Abarooma Enyanjula
Enyanjula
Pawulo njʼowaŋandiihira Abarooma ebbaluŋa yino ŋagati wʼomwaha ogwʼataanu neene nʼogwataanu namunaana oluvanyuma lwʼohusaaliwa hwa Kurisito. Mu biseera ebyo, Pawulo gaali ahiiri huhyala e Rooma. Abafugiirira Kurisito abomu Rooma aba gaŋandiihira, mwalimo Abayudaaya nʼAbatali Abayudaaya. Ebbaluŋa yino gayiŋandiihira mu hibuga Koriiso eyi gaali mu ehiseera ehyo. Gendire abaatu bosibosi bafugiirire Yesu Kurisito era bamugondere (16:26).
Ehitabo hino hyʼomugaso eyiri abafugiirira Kurisito abali hiisi ŋaatu mu ehiseera hyosihyosi olwohuba Pawulo anyonyola hu bunoŋosi ati hubusuna olwʼohufugiirira Yesu Kurisito. Abahugu mu byʼEbbayibbuli baloma baati omusingi gwʼebbaluŋa yino gwendiiye hu 1:16, oluloma luuti, “Ese sihipambya soni ohubuulira Amaŋuliro Amalaŋi, olwohuba njʼengeri ya Hatonda eyʼohunoŋola Abayudaaya nʼAbatali Bayudaaya abafugiirira Yesu.”
Ebiri mu bbaluŋa yino mu buupi
1. Pawulo geyanjula era aloma nohu bagaŋandiihira (1:1-15)
2. Obulamu wʼabaatu nʼengeri eyʼohunoŋoha (1:16–11:36)
3. Obulamu obu bafugiirira Kurisito bali nʼohubamo (12:1–15:13)
4. Obuheese (16:1-27)
Currently Selected:
Abarooma Enyanjula: NUJ
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.