نامَه فیلیپی کلیسا را 2
2
مسیح فروتَنیکا سرمَشق گَتِه
1پس اَگَم مَسیح دِلَکا آلاویستیرون، اَگَم چَی موحبَت شِمَه آلاونِه، اَگَم روح دِلَکا ریفاقَت دارَ، و اَگَم مِربانی و دل سوزی هِستَه، 2هَم رَای بِه نَه، هِم موحبتینه، یکدِلی و هم نظَر بِه نَه چمن خَشی کامیل آکَرَ. 3هیچ کاری زِرَ و یالَه نار گیری سَردِرِ مَکَرَ، بَسکَم فروتَنی نَه دیَرَ کَسون اِشتَنکا بِیتَر بِزنَه. 4هیچ کِرَم شِمَکا تاکَه اِشتَن نفعی فِکریکا مَبو، بَسکَم دیَرَ آدَمون فِکریکا نی ببو. 5هَه فِکرون بِدارَ کن مَسیح عیسی داریَه:
6اَ کن هر چَنَه خدا نَه ایی شکل بَه
خدا نَه بَرابَر بِه کا دَنچِکِستِش،
7بَلکَم بَشتَنِش تَی آکَردَ
و وَزیَر بِه شِکلِش گَتَه
آدَمون شِکلی شیوار دَرمَه.
8و چون اینسانی شِکلی شیوار دَرمَه
بَشتَن فروتن آکَردِشَه
و تا مَردِ موقِه،
حتی صَلیبی سَردِرِ
مطیع آبَه.
9پس خدا نی بَرک بَی دَوراشتِشَه
و گِرد نومونکا کَفاتر بَی ایلَه نوم آداشَه،
10تا عیسی نومینَه هر زِنگی شَت آبو،
آستامونیکا، زَمینی سَر، و زَمینی بنیکا،
11و هَر زونی ایقرار بکَرِ کن عیسی مَسیح «خِداوَندَ»،
خِدای دَدَ شکوه و جَلالی خونِه.
نور دِنیا دلَکا
12پس اَی خاجَتیِن، هَتَه کن اوزون فِرمون بیرون، ایسَه نِه تاکَه چمن مَندَ جِگاکا کا بَلکَم پی خَیلی ویشتَر چمن مَند نِبِه کا، اِشتَن نیجات گَتِرا تَرسو لَرزینَه اَنجوم بدَرَ؛ 13چون خِدایَه کن شمَه دلَکا اِشتَن خَشی خونه کا کار کردِ، هِم ایرادَکا و هِم عَمَلیکا.
14هَر کاری بی غور غورو خَرا خِلِه اَنجوم بدَرَ، 15تا بی عَیب و سادَ دل، و خدا بی عَیبَه خِردَنِن بِبَه، خَطاکار و گومراهَه اودومی دِلَه، کن شمَه نور چَوون دِلَکا هِنتَه اِستَرَ اِن اِم دِنیا کا شَپَق بَژِرون، 16زندَگی کلامی آمبَست غَم بَرَ تا مسیح ویگَردِسته روجیکا ایفتخار بکَرم کن دَدار نَوریجیمَه و دَدارِم زَمَت کشتَه نی. 17حتی اَگَم لازم ببو چمن خون هِنتَه خَلایی شیوار، شمه ایمانی قِربونی را ویبو، خَشیمَه و شِمَه گِردینَه خَشی بَکَم. 18و شِمَه نی پی هِن تَرَکِه خَش بِبَه و بَمِنَه خَشی بکَرَ.
تیموتائوس و اِپافْرودیتوس
19خداوند عیسی دِلَکا اُمید بداشتیمه کن تیموتائوسی خَیلی زو شِمَه وَر رَونَه بِکَم تا شِمَه حالیکا باخبَر بِبوم و چمن دِل خَش آبو. 20اِمی خونه کن هیچ کَسیم نییَه کن حَییقتن شمه راحتی فِکریکا ببو. 21اَیِن گِرد اِشتَن مَنفَعَتی دوملَه این، نِه عیسی مَسیح. 22ولی شِمَه بَموستیرون کن تیمو تائوس اِشتَن وَرداوَردی پس آدوعَشَه، اِمی خونِه کن بَمِنَه، هِنتَه زوعَه ایی اِشتَن دَدَ نَه، اِنجیلی کاریکا خیدمَتِش کردیَه. 23پس اُمید دارِم هِنتَه کن چمن تَکلیف رِشون آبَه، اَی شِمَه وَر بَینِم؛ 24و خداوندی دِلَکا اِطمینان دارِم کن اِشتَن نی خَیلی زوو بومَمَه.
25هنترَکه، اَز لازم بَموستیم اِپافْرودیتوسی شِمَه وَر بَینِم، کَسی کن ایی طَریفیکا برا و همکار و چمن هَم رَزمَه، و دییَر َوَریکا، کَسیَه کن شِمَه بَی عَندَرون بَه تا چمن نیازون رفع بکرِ. 26چون شِمَه گِردی ویندِ خَوَصی دارِ و اِمی خونِه کن دَرَستَرون بَه اَ آزاری آبَه یَه، تَفشیش دگِنستَه به. 27واقییَن آزاری بَه و کایبَه مَردِ. اَمّا خدا بَی رحم کَردِش، و نِه تاکَه بَی، بَلکَم بَمن نی رحم کَردِش، تا قورصَه ایی چمن قورصه اون سَر ایضاف آنِبو. 28پس اَز چَی عندِرا ویشتَر خَشیم، تا هَنی چَی ویندِ خونِه خَشی بکرَ و چمن قورصَه کا نی کَم آبو. 29خداوندی دِلکا، بَی وِرَ خَشینَه قِبول بکَرَ و اِنتَرَ آدَمون حورمتی غَم بَرَ، 30اِمی خونِه کن اَ، مَسیح راکا کایبَه اَمِرییَه، اِشتَن جانی خَطَریکاش درفَندَ تا شِمَه خیدمَتی کم و کاستی جُبران ببو.
Currently Selected:
نامَه فیلیپی کلیسا را 2: CTB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
