Kitaaba Seera Laakkossaa 34
34
Meessaa Lafa Kana'aanii
1Mootiin Waan Maraa Muuse'een, 2«Ati Israa'elootaan, ‹Lafa Kana'aanii ta ani isinii kennu sanitti yennaa galtane, meessaan isi'ii: 3Gara kibbaatiin goomolee Ziinii ta meessaa Edoomii jirtu irraa lafa diqqoo dabalata. Gara aduun baatuun, meessaan keessan ka gara kibbaa irga abbaayaa sooddaa irraa ka'a. 4Achiin duuba gara Aqrabiimii ol qabatee gara kibbaa deebi'ee, Ziin keessa dabaree gara kibbaatiin haga Qaadesh-Barna'aa ti. Achiin duuba karaa Haazar Adaarii dhaqee gara Azmoona'aa dabara. 5Azmoon irraa ka'ee gara laga Gibxi'ii deebi'ee abbaayaa Mediteraaniya'aatitti hin dhaabbata.
6« ‹Meessaan keessan ka gara aduun seentuu abbaayaa Mediteraaniya'aa hin te'a. Kun meessaa keessan ka gara aduun seentuu ti.
7« ‹Meessaa keessan ka gara kaabaa abbaayaa Mediteraaniya'aatii haga gaara Hooriititti beessisa itti godhadha'a. 8Gaara Hooriitii haga Leboo-Haamaatii ti; dhumi meessaa sanii Zedaad hin te'a. 9Achille'ee haga Ziifronii dhaqee Haazar Enaanitti dhaabbata. Kun meessaa keessan ka gara kaabaa ti.
10« ‹Meessaa keessan ka gara baya adu'uutiif, Haazar Enaan irraa haga Shefaamiititti beessisa itti godhadha'a. 11Meessaan kun Shefaamii ka'ee Aayin irraa gara baya adu'uutiin gara Riibla'aa gad bu'ee, haga goodda abbaayaa Kiineretii irraa gara baya adu'uu jirtuulle gad dhaqa. 12Achiin duuba meessaan keessan haga laga Yordaanosii gad bu'ee, abbaayaa sooddaatitti dhaabbata; meessaa isi'ii woliin, tun lafa teessan hin teeti› jedhiin» jedhe.
13Muuseen Israa'eloota ajajee, «Lafa tana hixaa buufadha'aa qoodama; Mootiin Waan Maraa gosa sagalii fi gamisa gosa Minaase'eetiif akka kennatantu ajajeera; 14sababille gosi Ruubeniitii fi gosi Gaadii, gamisi gosa Minaase'eelle akka maatii maatii ifiititti lafa ifii fudhataneeran. 15Gosi lamaan tunii fi gamsi gosa Minaase'ee, laga Yordaanosii irraa karaa aduun baatuun, Yeriko'oon gama karaa baya adu'uutiin lafa ifii fudhataneeran» jedhe.
Sooressitoota Lafa Qoodiisaaf Filamane
16Achiin duuba Mootiin Waan Maraa Muuse'een, 17«Maqaan namoota lafa isiniif qoodanuu: hayyicha Ele'azaarii fi Iyaasuu ilma Nunii ti. 18Lafa qoodiisaaf akka qarqaaranu gosa mara keessaa sooressa tokko tokko fila'a. 19Maqaan isaanii:
gosa Yihuda'aa keessaa,
ilma Yofune'ee Kaaleb;
20gosa Shimi'oonii keessaa ilma Amiihudii Shemu'el;
21gosa Beniyaaminii keessaa,
ilma Kiislonii Eliidaad;
22gosa Daanii keessaa sooressa tokko,
ilma Yogliitii Buki;
23gosa Minaasee ilma Yoseefii keessaa sooressa tokko,
ilma Efodii Haanii'el;
24gosa Efreemii ilma Yoseefii sooressa tokko,
ilma Shiiftaanii Kemu'el;
25gosa Zebuloonii keessaa sooressa tokko,
ilma Phaarnaakii Eliizaafaan;
26gosa Yisaakorii keessaa sooressa tokko,
ilma Aazaanii Phaalti'el;
27gosa Asheerii keessaa sooressa tokko,
ilma Shelomii Ahiihud;
28gosa Naftaalemii keessaa sooressa tokko,
ilma Amiihudii Phedaahel» jedhe.
29Lafa Kana'aanii keessatti akka lafa Israa'elootaaf qoodanu namooti Mootiin Waan Maraa ajaje isaan kana.
Currently Selected:
Kitaaba Seera Laakkossaa 34: guj
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and Bible Society of Ethiopia
