اوّلین نامَه قورَنتیانیرا 16
16
خَلا اِن موقدسونرا
1ایسَه موقدسونرا خَلا اون جَم آکَردِ خونه: شِمَه نی اَ چیی ایی کن غلاطیه کلیسااونرا واتِمَه، اَنجوم بدَرَ. 2هَفته اَولَه روجیکا، هر کِرَم شِمَکا اِشتَن درامَدی اَندازَ تلَکه ایی کَنار بِنَرِ و اِشتَن وَر غَم بَرَ، تا هَنگومی کن شمَه وَر کام آمِه، دِ لازم مَبو خلا اون جَم آکَرَ. 3وقتی آمیم، اَیِنی کن شمَه اَوون ایتماد بداشتیرون موعرفی نامَه اِنی آمَدا و اَوون شمَه خَلا اونَّه شهر اورشَلیمیرا رونَه آمَکرد. 4اَگَم صلاح ببو کن اَز بشوم، اَز نی اَوونَّه بَشیمَه.
نَقشَه اِن سَفریرا
5ولَتِه مقدونیَه کا دیوَردِ به دوملَه شمَه وَر بومَمَه، اِمی خونه کن مقدونیَه کا دَمَیوَرد. 6شاید مودتی شمَه وَر بومونم، ویا حتی زومستونی شمَه وَریکا آخیر آکَم، تا بَمن چمن سَفَریکا هَر جِگا ایرا کن ببو، بَمن کاریَری بدرَ. 7چون نَپیمَه ایسَه راه دَیوَر شمَه ویندِرا بام. بَلکَم اومید بداشتیمَه، اَگَم خداوند بِپیا مودتی شمَه وَریکا بومونم. 8ولی تا پنتیکاستی عید، شهر افِسوسیکا بمَندیم. 9اِمی خونه کن یالَه بَرَنگایی خیدمت کردِ را مِرا آج آبَه یَه کن چاکَه بَرَ ایی بَداشتیَه، و غَنیمِن وِرین.
10وقتی تیموتائوس آمَه، اَینَه جوری رفتار بَکَرَ کن شمَه وَریکا چیی ایکا تَتَه وَسَّه دَنِگنِه. چون اَ نی چمن شیوار خداوندی کاری کا اَنجوم دوعه؛ 11پس کَسی بَی گِچ بَحیساب موَرِ. بَی سقَه جان سَفَریرا بَینَه تا هنی چمن وَر آگَردِ؛ اِمی خونه کن اَز و برااِن چَی اینتیظاریکامون.
آخِرین نصیحَتِن
12و ایسَه چَمه برا آپولوسی خونه، بَی بَرک خاشتو خاز کَردِمه کن ایلَه دییَرَ برا اونَّه شمَه وَر با، ولی هیچ جورَ راضی دَنِرمَه کن ایسَه با. هر موقه فرصَت کَردِشَه، بومَیَه.
13هوش ببَه؛ ایمانیکا آمبَست بومونَه؛ مِرد بِبَه و قودور آبَه. 14شمَه گِردِ کارِن موحبَتینه ببو.
15بَموستیرون کن اِستِفاناسی کَه آدَمِن اولین کَسِنی بینَه کن وِلَتِه اَخائیَه کا ایمان وردِشونه، و اَیِن بَشتَنِشون موقدَسون خیدمت کَردِرا وقف کردِشون. اَی برااِن، بَشِمکا خاشتو خازِمَه 16اِنتَرَ کَسونکا ایطاعَت بکَرَ و هِنتَرَکه هَر کَمی کن اِم خیدمتیکا همکاری بَکیَه و زَمَت بکَشتی، چَی فِرمون ببَه. 17اِستفاناس و فورتوناتوس و اَخائیکوسی آمِه کا خَشیمَه، اِمی خونه کن شمَه تَیَه جِگاشون پور آکَردَیه. 18اَیِن چمن روح و هنتَه نی شمَه روحی تازَ آکَردِشون. اِنتَرَ آدَمون حورمتی غَم بَرَ.
سلامِن
19آسیا کلیسا اِن شِمَرا سلام بَدان. آکیلا و پریسکیلا و هنتَه نی کلیسا ایی کن چَوون کَکا اَنجوم بَبی، بَشِمَه خداوندی دِلَکا گرمَه سلامی بدانَه. 20برااِنی کن اِم جِگاکانَه گِرد شِمَرا سلام بَدان. موقدَسه ماچینِه نَه یَندِ سلام بواجَه.
21اَز، پولوس، اِشتَن دسخَطینَه اِم سَلامی شِمَرا بنِوشتیم.
22لَنَت اَ کَسیرا کن خداوندی رَی نِدارِ. چَمه خداوند، بِه!
23خداوند عیسی فیض شمَنَه دَرِببو.
24چمن موحبت مَسیح عیساکا شمَه گِردی هَمراه ببو.آمین.
Currently Selected:
اوّلین نامَه قورَنتیانیرا 16: CTB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
