نامه غلاطیَه کلیسارا 6
6
یَندِ باری دوشی سَر مدارِکنَه
1اَی برا اِن اَگَم کَسی خَطایی بَکرِ، شِمَه کن خدا روح شمَکارَ، پی، بی مُلامِیَتینه راستَه راه را ویگاردِنَه. اِشتَنکا هواسِر ببو، کن ته نی وَسوَسَه دَنِه گِنی. 2یَندِ بارون دوش آگِرَ کن اِنتَرَکِه مَسیح شَریعَتی اَنجوم بَدارون. 3اِمی خونه کن اَگَم کَسی بَشتن یالَه شَخصی بِزنِه، ایسَه اِم کن واقیعَا کَسی مَبو، بَشتَن گول بَژَی. 4ولی هَر کَم پی اِشتَن کاری وَرداوَرد بکَرِ. اَ تَرَکِه اشتِن ایفتخاری دلیل، چَی شنِه نِه چَی خَمسوعَه شِن. 5اِمی خونِه کن هَر کَس اِشتَن باری بَبَردیَه.
6هَه کَسی کن خدا کَلامیکا آموج بَگَتی، پی اِشتَن، اَ کن بَی آموج دَرِ، هَر چاکَه چیی ایکا شریک بکَرِ.
7گول مَرَ: خدا نیَب دَس پَر گَتِه. اِمی خونه کن اینسان هَر چیی ایی بِکَشِه، هَی بَدورنِستی. 8چون هر کَمی کن اِشتَن جندَکیرا بَکَشتی، جندَکیرا فیساد بَدورنِستی؛ ولی کَسی کن خدا روح را بَکَشتی، روح کا زَیرونَه زندَگی بَدورنِستیَه. 9پس چاکَه کاریکا ویمَخِسَم، اِمی خونِه کن اَگَم کاریکا دَست مَپِگِرَم، موناسیبَه فصلیکا بَدورنِستیمونَه. 10پس تا فرصت دارَم گِردِ آدَمونرا چاکی بِکَرَم، بَخِصوص اَیِنیرا کن مسیح سَر ایمان بَداشتینَه.
آخِرین هوشدارِن
11بِوینه اَز اِشتَن بالینَه چِه یالَه حِروفینَه شِمَرا بَنِوِشتیم! 12اَیِنی کن اَپیشونَه بَشتَن چاک آمونِن، بَشِمَه دیم پِنَرِن کن سِنت بِبَه، تاکَه اِمی خونه کن مَسیح صَلیبی خونِه عذاب مَوینن. 13چون حتی اَیِن کن سِنَت بَبین شَریعَتی اَنجوم نینَّدا، بَلکَم اَپیشونَه شِمَه سِنَت بِبَه تا شِمَه جَندَکی سَر ایفتخار بِکَن. 14مبو کن هَرگز اَز چیی ایی غَیراَز چَمَه خداوند عیسی مَسیح صلیبی خونه ایفتخار بِکم، کن چَی خونِه، دِنیا مِرا مصلوب آبَه و اَز دِنیارا. 15اِمی خونه کن نه سِنَت بِه چیی ایی هِسته، نِه سِنت آنِبِه؛ اَ چیی کن مُهیمَّه تازَ خیلقَتَه. 16گِردِ اَیِنی کن اِم قانونینه رفتار بَکَن، صلح و سَلامتی و رَحمَت چَوونرا و اسرائیلی خدارا بیو.
17چیمی بَه دوملَه کَسی بَمن عَذاب نِدَرِ، اِمی خونِه کن اَز اِشتَن جَندَکی سَریکا داغِنی بَداشتیمه کن آمونِه اَز عیسی وَزییَریمه.
18برا اِن، چَمه خداوند عیسی مسیح فِیض شِمَه روح نَه دَرِبِبو! آمین!
Currently Selected:
نامه غلاطیَه کلیسارا 6: CTB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
