2 Juan 1
1
1Hikán a Tagapangasiwa u nagsulat ti iye.
Iye a sulat ay para tu pinile nu Diyos a bábbey sakay tu anak na hide a mahal ko a tahod. Bakán la a hikán u nagmahal nikam nan pate u atanan a nakatukoy tu tatahoden. 2Mahal mikam dipo tu tatahoden a mágyan nikitam sakay katoy nikitam hanggan-hanggan.#1:2 Basaán tu 1 Juan 2:20-21.
3Iyatád nakwa nikitam nu Diyos a Ama sakay ni Jesu-Cristo a anak na u págmahal, kagbi sakay kapayapaan tu pamamagitan nu tatahoden sakay tu págmahal.
U Tatahoden sakay u Págmahal
4Masayaák a tahod ta netan ko a simmampalataya tu tatahoden u agum hide a anak mo. Gággimitán de u inyutus nu Ama nikitam.#1:4 Basaán tu 1 Juan 3:23. 5Nadid pinile nu Diyos a bábbey, te iyohunák niko. Iye a sulat ko niko ay awan bigu a kautusan nan u date a kautusan a sapul pa ti sapul ay tukoy tamon.#1:5 Basaán tu Juan 13:34-35. Iye ay u kautusan a magmahalan kitam a atanan. 6Sakay sa iye u gusto a kagiyán nu págmahal: sunudán tam u kautusan na. Sakay sa iye u inyutus nu Diyos a natukuyan tam tu sapul pa, a magmahalan kitam tu balang essa.
7Nadid, makpal dán ti munduwáy u manglinlang hide, magtoldu hide a ti Jesu-Cristo ay awan nagin tolay. U konna hod hide a tolay ay máglinlang sakay kontara ni Cristo. 8Magingat kam tánni awan mawanan ti kabuluhan u pinaghirapan me nan maalap moy u kabuuwan nu gantimpala moy.
9Ni ti deyaman u awan umayun nan dagdagen napa u toldu ni Cristo ay awan nákpagkaessa nikuna u Diyos. Ni ti deyaman u umayun tu toldu ni Cristo ay mákpagkaessa nikuna u Ama sakay u Anak. 10Ni te dumemát nikam a tolay a te iba a toldu ay dyan moy siya tanggapán tu bilay moy oni uhunán, 11dipo u umuhon nikuna ay kaessa na tu madukás na a gimet.
Katapusan a Bilin
12Makpalák pa nakwa a ikagi nikam pero awan ko dálla isulat. Dipo umasaák a makaangayák hina sakay makauhon takam tánni mas masaya kitam a tahod.
13Kumusta ka kan kagi nu anak hide nu kapatkákka mo a bábbey a pinile be nu Diyos a kapareho mo.
Currently Selected:
2 Juan 1: MBJC
Highlight
Copy
Compare
Share
Want to have your highlights saved across all your devices? Sign up or sign in
Pahanan Agta New Testament © Philippine Bible Society and Wycliffe Bible Translators, Inc., 2017.
