دوومین نامه قرنتیانیرا 13
13
آخِرین اِخطارِن
1اِم سوّمین کَرَیَه کن شِمَه ویندِ را کام آمِه. «هَر گَفی دِ یا سِه گِلَه شاهیدی نَه ثابیت بَبی.» 2از دوومین کَرَرا کن شمه وَر آمَه بیم، اَیِنی کن چیمی بَه نَه گناخ کَردشون بَه، و هنته هر دیرَ کَسی هوشدار دامَه و ایسَه نی کن اِشتَن اَ جِگاکا نیم، هنی هوشدار دِرِم کن اَگَم ایکَرَ دییَر شمه ور بام، چَوون سَر رحم نِمَکرد. 3اِمی خونه کن شمه اِمیرا کن مسیح چمن واسیطنَه گَف بَژَی، ثابیت کردِرا ایلَه دلیل بَپیرون. میسح شمه ناریکا عِجِز نیَه، بَلکَم شمه دِلَکا قودورَ. 4اِمی خونه کن هر چَنَه اَ عِجِز گیریکا صَلیبی سَر شَه، ولی خدا خِنَرینه کا زندَگی بَکی. اِمی خاطرکن، اَمه نی چَی دِلَکا عِجِزیمون، ولی بَینَه شمه ناریکا خدا خنَرینه زندَگی بکَمونَه.
5بَشتن وَرداوَرد بکَرَ تا دیَسَه کن ایمانِرون هِسته یا نِه. بَشتن محک بِژنه. یا مَگَم اِمیکا سَرآنینَگِنِست کن عیسی مسیح شمه دَلَکارَ؟ مگَم اِمکن اِم وَرداوَردیکا رَد آبَه. 6اومیدواریمَه اِمیکا سَر آگِنه کن اَمه اِم وَرداوَردیکا رَد آبَه نیمون. 7چَمه دِوا خدا دَرگارا اِمه کن شمَه خطایی نِکَرَ؛ نِه اِمی خاطر کن مَلوم ببو اَمه وَرداوَردیکا سرافراز آبیمونَه، بَلکَم اِمی خونه کن اَ چیی ایی کن دِرِستَه اَنجوم بدَرَ، حتی اَگَم اِنتَرَ آمونِه کن اَمه رَد آبه ایمون. 8اِمی خونه کن اَمه نِمونَشا حَییقَتی زِرَبَرا کاری اَنجوم بدَرم، بَسکم هر چیی ایی بَکمون حَییقَتیرا اَ. 9اِمی خونه کن هر موقه اَمه عِجِز بِبَم و شمه قودور، چَمَه خَشی باعیث بَبیَه، و چَمَه دِوا اِمه کن شمه هَنی زبق بیگِرَ. 10اِمی خاطِر، وقتی کن اَز مند نیمه اِمی شِمَرا بَنِوشتیم تا وقتی کن شمَه وَر آمیم، مجبور مبوم اِشتَن زاکینیکا تِندَ رَفتار شمنَه بَکَم، اَ زاکینی کن خداوند بنا کَردِ خونه بَمن آدوعَشَه، نِه ویراوِنِستِه خونه.
آخِرین گَفِن
11اَی برا اِن آخِریکا خَش بِبَه؛ شمَه فکر اِم ببو کن هَنی زبق بیگِرَ؛ یَندِ آلاوِنَه، یَندِ نَه هم رَای ببَه، صلح و سلامتیکا زندَگی بکَرَ، و صلح و سلامتی خدا شمَنه بَمندیَه.
12موقدسَه ماچینِه نَه یَندِ سلام بواجَه. 13موقدسَه آدَمِن گِرد شِمَرا سلام دَرِن.
14خداوند عیسی مسیح فیض، خدا موحبت و خدا موقدسَه روح رَفاقَت، شِمَه گِردینَه دَرِ ببو.
Currently Selected:
دوومین نامه قرنتیانیرا 13: CTB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
