetille hin cucurruuxxi.
34Akka nama abbaayaa irra rafuu,
akka nama qaccee utubaa hobolo'oo irra irkatuu hin teeta.
35Ati, «Na dhowane;
ani ammoo hin miidhanne;
na dhaanane;
ani ammoo hin dhukkuffanne;
untoo dhibii barbaadatiisaaf, yoom dammaqa?» jetta.
Currently Selected:
Kitaaba Fakkeennaa 23: guj
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and Bible Society of Ethiopia
