دوومین نامه قرنتیانیرا 4
4
اِنجیلی نور
1پس چون اَ رحمتی کن اَمشون دوعَیَه خونه اِنتَرَ خِیدمتی بَکَمون، نا اومید آنی مونَب. 2بَلکَم نونکِه و آوشرَ راهونکا رَت آبَه ایمون و حیلَه بازی نِمونَکَرد، و خدا کَلامیکا دَست نِبَرَم، بَسکَم آشکارا حَییقتی باتیمون، تقلا بَکَمون کن گِردی ووژدان اَمه، خدا حِضوریکا تایید بَکَرِ. 3حتی اَگَم چَمَه اِنجیل نامفهومَه، کسِنیرا کن نیفلَه آبه راه کانَه نامفهومَه. 4اِم زَمونه خدا بی ایمانون فکری کورآکَردَشه تا مسیح اِنجیلی شکوه و جلالی نوری کن خدا صَفَتَه، نِوینِن. 5اِمی خونه کن اَمه چَمه اِشتَنرا موعیظَه نِمونَکَرد، بَسکَم اَمه اییلام بَکَمون عیسای مسیح خداوند، و بَشتَنکا تاکَه عیسی خاطر و اَ نی تاکَه هنتَه شمه پاسَری شیوار گَف بژَمون. 6چون هَه خِدای کن واتِشَه: «نور ظلَماتی دِلَکا شپَق بژَنِه،» اِشتَن نوری چَمَه دِلونکا دَتاوِنیشَه تا خدا شکوه و جلالی آزنِستِه مَسیح صَفتیکا، اَمه نورانی بکرِ.
7ولی اِم گنجی سِفالَه خِمونکا دارَم، تا دیار ببو کن اِم یالَه خِنَر خِداکارَ نِه اَمکا. 8اَمه هَر طَرفیکا سختیکا مونَه، ولی فِل آبَه نیمون؛ حَیرونیمَه، ولی نا اومید نیمون؛ 9اَیذت آزار بَبیمون، اَمّا اَمشون آهشتَه نیَه؛ اَمشون زَمینی سَردِرِ ویرَفندَشونه، ولی کم نِوَردمون. 10اوزون عیسی مردِ اِشتَن تَنینه پِرِمون تا عیسی زندَگی نی چَمه تَنیکا اَیر آبو. 11چون اَمه کن زِندَ ایمونه، اوزون عیسی خونه اَمه مرگی دست بدان تا چَی زندَگی چَمه فانیه تَنیکا دیار آبو. 12پس مرگ چَمَه دِلَکا کا کارکَردِ، ولی زندَگی شمه دِلَکا.
13کیتاو مزموریکا نوشته آبیه کن: «ایمان وَردِمَه، پس گَفِم ژَ.» هِم ایمان داشتِه روح نَه، اَمه نی ایمان بَداشتیمون و گَف بَژَمون. 14چون بَموستیمون اَ کن عیسایِ خداوندی مَردَاونکا زِندَش آکَردَ، اَمه نی عیسی نَه زِندَش آکَردَیَه، و شِمَه نَه چَیی حضور بوعَردییَه. 15اِمن گِرد شِمَه خاطِرَ، تا هر چَنَه خدا فیض ویشتَر و وِرتَرَ آدَمونرا بَبی، خدا شکوه و جَلالیرا شکر کَردِ نی ویشتَرو وِرتَر ببو.
16پس نا اومید آنی مونَب. هَر چَنَه چَمَه ظاهیر کا نیفیت آبِه، چَمَه باطن روج بِه روج تازَ تر آرَبن. 17اِمی خونه کن چَمَه اِم گِچو زو دَیوَرَ رنجِن، اَمَرا ابَدیَه شکوه و جَلال بوعَردی کن اَ رَنجونَّه سَر نییَه. 18پس اَمه اَ چیی کن بَبییَه ویندِ دِنِه دَیسَم، بَسکَم اَ چیی ایی کن نییَب ویندِ کا چَم دَشتَمون، اِمی خاطر کن ویندَنییَه چییِن زوو بَگِذَشتینَه ولی اَ چیی اِنی کن نییَب ویندِ، زَیرونین.
Currently Selected:
دوومین نامه قرنتیانیرا 4: CTB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
