โรม 13
13
กือนา บูวัจ ตูโรจ กะ ลูวัก
1ราตา ซือมียา กือนา มือนูโนะ บูวัจ ตูโรจ กะ โกะ ซือมียา ซัยํบือซัยํ นะ ลูวัก เลอ. ซาเบะ จะ_ ดัฮ ตูฮัด เดะ อาตัซ เตด บรี_ ฮอย ซาปา นะ ฌาดี บือซัยํ บือเลฮ. นู ฌาดี โกะ ลูวัก เตอ_ ตูฮัด บือเลฮ ตืองะ ดัฮ. 2กะฆีเตอ_ ซือมียา ดีฮา นู บือลาวัด ฌางัน ลูวัก_ ญา นะ บือลาวัด ฌางัน ลาฆู นู ตูฮัด บือเลฮ ตืองะ ดัฮ. โกะ ซือมียา นู บือลาวัด กะฆีเตอ_ นะ บูวัจ บรี ญาวา นะ กูญา ตะอาซิก_ กือนา กรัจ ฮูโกบ เลอ. 3ซือมียา นู บูวัจ บาฌิ_ ญา เตด ปายัฮ ตาโกจ เดะ ลูวัก_ ตาปี ซือมียา บูวัจ ฌาฮัจ_ ญา เลอ_ ฆาโดฮ นะ ตาโกจ. เกา ตีเมา นะ ตาโกจ เดะ ลูวัก เฆอ? บรี เกา บูวัจ บาฌิ เลอ_ ญา นะ บือเลฮ ปูฌี กะ เกา. 4ซาเบะ ลูวัก ญา ฌาดี ปราโซฮ นะ ตูฮัด_ นู บือกรือฌา ตูโลก เกา. ตาปี ดัฮ เกา บูวัจ ฌาฮัจ_ กือนา ตาโกจ เลอ_ กรานา นู ญา มือฆัฮ เตอ#13.4 ซูรัจ ลามา มือเลา รือมัก จะ_ “กรานา นู กูญา ปือฆัก ปือดัก เตอ”. ญา นะ กรัจ ฮูโกบ บือเลฮ. ญา ฌาดี ปราโซฮ นะ ตูฮัด_ บีดา ญา นะ มูซัยํ กรัจ ฮูโกบ_ โกะ ซือมียา นู บูวัจ ฌาฮัจ เลอ. 5ซาเบะ กะฆีเตอ_ ฆาโดฮ นะ มือนูโนะ บูวัจ ตูโรจ_ บูกัด กรานา ตาโกจ เดะ ลาฆู นู ตูฮัด นะ มูซัยํ กรัจ ฮูโกบ_ ซา ลาฆู เตอ_ ตาปี บีดา นะ ตูโรจ กะ ลาฆู นู ฮาตี นะ กาเญา ลีฮัจ จะ_ บาฌิ ดัฮ_ ฌูฆา.
6กรานา ซา ลาฆู อีตู ฌูฆา_ กาเญา ฆาโดฮ บายัยํ อาเซน. ซาเบะ จะ_ วะตู โกะ ลูวัก_ กือวาซา บือกรือฌา ลาฆู นะ กูญา เตอ_ กูญา ฌาดี ซือมียา บือกรือฌา ลาฆู นะ ตูฮัด เดะ อาตัซ. 7กะฆีเตอ เลอ_ กือนา บายัยํ บรี กะ ลูวัก บือกะ ลาฆู นู บือฆูนา ซือมูฮา. กือนา บายัยํ โกะ อาเซน ราตา มาจับ. กือนา มือนูโนะ ฮาตี_ ตูเฮะ ตาโกจ กะ กูญา ฌูฆา.
กือนา ดูโดะ บือซามา ฌางัน กาวัด บรี บาฌิ
8ฌางัน นะ ตือฮูตัก เดะ ซือมียา ดีฮา. กือนา อาดา ฮูตัก เดะ ซา ลาฆู อีนี บือเลฮ_ ฌาดี จะ_ บรี ซายัก บือซามา-ซามา. ซาเบะ จะ_ ซือมียา ดีฮา นู ซายัก กะ กาวัด เตอ_ ญา บือเลฮ บูวัจ ตูโรจ กะ ปือมือเลา ฮูโกบ นะ ตูฮัด_ บรี ปือนอฮ บาฌิ ดัฮ. 9ซาเบะ อาดา ปือมือซัด นะ ตูฮัด นู จะ “ฌางัน บือกาเซฮ. ฌางัน บูนอฮ กาวัด. ฌางัน จูรี โกะ ซือบารัก นะ กาวัด. ฌางัน ดือกี โกะ ซือบารัก นะ กาวัด เลอ#บรล 20.13-17; ปฮก 5.17-21 .” ตาปี เตด จะ โกะ ปือมือซัด อีนี_ เฆอ จะ โกะ ปือมือซัด อาซิกๆ โปด_ ญา รือฆัจ ซือกาลี_ เดะ ซา ปือมือซัด อีนี_ นู จะ “เกา กือนา ซายัก กะ กาวัด_ ซือรูปา บือกะ ซายัก กะ ญาวา ตะอาซิก เลอ#เลวี 19.18; มท. 22.39-40.” 10ซือมียา นู ซายัก กะ กาวัด_ ญา นะ ฮอย เตด บูวัจ ฌาฮัจ กะ ญา. กะฆีเตอ เลอ_ ซือมียา นู ซายัก เตอ_ ซือรูปา บือกะ ญา บูวัจ ตูโรจ_ โกะ ปือมือซัด ฮูโกบ ซือมูฮา ดัฮ เลอ.
อารี นะ ตูฮัด เยซู ดาปิก นะ มาแรฮ รอจ
11กือนา บูวัจ กะฆีเตอ เลอ_ ซาเบะ กาเญา ตาฮู ปาซัน ฮาดัจ อีนี จะ_ รอจ วะตู ดัฮ_ นะ บรี กาเญา นะ ดาฮานี บีกัซ เลอ. กรานา จะ_ ตะเดะ กีตา บารู ปือจายา ดัฮ เตอ_ อารี นู กีตา นะ ฮีโดะ ลือปัซ บาฌิ_ ญา มาแรฮ ดาปิก ซือรูโลยํ_ ซรือปะ นะ รอจ ดัฮ. 12มาลับ ญา ซรือปะ นะ ฮาบิฮ เตอ_ ซียัก โปด_ ดาปิก นะ รอจ ดัฮ. กะฆีเตอ เลอ_ บรี กีตา บราดู บูวัก_ เดะ ลาฆู บือกรือฌา นู โซะ กือลับ. บรี กีตา อาเมด โกะ ซือนาตา มาแรฮ ปากัย_ บีดา นะ บือปรัก เดะ โซะ จรัฮ. 13บรี กีตา บูวัจ ตูโรจ บรี กือนา ลาฆู_ บือกะ ซือมียา นู ดูโดะ โซะ ซียัก. ฌางัน นะ อูซิ บรามัย มาโบะ อาระ. ฌางัน นะ บือกาเซฮ_ บูวัจ ลาฆู เตด บือฆูนา. ฌางัน นะ บือลาวัด_ ดือกี กะ กาวัด บือซามา-ซามา เลอ. 14ตาปี กือนา อาเมด ลาฆู บาฌิ_ นะ ตูฮัด เยซู คริด_ มาแรฮ ปากัย เดะ ญาวา เลอ. บราดู บือฮีมัจ กะ ปรางัย นู บือดูซา นะ กาเญา. ฌางัน นะ ตูโรจ กะ ลาฆู ฆาละ กะฆีเตอ.
Currently Selected:
โรม 13: ULBIBLE
Highlight
Copy
Compare
Share
Want to have your highlights saved across all your devices? Sign up or sign in
