يَعْقُوب 1

1مِن يَعْقُوب خَدّام الله و الرَّب يَسُوع المَسيح، لِلإتناشَر قَبيلَه الإتَشَتَّتو بين الأُمَم. السَّلام.

الأتعاب و التَّجَارِب

2أحسِبوهو كُلّو فَرَح، يا أخواني، وَكِت ما تَلقو تَجَارِب مُختَلِفَه. 3عارِفين إمتِحان إيمانكُم يَجيب الصَّبر. 4خَلّي يَكون لِلصَّبر عَمَل كامِل، عَلَشان تَكونو كاملين و تامين، ما ناقصين في حاجَه.

5و إن كان واحِد يَحتاج لِحِكمَه، خَليهو يَسأل الله البِدّي لِكُل النّاس بِالكَرامَه. و الله ما #1‏:5 لَام، يَلوم: يَقول الزّول عَمَل غَلَط.يَلوم، و هو بِدّيهو. 6لَكِن لازِم يَسأل بِإيمان، و ما بِشِك كُلّو كُلّو. أي واحِد البِشِك، هو زي موج البَحَر الريح تَهِبّو لِهِنا و لِهِناك و تَرميهو. 7ما تَخَلّي الزّول داك يَفتِكِر هو بِقبَل حاجَه مِن الرَّب. 8الرّاجِل العِندو فِكرَتين، هو ما ثابِت في كُلّو طُرُقو.

9خَلّي الأخو المِسكين يَفرَح بِمَحَلّو العالي. 10لَكِن خَلّي الغَني يَفرَح بِمَحَلّو الواطي، عَشان زي زَهرَة القَش هو بِفوت. 11عَشان الشَّمِش تَطلَع بِحَرّا، و القَش يبَس، و زَهرَتو تَقَع، و جَمال مَنظَرا يَخسَر. و زي دا كَمان الغَني يَخسَر في وَسِط شُغلو.

12مُبارَك الرّاجِل البِتحَمَّل التَجرِبَه. عَشان إذا مَرَّه بِالإمتِحان، هو بِقبَل تاج الحَياة الوَعَد بيهو الرَّب لِلنّاس البِحِبّوهو. 13المُجَرَّب ما لازِم يَقول: ”الله يَجَرِّبني.“ عَشان الله ما يَقدَر يَكون مُجَرَّب بِالشَّر، و هو ما يَجَرِّب أي واحِد. 14لَكِن كُلّو واحِد يِتجَرَّب إذا شَهوَتو تَجُرّو و تَغِشّو. 15بَعدين الشَّهوَه إذا حِملَت تَجيب خَطيَّه. و الخَطيَّه لَمّا تَكبَر تَجيب الموت.

16ما تَكونو مَغشوشين، يا أخواني المَحبوبين. 17كُلّو هَدِيَّه طَيبَه، و كُلّو هَدِيَّه كاملَه، هي مِن فوق، و نازلَه مِن أبو #1‏:17 نور، أنوارالأنوار الما فيهو فَرَق ولّا ضُل مِن #1‏:17 تَغيير: (مِن الفِعل، غَيَّر، يَغَيِّر).تَغيير. 18مِن إرادَة نَفسو هو وَلَدنا بِكِلمَة الحَق عَشان نَكون أوَّل ثِمار مِن كُل الخَلَقو.

سامعين و عاملين

19أعرِفو دا، يا أخواني المَحبوبين. خَلّي كُلّو زول يَكون قَوّام في السَمَع، بِشيش في الكَلام، بِشيش في الزَّعَل. 20عَشان زَعَل الإنسان ما بيَعمِل بِر الله. 21عَشان كِدا، أرمو مِنَّكُم كُلّو نَجاسَه و كَترَت شَر، و أقبَلو بِوَداعَه الكِلمَه المَزروعَه البِتَقدَر تَخَلِّص نُفوسكُم.

22و لَكِن كونو عامِلين بِالكِلمَه، ما سامعين ليها بَس، و كِدا تَغِشّو نُفوسكُم. 23إن كان واحِد بِسمَع لِلكِلمَه و ما بيَعمِل بيها، هو زي راجِل يَشوف وَشّو الطَّبيعي في مِرايا. 24و هو يَشوف نَفسو و يَمشي، و بِسُرعَه يَنسى كيف هو كان. 25لَكِن البِشوف في القانون الكامِل، قانون الحُرّيَّه، و بيَعمِلو و يِستَمِر فيهو، هو بِكون مُبارَك في عَمَلو، مُش هو البِسمَع و بَعدين بِنسى.

26إذا واحِد يَفتَكِر نَفسو ديني، و هو ما عِندو سُلطَه عَلى لِسانو، هو يَغِش نَفسو. دين الزّول دا بِدون فايدَه. 27الدّين النَّضيف و البِدون عيب قِدّام الله الأبو، هو زيارَة #1‏:27 يَتيم، يَتامى: الما عِندو أُم ولّا أبو.اليَتامى و الأرامِل في تَعبُم، و حِفظ الإنسان نَفسو بِدون نَجاسَه مِن الدُّنيا.

Currently Selected:

يَعْقُوب 1: APD2024

Highlight

Copy

Compare