اوّلین نامَه قورَنتیانیرا 8
8
قِربونی بُتونرا
1و ایسَه هَردَ چیی ایی خونه کن بوتون تَقدیم بَیَه: بَموستیمه کن «گِردِ اَمه اَلمندَ آدَمِنی هِستیمون.» اِم اَلمند گیری یالَه نار بِه باعیث بَبی، ولی موحبت، اینسانی بنا بَکَی. 2اَ کن گمون بَکَی چیی ایی بَموستی، هَنوزَنی اَدَ کن پی بِزنِه، نییَموست. 3ولی اَکَن خدا رَی بَداشتیَه، خدا بَی آرَموست.
4پس هَردَ چی ایی خونه کن بوتون تَقدیم بَیَه، بموستیمون کن اِم دِنیاکا «بوت هیچَه،» و «غَیرَاَز ایلَه خدا، دییَرَ خِدایی نییَه.» 5هر چنه کَسِنی هِستینه، کن زَمینی سَردِرِ و آستامونیکا اوون «خِدااِن» باتینه و واقییَن کن برکَه خدااِن و بَرکه «خِداوندِن» هِستَه، 6اِم حالینَه، چَمَرا تاکَه ایلَه خدا هِستَه، یعنی آستامونیَه دَدَ، کن گِردِ چییِن اَیکارَ و اَمه چَی شِنیمون؛ و تاکَه ایلَه خداوند هِستَه، یعنی عیسی مسیح، کن گردِ چییِن چَی واسیطَنَه یَه و اَمه چَی واسیطَنه هِستیمون.
7ولی گِردیرا اِم اَلمندی نیَه. ولی اِمی خونه کن بعضییِن چیمی بَه نَه بوتونَّه سرو کار دارین، اَگَم ایسَه نی هَردَ چییِنی بَرِن کن واقییَن بوتوت تقدیم بَیَه، اِمی خاطر کن چَوون ووژدان عِجِزَ، جیفینین آنَّب. 8«هَردَ چیی، اَمه بَه خداوند نِزِک آنییَکَرد»؛ نِه نَردِنَه بدتَر بَبیمون، نِه هَردِنَه بِیتَر. 9ولی هوش ببَه شمَه اِم حَق، عِجِزَ آدَمون لِسکیستِه باعیث آمَبو. 10اِمی خونه کن اَگَم کَسی کن عِجِزَ ووژدان بَداشتی، بَتِه کن اِم چییون خونه اَلمندیشَه، غذا هَردِ موقه بوتخانه ایکا بوینه، مَگَم اَ نی وسوسَه آنییَبن اَ هَردَچیکا کن بوتون تقدیم بَیَه، بَرِ؟ 11اِنتَرکِه، اِشتِه اَلمندی اَ عِجِزَ آدَمی نیفلَه آبِه باعیث بَبی، کن مسیح چَی خونه مَردَ. 12پس وقتی اِنتَرکِه اِشتَن برااون زِرَبَرا گناخ بَکَرون و چَوون عِجِزَ ووژدانی ضرر بَژَرون، مَسیح زِرَبَرا گناخ بَکَرون. 13اِمی خونه، اَگَم هردَ چیی، چمن برا لِسکیستِه باعیث بَبی، هرگز گوژد نِمَرد تا چَی لِسکیستِه باعیث آنِبوم.
Currently Selected:
اوّلین نامَه قورَنتیانیرا 8: CTB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
