اوّلین نامَه قورَنتیانیرا 13
13
موحبتی راه
1اَگَم اینسانون و فرشتَه اون زبانینَه گَف بژَنم، ولی موحبت مدارم، هنتَه صَدا دارَ سنجی و تَیَه تبلی شیواریمون. 2اَگَم پیش گویی کَردِ خنَری بدارم و بشام گِردِ رازونکا و دانایی کا سَر آگِنم، و اَگَم اِنتَرَ کامیلَه ایمانی بدارِم کن بشام کومون تِم دَروَرِم، ولی موحبت مدارِم، دَداریمَه. 3اَگَم گِرد اِشتَن دارایی صدقَه بدَرِم و اِشتَن تَنی آرا پَسنَه اون دَست بَدَرم، ولی موحبتم مبو، مِرا هیچ فایدَ ایی نیشَه.
4موحبت صبورَ و مِربانَه؛ موحبت زِرَ نییَبرد؛ موحبت پوزنییَدا و یالَه نار نییَه. 5موحبَت بی اَدَب نییَه و اِشتَن منفعَتی دوملَه نی؛ موحبت آنییَس رَنگِست و اِشتَن دِلیکا کینَه نییَگَت؛ 6موحبت بَدی کَردِکا خَش آنیَبن، ولی حَییقتینه خَشی بَکَیَه. 7موحبت گِردِ چییون تحمل بَکَی، موحبت گِردِ چییون باور بَکَی، اوزون اومید بَداشتی و گِردِ چییون تاو بوعَردییَه.
8موحبت هیچ موقه تَمون آنیَبن. ولی پیشگو اییِن نیفیت بَبینه، و زَبانِن تَمون آنَّب ودانایی هیچ آرَبن. 9اِمی خونه کن چَمَه دانایی ناچیزَ و چَمه پیشگویی نی ناچیزَ؛ 10ولی هَه موقه کن کامیل با، ناچیز نیفیت آرَب. 11اَموقه کن فِلَه خِردنی بیمَه، هِنتَه خِردَنون شیوار گَف اَژَنیمهَ و خِردَنون شیوار فکر اَکَریمَه و هنتَه فِلَه خردنون شیوار دلیل اَوَریم. وقتی کن مِرد آبیم، خِردَنه رفتاری آهَشتِمه. 12چون اَ چیی ایی کن ایسَه کامون ویندِ، هِنتَه آوَینَه دلَکا عَکسی شیوارَ؛ ولی زَمانی آرَرَست کن اِشتَن نَ کا بَویندیمون. ایسَه چمن دانایی ناچیزَ؛ ولی زَمانی آرَرَست کن کامیل بَزنیم، هَتَه کن خدا، چمن خونه کامیل گِردِ چییون بَزنییَه.
13پس ایسَه، اِم سِه چیی بَمندیَه: ایمان، اومید و موحبت. ولی گِردیکا یال تَر موحبَتَه.
Currently Selected:
اوّلین نامَه قورَنتیانیرا 13: CTB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
