Santiagu 3
3
U Págpugád tu Dila
1Kákkapatkákka ko hide, awan dapat a makpal nikam u magin tagapagtoldu tu Upos nu Diyos, dipo tukoy moy dán a mas mahigpit u pághatul nikitam a tagapagtoldu hide nan tu agum. 2Atanan tam ay pirme a magkamale. U tolay a awan magkamale tu pággupos na ay essa dán siya a ganap a tolay dipo tukoy na a pugáddan u sadile na.
3Isipán tam u kabayo hide, ni pirinuwan tam u labi na ay mapasuko tam maskin hádya tam a paangayan. 4Ilingán tam be u barko hide, maskin tunay ti kadakál ni pagabutan ni mabegsák a pahás ti ditaw ay mepaangay nu kapitan maskin hádya tu pamamag-itan nu badit a timon. 5Konna labi hina u dila nu tolay; kabaditan a parte nu bággi, pero tunay ti kadakál u magimet na a kapalaluwan.
Sakay isipán moy dálla a kayang-kaya a matutod nu badit a apoy u tunay a lawak a talon. 6U dila ay kumán a apoy, dipo iye u paggabwatan nu makpal a kadukássán a mangpadangát tu buo tam a pagkatolay. Iye ay konna tu apoy a gábwat ti impiyerno a mangatád ti kaguluwan tu biyag tam. 7U atanan a kalase a hayup a maglakad oni magahakas sakay u ikan hide tu dinom ay kaya a paamuwán nu tolay. 8Pero hanggan nadid ay awan palla ti tolay a makapangpaamo tu dila. Tunay iye ti dukás, awan ti makapuga-pugád sakay putat ti kamandag a makatay. 9U dila tam u gággamitán tam tu págpure tu Panginoon a Ama tam. Pero ni agum iye labe u gággamitán tam tu págsumpa tam tu kapareho tam a tolay a linalang nu Diyos a kahupa na.#3:9 Basaán tu Genesis 1:26. 10Kanya tu eessa a labi a maggábwat u págpure sakay págsumpa. Male ina, kákkapatkákka ko hide. 11Awan maggábwat tu eessa a hábwayán u matablal a dinom sakay u maamba a dinom. 12Kákkapatkákka ko hide, awan maare a magbunga ti olibo u igus o u ubas ti igus. Konna labe ti iye a mas awan maare a magpisan a lumuwas u matablal a dinom sakay u maamba a dinom tu eessa a hábwayan.
U Karunungan a Gábwat tu Diyos
13Deya nikam u marunung sakay makaintendi? Patunayan moy iye tu pamamag-itan nu matuwid a kákkabiyag sakay u maganda a gimet bunga nu págpakababa sakay karunungan. 14Pero ni pagka masásseniyán sakay pagka makasadile u hod tu puso moy, ay dyan moy ipagmadakál a tehod kam a karunungan dipo kakabuliyan moy la ina sakay awan nikam u tatahoden. 15U konna hina a karunungan ay bakán a gábwat tu Diyos nan makamundu; gábwat tu diyablo, bakán a tu Banal a Ispirito. 16Dipo ni pagka masásseniyán sakay pagka makasadile u maghare ay pirme a te kaguluwan sakay atanan a kalase ni mágkadukás a gimet.
17Pero u tolay a te karunungan a gábwat tu Diyos, dipalongo tu atanan, ay te maayus a kákkabiyag, masássohán ti kapayapaan sakay mapagpugád. Awan na ipilit u sadile na a kagustuwan, makákkagbiyán, masipag a maggimet ti maganda, pare-pareho u pangileng na tu atanan a tolay sakay awan mapagkunware. 18U tolay a tehhod a kapayapaan ay makapangatád labe ti kapayapaan tu agum a tolay. Iye u mangatád ti maganda a pamággagum.
Currently Selected:
Santiagu 3: MBJC
Highlight
Share
Compare
Copy
Want to have your highlights saved across all your devices? Sign up or sign in
Pahanan Agta New Testament © Philippine Bible Society and Wycliffe Bible Translators, Inc., 2017.
Santiagu 3
3
U Págpugád tu Dila
1Kákkapatkákka ko hide, awan dapat a makpal nikam u magin tagapagtoldu tu Upos nu Diyos, dipo tukoy moy dán a mas mahigpit u pághatul nikitam a tagapagtoldu hide nan tu agum. 2Atanan tam ay pirme a magkamale. U tolay a awan magkamale tu pággupos na ay essa dán siya a ganap a tolay dipo tukoy na a pugáddan u sadile na.
3Isipán tam u kabayo hide, ni pirinuwan tam u labi na ay mapasuko tam maskin hádya tam a paangayan. 4Ilingán tam be u barko hide, maskin tunay ti kadakál ni pagabutan ni mabegsák a pahás ti ditaw ay mepaangay nu kapitan maskin hádya tu pamamag-itan nu badit a timon. 5Konna labi hina u dila nu tolay; kabaditan a parte nu bággi, pero tunay ti kadakál u magimet na a kapalaluwan.
Sakay isipán moy dálla a kayang-kaya a matutod nu badit a apoy u tunay a lawak a talon. 6U dila ay kumán a apoy, dipo iye u paggabwatan nu makpal a kadukássán a mangpadangát tu buo tam a pagkatolay. Iye ay konna tu apoy a gábwat ti impiyerno a mangatád ti kaguluwan tu biyag tam. 7U atanan a kalase a hayup a maglakad oni magahakas sakay u ikan hide tu dinom ay kaya a paamuwán nu tolay. 8Pero hanggan nadid ay awan palla ti tolay a makapangpaamo tu dila. Tunay iye ti dukás, awan ti makapuga-pugád sakay putat ti kamandag a makatay. 9U dila tam u gággamitán tam tu págpure tu Panginoon a Ama tam. Pero ni agum iye labe u gággamitán tam tu págsumpa tam tu kapareho tam a tolay a linalang nu Diyos a kahupa na.#3:9 Basaán tu Genesis 1:26. 10Kanya tu eessa a labi a maggábwat u págpure sakay págsumpa. Male ina, kákkapatkákka ko hide. 11Awan maggábwat tu eessa a hábwayán u matablal a dinom sakay u maamba a dinom. 12Kákkapatkákka ko hide, awan maare a magbunga ti olibo u igus o u ubas ti igus. Konna labe ti iye a mas awan maare a magpisan a lumuwas u matablal a dinom sakay u maamba a dinom tu eessa a hábwayan.
U Karunungan a Gábwat tu Diyos
13Deya nikam u marunung sakay makaintendi? Patunayan moy iye tu pamamag-itan nu matuwid a kákkabiyag sakay u maganda a gimet bunga nu págpakababa sakay karunungan. 14Pero ni pagka masásseniyán sakay pagka makasadile u hod tu puso moy, ay dyan moy ipagmadakál a tehod kam a karunungan dipo kakabuliyan moy la ina sakay awan nikam u tatahoden. 15U konna hina a karunungan ay bakán a gábwat tu Diyos nan makamundu; gábwat tu diyablo, bakán a tu Banal a Ispirito. 16Dipo ni pagka masásseniyán sakay pagka makasadile u maghare ay pirme a te kaguluwan sakay atanan a kalase ni mágkadukás a gimet.
17Pero u tolay a te karunungan a gábwat tu Diyos, dipalongo tu atanan, ay te maayus a kákkabiyag, masássohán ti kapayapaan sakay mapagpugád. Awan na ipilit u sadile na a kagustuwan, makákkagbiyán, masipag a maggimet ti maganda, pare-pareho u pangileng na tu atanan a tolay sakay awan mapagkunware. 18U tolay a tehhod a kapayapaan ay makapangatád labe ti kapayapaan tu agum a tolay. Iye u mangatád ti maganda a pamággagum.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Pahanan Agta New Testament © Philippine Bible Society and Wycliffe Bible Translators, Inc., 2017.