Santiagu 2
2
Paala-ala tu Tolay a Tehhod a Paboran
1Kákkapatkákka ko hide, dipo mánnampalataya kitamon ni Jesu-Cristo a Panginoon tam a dakila ay dapat awan kitam ti paboran a tolay. 2Mara ni te sumáddáp tu pággipun-ipunan moy a essa a mayaman a nakasangkalan ti ginto sakay nakabadu ti mágkamahal a badu, sakay dummemát be u essa a mahirap a nakabadu ti pisad-pisad, 3ni u asikasuwán moy laay ay u nakabadu ti mágkamahal sakay atádden ti pággetnudan na, pero u mahirap ay pinabayan moy la a mággetnod tu dáttag oni mágtaknág la, 4awan beman u asikasuwán moy la ti maayus ay u mágkayaman hide, sakay u mágkahirap hide ay api-apiyán moy la? Awan tama u pághatul moy dipo makasadile ina.
5Mahal ko hide a kákkapatkákka, mágsaneg kam! Awan beman pinile nu Diyos u mágkahirap hide ti munduwan iye tánni magin mayaman ti pánnampalataya, sakay magin tagapagmana tu kahariyan a impananto na tu atanan a magmahal nikuna? 6Pero bakin a imemenos moy la u mágkahirap hide? Awan beman u mágkayaman hide u mangape-ape nikam sakay mángkaso nikam? 7Awan beman hide u mangsásseste tu dakila a ngahan ni Jesu-Cristo a nangsakup nikitam?
8Ni sunudán moy u utus nu Diyos a katoy tu Kasulatan a, “Mahalán moy u kapareho moy a tolay a konna tu págmahal moy tu sadile moy a bággi,” ay nagimet moy dán u tama.#2:8 Basaán tu Levitico 19:18. 9Pero ni u mágkayaman la hide u igalang moy sakay iba u pangileng moy tu mágkahirap hide ay nagkasala kamon ayun tu utus nu Diyos kanya parusaan nakam. 10U tolay a simmuway tu essa la a utus, maskin nasunud na u agum ay sinuway na padi u atanan nu Kautusan. 11Dipo inyutus nu Diyos a, “Dyan kam mangilállake oni mangibábbey.” Tehhod pa a utus a, “Dyan kam mamuno.” Nadid maskin awan kam nangilállake oni nangibábbey pero namuno kam ay sinuway moy padi u Kautusan.#2:11 Basaán tu Exodo 20:13-14, Deuteronomio 5:17-18. 12Kanya magingat kam tu pággupos moy sakay tu gimet moy, dipo hatulan kam nu Diyos ayun tu Kautusan a nangpalaya tu tolay. 13Awan kagbiyan nu Diyos u tolay a awan makákkagbiyán pero u tolay a makákkagbiyán ay awan dapat a manteng tu pághatul nu Diyos.
U Pánnampalataya a awan ti Gimet ay Patay
14Kákkapatkákka ko hide, ánya wád serbiyay nu pánnampalataya nu essa a tolay a awan ketan tu gimet na? Meligtas beman wád siya nu konna hina a pánnampalataya? 15Mara ni awan ti mesulot sakay awan ti makan ti aldew-aldew u kapátkákka mo, 16sakay kagiyán moy nikuna, “Kagbiyan ka nakwa nu Diyos a maketa ti badu sakay makan moy,” makatulung beman itod ni awan moy atádden tu kailangan de? 17Konna bihod u pánnampalataya; ni awan aguman tu maganda a gimet ay patay dipo awan iye ti serbi.
18Tehhod a magkagi a, “Manampalatayaák la para maligtas; u agum ay maggimet la ti maganda ay tama dán.” Sa iye u tabbeg ko hina, “Kodya mapatunayan nu tolay u pánnampalataya na ni awan ketan tu gimet na a maganda. Pero para nikán u kássampalataya ko ay ketan tu pággimet ko ti maganda.” 19Awan beman maniwala kam a eessa la u Diyos? Maganda ina! Pero isipán tam a maskin u dimonyo hide ay maniwala be tu Diyos, sakay magpágpág pa ngane hide ti ánteng. 20Hikam a awan makaintendi! Bakin? Kailangan kubeman a patunayan nikam a awan ti pinagseserbiyan u pánnampalataya a awan ti gimet? 21Awan beman na saya u Diyos tu ninuno tam a ti Abraham dipo tu ginimet na nikuna a inyalay na u anak na a ti Isaac tu Diyos?#2:21 Basaán tu Genesis 22:1-14. 22U pánnampalataya na sakay tu maganda na a gimet ay magkaguman. Dipo u pangtupad na tu kinagi nu Diyos u paketaan a tatahoden u pánnampalataya na. 23Kanya natupad dán u sumássulat a, “Summampalataya ti Abraham tu Diyos, sakay imbilang siya nu Diyos a matuwid dipo tu pánnampalataya na.” Kanya dinulaw siya a amigu nu Diyos. #2:23 Basaán tu Genesis 15:6, Isaias 41:8, 2 Cronica 20:7. 24He tam a ketan a ituring nu Diyos a matuwid u essa a tolay dipo tu gimet na hide a maganda, bakán la tu pánnampalataya na.
25Konna labe ni Rahab, u bábbey a bábbayaden; imbilang siya nu Diyos a matuwid dipo tu ginimet na a maganda, dipo pinatulos na tu bilay na u duwwa a Judio a magtik-tik tu lugar de. Intoldu na pa nide u iba a dilan tánni awan hide madakáp.#2:25 Basaán tu Josue 2:1-21.
26Patay u bággi a awan ti kaliduwwa; konna labi hod, u pánnampalataya a awan ti gimet ay patay.
Currently Selected:
Santiagu 2: MBJC
Highlight
Share
Compare
Copy
Want to have your highlights saved across all your devices? Sign up or sign in
Pahanan Agta New Testament © Philippine Bible Society and Wycliffe Bible Translators, Inc., 2017.
Santiagu 2
2
Paala-ala tu Tolay a Tehhod a Paboran
1Kákkapatkákka ko hide, dipo mánnampalataya kitamon ni Jesu-Cristo a Panginoon tam a dakila ay dapat awan kitam ti paboran a tolay. 2Mara ni te sumáddáp tu pággipun-ipunan moy a essa a mayaman a nakasangkalan ti ginto sakay nakabadu ti mágkamahal a badu, sakay dummemát be u essa a mahirap a nakabadu ti pisad-pisad, 3ni u asikasuwán moy laay ay u nakabadu ti mágkamahal sakay atádden ti pággetnudan na, pero u mahirap ay pinabayan moy la a mággetnod tu dáttag oni mágtaknág la, 4awan beman u asikasuwán moy la ti maayus ay u mágkayaman hide, sakay u mágkahirap hide ay api-apiyán moy la? Awan tama u pághatul moy dipo makasadile ina.
5Mahal ko hide a kákkapatkákka, mágsaneg kam! Awan beman pinile nu Diyos u mágkahirap hide ti munduwan iye tánni magin mayaman ti pánnampalataya, sakay magin tagapagmana tu kahariyan a impananto na tu atanan a magmahal nikuna? 6Pero bakin a imemenos moy la u mágkahirap hide? Awan beman u mágkayaman hide u mangape-ape nikam sakay mángkaso nikam? 7Awan beman hide u mangsásseste tu dakila a ngahan ni Jesu-Cristo a nangsakup nikitam?
8Ni sunudán moy u utus nu Diyos a katoy tu Kasulatan a, “Mahalán moy u kapareho moy a tolay a konna tu págmahal moy tu sadile moy a bággi,” ay nagimet moy dán u tama.#2:8 Basaán tu Levitico 19:18. 9Pero ni u mágkayaman la hide u igalang moy sakay iba u pangileng moy tu mágkahirap hide ay nagkasala kamon ayun tu utus nu Diyos kanya parusaan nakam. 10U tolay a simmuway tu essa la a utus, maskin nasunud na u agum ay sinuway na padi u atanan nu Kautusan. 11Dipo inyutus nu Diyos a, “Dyan kam mangilállake oni mangibábbey.” Tehhod pa a utus a, “Dyan kam mamuno.” Nadid maskin awan kam nangilállake oni nangibábbey pero namuno kam ay sinuway moy padi u Kautusan.#2:11 Basaán tu Exodo 20:13-14, Deuteronomio 5:17-18. 12Kanya magingat kam tu pággupos moy sakay tu gimet moy, dipo hatulan kam nu Diyos ayun tu Kautusan a nangpalaya tu tolay. 13Awan kagbiyan nu Diyos u tolay a awan makákkagbiyán pero u tolay a makákkagbiyán ay awan dapat a manteng tu pághatul nu Diyos.
U Pánnampalataya a awan ti Gimet ay Patay
14Kákkapatkákka ko hide, ánya wád serbiyay nu pánnampalataya nu essa a tolay a awan ketan tu gimet na? Meligtas beman wád siya nu konna hina a pánnampalataya? 15Mara ni awan ti mesulot sakay awan ti makan ti aldew-aldew u kapátkákka mo, 16sakay kagiyán moy nikuna, “Kagbiyan ka nakwa nu Diyos a maketa ti badu sakay makan moy,” makatulung beman itod ni awan moy atádden tu kailangan de? 17Konna bihod u pánnampalataya; ni awan aguman tu maganda a gimet ay patay dipo awan iye ti serbi.
18Tehhod a magkagi a, “Manampalatayaák la para maligtas; u agum ay maggimet la ti maganda ay tama dán.” Sa iye u tabbeg ko hina, “Kodya mapatunayan nu tolay u pánnampalataya na ni awan ketan tu gimet na a maganda. Pero para nikán u kássampalataya ko ay ketan tu pággimet ko ti maganda.” 19Awan beman maniwala kam a eessa la u Diyos? Maganda ina! Pero isipán tam a maskin u dimonyo hide ay maniwala be tu Diyos, sakay magpágpág pa ngane hide ti ánteng. 20Hikam a awan makaintendi! Bakin? Kailangan kubeman a patunayan nikam a awan ti pinagseserbiyan u pánnampalataya a awan ti gimet? 21Awan beman na saya u Diyos tu ninuno tam a ti Abraham dipo tu ginimet na nikuna a inyalay na u anak na a ti Isaac tu Diyos?#2:21 Basaán tu Genesis 22:1-14. 22U pánnampalataya na sakay tu maganda na a gimet ay magkaguman. Dipo u pangtupad na tu kinagi nu Diyos u paketaan a tatahoden u pánnampalataya na. 23Kanya natupad dán u sumássulat a, “Summampalataya ti Abraham tu Diyos, sakay imbilang siya nu Diyos a matuwid dipo tu pánnampalataya na.” Kanya dinulaw siya a amigu nu Diyos. #2:23 Basaán tu Genesis 15:6, Isaias 41:8, 2 Cronica 20:7. 24He tam a ketan a ituring nu Diyos a matuwid u essa a tolay dipo tu gimet na hide a maganda, bakán la tu pánnampalataya na.
25Konna labe ni Rahab, u bábbey a bábbayaden; imbilang siya nu Diyos a matuwid dipo tu ginimet na a maganda, dipo pinatulos na tu bilay na u duwwa a Judio a magtik-tik tu lugar de. Intoldu na pa nide u iba a dilan tánni awan hide madakáp.#2:25 Basaán tu Josue 2:1-21.
26Patay u bággi a awan ti kaliduwwa; konna labi hod, u pánnampalataya a awan ti gimet ay patay.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Pahanan Agta New Testament © Philippine Bible Society and Wycliffe Bible Translators, Inc., 2017.