يَعْقُوب 3

عَن اللِّسان

1يا أخواني، ما تَكونو مُعَلِّمين كَتيرين، عَشان تَعرِفو نِحنا البِعَلِّمو ناخُد حُكم أعظَم. 2عَشان كُلُّنا نَقَع في حاجات كَتيرَه. و إذا كان واحِد ما ليهو غَلطَه في الكَلام، هو راجِل كامِل، و يَقدَر يَغلِب عَلى كُل الجِّسِم كَمان. 3لَمّا نَخُت حَديد اللِّجام في خُشوم الحَصين عَشان يَطيعونا، بِدا نَقدَر نَدَوِّر كُل أجسامُم. 4شوفو! الهَبوب تَسوق المَراكِب الكَبيرَه جِدّاً. لَكِن #3‏:4 دَفَّه: حاجَه تَحَوِّل المُركَب.دَفَّه صَغَيرَه جِدّاً تَحَوِّلا لِلمَحَل الرَئيس داير يَمشي ليهو. 5كِدا كَمان اللِّسان، هو عُضو صَغَيِر، لَكِن يتكَلَّم بِكِبِر عَن حاجات عَظيمَه. شوفو كيف شوَيَة نار تَوَلِّع غابَه كَبيرَه.

6و اللِّسان كَمان نار. هو دُنيا شَرّيرَه مَختوتَه بين أعضانا. اللِّسان يَنَجِّس الجِّسِم كُلّو، و يَوَلِّع طَريق حَياتنا كُلّو بِالنّار البِتَجي ليهو مِن جَهَنَّم. 7عَشان كُلّو أنواع الوحوش، و الطُّيور، و الزَّحافات، و حَيوانات البَحَر، النّاس #3‏:7 والَف، يَوالِف: يَعَلِّم الحَيوانات يَشتَغِلو لِلنّاس.بِوالِفوهُم و كانو بِوالِفوهُم. 8لَكِن واحِد ما بِقدَر يَوالِف اللِّسان. هو شَر، ما ليهو راحَه، مَليان بِالسِّم اليَكتُل. 9بِاللِّسان نَبارِك الله الأبو، و بيهو نَلعَن النّاس الإتسَوّو عَلى شَبَه الله. 10مِن الخَشُم الواحِد، تَمرُق البَرَكَه و اللَّعنَه. يا أخواني، دا ما لازِم يَكون كِدا. 11مُمكِن مويَه حِلوَه و مُرَّه تَجري مِن بير واحدَه؟ 12يا أخواني، شَجَرَة تين تَقدَر تَجيب زيتون، ولّا كَرمَة عِنَب تَجيب تين؟ و كِدا كَمان البير المالحَه ما تَجيب مويَه حِلوَه.

الحِكمَه المِن السَّما

13مِنو #3‏:13 حَكيم، حُكَما: دِكتور.حَكيم و فاهِم بينكُم؟ خَليهو يَوَرّي مِن حَياتو الطَّيبَه، أعمالو في الوَداعَه بِتاعَت الحِكمَه. 14و لَكِن إذا عِندَكُم حَسَد مُر وَ حُب #3‏:14 حُب الرّياسَه: العاوِز يَكون الرَئيس.الرّياسَه في قُلوبكُم، ما تَفَكِّرو و ما تَكَضِّبو عَلى الحَق. 15الحِكمَه دي ما بِتَنزِل مِن فوق، لَكِن هي أرضيَه، جِسميَّه، شيطانيَه. 16عَشان المَحَل الفيهو حَسَد و حُب الرّياسَه، هِناك في لَخبَطَه و كُلّو نوع الشَّر. 17لَكِن الحِكمَه المِن فوق، هي في الأوَّل نَضيفَه، بَعدين مُحِب السَّلام، عِندَها صَبر. الحِكمَه دي مُطيعَه، مَليانَه رَحمَه و ثِمار كوَيس، ما فيها فارِق، و مُخلِصَه. 18البيَعمِلو السَّلام بِزرَعو تيراب السَّلام، و هُم بِلِمّو ثِمار البِر.

Currently Selected:

يَعْقُوب 3: APD2024

Highlight

Copy

Compare