Emi iHibru 3

IYesu shewo ngha iMose

1Nghawanɛ, emi ongwunani ama osaan, ama nli ungwonyi yi ani mi ela okwu-kwu ongwi esho, gbe ɛwɛ otsɛɛtsɛ mgbi ema byikɛ mbi iYesu na, ongye ogbikye yi okwukwo inggisɛ ofifɛ ongwu eyi gbela odzan mi ododa nani. 2O tso otsitsi mbi Ongwu nsadun nani, yɛyɛ dafi iMose tso otsitsi mi ozu Imgbasho duu mani. 3A difwi gbɛɛ iYesu dzɛ yi mmwɛ odatu ngha iMose, yɛyɛ dafi otsungwɔ ozu li sulu mmwɛ datu ngha ozu abɔn nɛni. 4Lubana ali ozu duu li inggisɛ mbɛ, nghaduu li Imgbasho mbɛ alungwɔ duu. 5IMose tso oyɛyɛ dafi ongbidɔ mi ozu Imgbasho duu, di kyɔ obwɛndɛ mi ungwɔ ngwi a ka gbɔn mi iyayi mani. 6Nghaduu iKrestu tso oyɛyɛ imbisɔ Ongwɛ mi ozu Imgbasho. Eyi di li ozu mgban, kini eyi byi itukwu ofyumfye yi ɛwɛ ogbe byiibyi mgbi eyi dafi eyi li tsaabɔ igɛgɛ ma yɔ.

Adɔ okwookwo mbi ama n yɛyikpa

7Yɛyɛ, dafi Onodzi Osaan gbɔ mani, <<Inɛ nɛ, ni ema fwo elan yɔ,

8ka kye itukwu mgbi ema tiishu dafi emi Israi

kyɔ mi onɔ ngwi a kye iga fyɛsɛ,

onɔ ngwi a mbadi ani

mi okwɛsɛ na ba.

9Imbe ngwi emi otsema mbadi ani

onova ngwusefa diyɛ di ungwɔ

ngwi ani kyɔ nani.

10Li ikyengha ngwi ani yɛɛ itingga

yi etɔ na aali, n di gbɛɛ,

11Nghanɛ ani fa mi itingga gbɛɛ,

12Emi ongwunani, onyi mi idzidzɛ ema kpaa no ka sulu itukwu obube hona itukwu onoyɛyɛ ba na, yɛ kyata iyikpa tsɛ Imgbasho oshishe na ba. 13Nghaduu fyi ewema mfye itukwu alegbe-alegbe na, ngwi onɔ ka desho nɛni, adzi ni itukwu mgbi inggisɛ onyi no wa tiishu mi okpagyewo mgbi alobube ba mani. 14Eyi ba owa gyokwudɛ ungwonyi mbi iKrestu kini eyi kwudzɛ kpɔklɔɔ mi abɔ otsigɛgɛ ngwi eyi tsekise dzɛ yan ababɔ na nghataa ka dondu yɔ. 15Dafi a kwa le gbɔn nɛni gbɛɛ,

<<Inɛ nɛ, kini ema fwo ela gban yɔ, ka yama kye itukwu mgbi ema tiishu dafi ema kyɔ mi adɔ onghaangha na ba.>>

16Li ele fwo diyɛ nghaadɔ dɛn? Li ama iMose gbe ma tasɛ mi Igyibiti duu na baa? 17Di li ele ngwu o kyitingga yi ama onova ngwusefa ntona? Li ama nkyɔ ali ibwubwe, kwulu mi okwɛsɛ ntona baa? 18Di li ele Imgbasho fa gbɛɛ a ka kaka imbe otonya mgbi ongwu ba? Li ama onghaadɔ ntona baa? 19Ikyenghanɛ eyi di a yagba kaka ba, ikye oyɛyɛ mgbi ama onuunu ba nani.

Currently Selected:

Emi iHibru 3: UTR

Highlight

Compare

Copy