1 Juan 1

U Upos a Makapangatád ti Biyag

1Summulat kame nikam tungkul nikuna a tu sapul pa ay átna dán, u Upos a Makapangatád ti Biyag. Nasaneg mi siya, sakay netan me, namámmalas sakay natawiden. #1:1 Basaán tu Juan 1:1-4. 2Nikuna a mehayag dán siya a makapangatád ti biyag ay netan mi siya, pinatunayan me sakay inpangaral me nikam a hod nikuna u biyag a awan ti kahád. Sapul pa tu sapul ay kaguman dán siya nu Diyos Ama sakay pimmeta siya nikame. #1:2 Basaán tu Juan 1:1, 10:30. 3Inpakapospos mi ngane nikam u netan me sakay nasaneg tánni makaguman mikam tu pákpagkaessa me tu Ama sakay tu Anak na a ti Jesu-Cristo.#1:3 Basaán tu Juan 1:14 15:1-6, 17:3. 4Insulat mi iye tánni magin tunay u kasayaan tam.#1:4 Basaán tu Juan 15:11.

Mabiyag Ayun tu Demlag

5Sa iye u nasaneg me tu Anak na sakay inpakapospos mi be nikam, u Diyos ay demlag sakay awan ti ányaman a kadiklamman nikuna.#1:5 Basaán tu Juan 1:4. 6Kaya ni kagiyán tam a nákpágkaessa kitam nikuna pero mabiyag kitam palla tu kadiklámman ay nagbuli-bule kitam sakay awan mabiyag ayun tu tatahoden.#1:6 Basaán tu Juan 8:44. 7Pero ni mabiyag kitam ayun tu demlag a konna tu Diyos a katoy tu demlag ay tehod kitam a pákpagkaessa tu balang essa. Sakay u digi ni Jesus a Anak nu Diyos u nanglinis tu atanan a kasalanan tam. #1:7 Basaán tu Juan 3:19-21.

8Ni kagiyán tam a awan kitam ti kasalanan ay lállokuwán tam la u sadile tam sakay awan nikitam u tatahoden. 9Pero ni aminán tam tu Diyos u kasalanan tam hide ay siguradu a patawadán na kitam sakay linisan na kitam tu mágkadukás tam a gimet dipo siya ay matapat sakay matuwid.#1:9 Basaán tu Roma 3:23-26. 10Pero ni kagiyán tam a awan kitam nakagimet ti kasalanan ay ginimet tam a mabule u Diyos sakay awan ketan tu biyag tam u Upos na.

Currently Selected:

1 Juan 1: MBJC

Highlight

Copy

Compare