رؤيا 4
4
الكُرسي في السَّما
1و بَعَد دا عايَنتَ. و شوف! كان في باب مَفتوح في السَّما. و الصّوت الأوَّل، السِّمِعتو يَكَلِّمني زي صوت بوق، قال: ”اطلَع هِنا، و أنا بَوَرّيك حاجات لازِم تَحصَل بَعَد دا.“ 2و طَوّالي كُنتَ في الرّوح. و أهو دا! كان في كُرسي مَختوت في السَّما، و واحِد قاعِد عَلى الكُرسي. 3و مَنظَر هو القاعِد كان زي حَجَر غالي إسمو اليَشَب الأخدَر و حَجَر ساردِس الأحمَر. و حَول الكُرسي كان في #4:3 قوس سَحاب: حاجَه فيها ألوان مُختَلِفَه تَشوفا في السَّما بَعَد المَطَر.قوس سَحاب يَشبَه حَجَر زُّمُرُّد الأخدَر. 4و كانو في حَول الكُرسي أربَعَه و عِشرين كُرسي. و شُفتَ عَلى الكَراسي أربَعَه و عِشرين شيخ لابسين هِدوم أبيَض، و عَلى روسينُم #4:4 تاج، تيجانتيجان مِن دَهَب. 5و مِن الكُرسي مَرَقو بُروق و أصوات و #4:5 رَعد، رُعود: صوت المَطَر.رُعود. و قِدّام الكُرسي سَبعَه لَمبات نار مَوَلَّعَه. و هُم السَّبعَه أرواح الله. 6و قِدّام الكُرسي كَمان زي بَحَر مِن قِزاز، يَشبَه #4:6 بَلّور: حَجَر أبيَض و صافي.بَلّور.
و في وَسِط الكُرسي و حَول الكُرسي، أربَعَه و عِشرين حَيوانات مُغَطّين بِعُيون مِن قِدّام و مِن وَرا. 7و الحَيوان الأوَّل كان زي الأسَد، و الحَيوان التّاني زي العِجل، و الحَيوان التّالِت عِندو وَش زي وَش الإنسان، و الحَيوان الرّابِع زي #4:7 نَسر، نُسور: نوع صَقر يَطير لِطول عالي.النَّسر البِطير. 8و كُلّو واحِد مِن الأربَعَه حَيوانات كان عِندو سِتَّه جِنحين، مَليان عُيون مِن حَولو و مِن جواهو. و هُم ما بِوَقِّفو ليل و نَهار يَقولو:
”قُدّوس، قُدّوس، قُدّوس، الرَّب الإلَه القادِر عَلى كُلّو شي،
و هو كان مَوجود و هو مَوجود و ماشي يَجي.“
9و الحَيوانات يَدّو مَجد و إحتِرام و شُكر لِلقاعِد عَلى الكُرسي، و ليهو الحَي لِلأبَد. 10و لَمّا بيَعمِلو كِدا، الأربَعَه و عِشرين شيخ يَقَعو قِدّام القاعِد عَلى الكُرسي. و هُم يَعبُدو اليَعيش لِلأبَد. و يَرمو تيجانُم قِدّام الكُرسي و يَقولو:
11”إنتَ مُستَحِق، يا رَب إلَهنا
أن تَقبَل المَجد و الإحتِرام و القُدرَه.
عَلَشان إنتَ خَلَقتَ كُل الحاجات،
و بِإرادَتَك كانو مَوجودين و مَخلوقين.“
Currently Selected:
رؤيا 4: APD2024
Highlight
Copy
Compare
Share
Want to have your highlights saved across all your devices? Sign up or sign in
© 1978 SIM, adapted in 2024 by Pioneer Bible Translators
