نامَه فیلیپی کلیسا را 4
4
1پس، اَی چمن برا اِن کن بَشِمَه رَی بداشتیم، و شِمَه ویندِرا ایشتیاق بَداشتیم، اَی شِمَه کن چمن خَشی و کلَّه تاجیرون، اَی خاجَتیِن، اِنتَرَکِه خِداوَندیکا آمبَست بِبَه.
پند، تشویق ، دِوا
2اِفُودیه کا خاشتو خازِمه و سینتیخی کا خاشتو خازبَکم کن خداوندی دِلَکا یَک رَای بِبون. 3ها بَتِکا نی اَی وَفادارَ هَمکار، بَپیمَه کن اِم دِ گِلَه خَنِمی کاریَری بَدَری. اِمی خونِه کن اَکلیمِنتُس و چمن دییرَ هَمکارونَّه کن چَوون نومی زندَگی دَفتَرییکا نِوِشتَه آبَه یَه، اَیِن بَمِنَه دوشادوش اِنجیلی کاریرا زَمَتِشون کَشتیَه.
4اوزون خداوندیکا خَش بِبَه؛ هَنی باتیم خَش بِبَه: 5بَرزَ گرد بوینن کن شمَه با مولاحِضَه آدَمیرون. خداوند نِزِکَه. 6هیچ چیرا تَفشیشی کا مَبَه، بَلکَم هَر چیی ایی دِلَکا دِوا و خاشتو خازینَه، و شِکر کَردِنَه، اِشتَن خواستَه اون خدا را بِواجَه. 7خدا صلح و سلامتی هر فَهمیکا کَفا تَرَ، شِمَه دِلون و فکرون مسیح عیسی دِلَکا غَم بَردیَه.
8آخِریکا، اَی برا اِن، هَر چیی ایی کن راستَه،هَر چیی کن حورمت بَداشتی، هَر چیی کن دِرِستَه، هَر چیی کن پاجا اَ ، هَر چیی کن دِل پیستَیَه و هَر چیی کن پرستش کَردِ لَیاقَتی بَداشتی، اَگَم چاکَه و اَگَم پرستش کَردِ اَرزشی بَداشتیه، چَوون خونه فِکر بکَرَ. 9اَ چیی ایی کن بَمِنکا آموج گَتَرونَه و بَدست وردَرون و بَمِنکا دَرَستَرون و یا بَمِنکا ویندَرون، هَی اَنجوم بدَرَ، کن خدا صلح سلامَتیَ بَشِمَنَه بَبیَه.
خدا تدارک ویندِ
10خداوندی دِلَکا خَیلی خَشیمَه کن ایسَه ایکَرَ دییَر چمن خونه تَفشیشیرون. واقییَن کن شِمَه چمن فِکریکا بیرون، ولی فِرصَت نِداریرون. 11اِمی نیازی خونه نمَوات، چون آموج گَتَمه کن هَر وضعیکا قانِع بِبوم. 12اَز، هِم دَسدَریس بِه مَعنی بَموستیمَه، و هِم نِعمَتیکا فِرَوون بِه زندَگی کردِ بَموستیم. هَر وضع و حالیکا، سیر بِه و وِشنگی، زندَگی راز، و گیدَلی بِه و دَسدَریس بِه، آموج گَتَمَه. 13چَی واسیطنَه کن بَمن زبق دَرِ، هَر کاری اَشامَه کردِ. 14اِم حالیکا، لطف کَردِرون کن چمن زَمَتونکا شَریک آبیرون.
15شِمَه نی، اَی فیلیپیِن، چاک بَموستیرون کن اِنجیلی کاری بنا کردِ، مَقدونیَه کا شِه بَه دوملَه، هیچ کِلیسا ایی غَیرَاَز شِمَه، دخلو خرجیکا بَمِنَه شَریک آنِبَه. 16حتی زَمانی کن شهر تِسالونیکی کا بیم، چَن کَرَ چمن اِحتیاجونرا کمک عَندِرون و هَنی عَندِرون. 17نِه اِمکن خَلا ویگَتِه دوملَه ایم، بَسکَم بَرَ ایی دوملَه ایمَه کن شِمَه ایتباری خدا وَریکا ویشتَر آکَرِ. 18شمه کومکِن کامیل چمن دَست آرَستَه و چمن اِحتیاجیکا ویشتَر بَداشتیم، ایسَه کن شِمَه رَونَه آکَردَ کمکی اِپافرودیتوسی واسیطنَه ویگَتِمَه هر چیی ایکا فِروون بَداشتیمه. شِمَه خَلا، خَشَه بوعَه عطر و مقبولَه قِربونییَه، کن خدا راضی آرَکَرد. 19و چمن خدا، گردِ شِمَه نیازون اِشتَن پر جَلالَه دوُلَتی طبق، مَسیح عیسی دِلَکا رفع بَکَیَه. 20خدا و چَمَه آستامونیَه دَدَ را تا اَبَد شکوه و جَلال ببو. آمین.
آخِرین سَلامِن
21گِردِ موقدَسون مَسیح عیسی دِلَکا سلام بدَرَ. برا اِنی کن بَمِنَه دِرِن، بَشِمَه سلام دَرِن. 22اِم جِگا گِرد موقَدَسِن شِمَرا سلام بَدان، بخصوص اَیِنی کن رومی ایمپراطوری، کَه آدَمِنین.
23خداوند عیسی مَسیح فِیض شِمَه روح نَه دَرِبِبو. آمین.
Currently Selected:
نامَه فیلیپی کلیسا را 4: CTB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
