عِبرانيين 9

العِبادَه في المَحَل المُقَدَّس بِتاع الدُّنيا

1و الإتِّفاق الأوَّل كان عِندو قَوانين العِبادَه و المَحَل المُقَدَّس بِتاع الدُّنيا. 2و هُم جَهَّزو الخيمَه، الغُرفَه البَرَّه إسِما، المَحَل القُدّوس. و كان فيهو طَرَبيزَة اللَّمبَه و طَرَبيزَه فوقا عيش التَّقدِمَه. 3و بِوَرا السِّتارَه في غُرفَه تانيَه إسِما، قُدُس الأقداس، 4و فيهو مَضبَح البَخور مِن دَهَب و #9‏:4 تابوت: صَندوق مُقَدَّس فيهو حاجات الإتِّفاق.تابوت الإتِّفاق، المُغَطّى مِن كُلّو جَمب بِالدَّهَب. و فيهو حَلَّه مِن الدَّهَب، فيها المَنّا، و عَصايَه هارون الجّابَت أوراق، و لوح الإتِّفاق. 5و مِن فوق التّابوت، #9‏:5 كَروب، كَروبيم: مَليكَه مَخصوص (هِنا، صَنَعوها مِن دَهَب).كَروبيم المَجد #9‏:5 ضَلَّل، يَضَلِّل: يَعمِل غِطاء فوق حاجَه و يَوَرّي إنّو الله قَرَّب لِمَحَل دا.يَضَلِّلو كُرسي الرَّحمَه. و هَسَّع ما نَقدَر نِتكَلَّم عَن الحاجات دي مِن اوَّلا لِآخِرا.

6و لَمّا جَهَّزو كُلّو حاجَه زي دا، القُسُس كانو بِدخُلو لِلخيمَه الفي بَرَّه دايماً عَشان يَعمِلو الخِدمَه. 7لَكِن رَئيس القُسُس بَس كان بِدخُل المَحَل التّاني، مَرَّه واحدَه في السَّنَه. و هو ما دَخَل بِدون دَم، الهو قَدَّمو عَن نَفسو و عَن خَطايا النّاس العَمَلوها بِدون مَعرِفَه. 8و كِدا، الرّوح القُدُس كان بِوَرّي إنّو الطَّرِيق لِقُدُس الأقداس ما كان مَفتوح، ما دام الخيمَه الفي بَرَّه لِسَّع واقِفَه. 9و دا مَثَل لِلوَكِت الحاضِر، البِوَرّي إنّو الهَدايا و الضَّبايح الهُم قَدَّموها ما قِدِرو يَعمِلو ضَمير الزّول اليَخدِم كامِل. 10و هُم قَوانين جِسميَّه بَس عَن أكِل و شُرُب و غَسيل مُختَلِف، و يَشتَغِلو بيهُم لِغايَة وَكِت التَّرتيب الجَّديد.

دَم المَسيح

11لَكِن المَسيح جا رَئيس قُسُس لِلحاجات الكوَيسَه الفي هَسَّع، بِالخيمَه الأكبَر و الأكمَل. و الخيمَه دي ما مَعمولَه بِإيد زول، يَعني مُش مِن الخَليقَه دي. 12هو ما دَخَل بِدَم غَنَم و عُجول، لَكِن بِدَم نَفسو مَرَّه واحدَه لِقُدُس الأقداس، و جاب لينا فِداء أبَدي. 13و #9‏:13 رَشَّ، يَرُش: يَهِز شوَيَه مِن حاجَه زي مويَه (هِنا دَم) عَشان يِتفَتَّك.يَرُشّو دَم غَنَم و تيران و رَماد عِجلَه عَلى البِقو وَسخانين عَلَشان يَقَدِّسُم لِنَضافَة الجِّسِم. 14و عَلَشان دا الحَق، كَم بِالأكتَر دَم المَسيح عَمَل لينا! هو قَدَّم نَفسو لِلَّه بِالرّوح الأبَدي بِدون عيب. و دَمّو بِنَضِّف ضَمايرنا مِن الأعمال المَيِّتَه عَشان نَخدِم الله الحَي.

15و عَلَشان كِدا، المَسيح وَسيط إتِّفاق جَديد، عَشان هُم، المُختارين بِقبَلو الميراث الأبَدي المَوعود. و دا بِكون كِدا عَلَشان هو مات لِفِداء الخَطايا العَمَلوها تِحِت الإتِّفاق الأوَّل. 16و لَمّا تَكون في #9‏:16 وَصيَه، وَصايا: وَرَقَة شَهادَه عَن كيف واحِد عاوِز النّاس يَدّو مالو بَعَد موتو.وَصيَه، لازِم يَثَبِّتوها بِموت الواحِد العَمَلا. 17عَشان الوَصيَه عِندَها قُوَّه بَس إذا واحِد يَموت، و ما بِكون عِندَها قُوَّه أبَداً وَكِت ما الواحِد العَمَلا بِعِيش. 18عَلَشان كِدا، الإتِّفاق الأوَّل ما بِقى ثابِت بِدون دَم. 19في الأوَّل مُوسَى كَلَّم كُل النّاس بِكُلّو أمر في القانون. و بَعَد دا هو أخَد دَم العُجول و الغَنَم، مَعَ مويَه و صوف أحمَر و #9‏:19 زوفا: نَباتزوفا. و رَشّاها عَلى الكِتاب زاتو و عَلى كُل النّاس. 20و هو قال: ”دا هو دَم الإتِّفاق الأمَركُم بيهو الله.“ 21و زي دا، هو رَشَّ الدَّم عَلى الخيمَه و عَلى كُلّو حاجات الخِدمَه. 22و بِحَسَب القانون يَنَضِّفو كُل الحاجات تَقريباً بِالدَّم. و إذا ما يَكُبّو الدَّم، ما بِكون في غُفران.

23عَلَشان كِدا، كان لازِم يَنَضِّفو صُوَر الحاجات الفي السَّما بِالضَّبايح ديل. و لَكِن يَنَضِّفو الحاجات الفي السَّما زاتا بِضَبايح أحسَن مِن ديل. 24عَشان المَسيح ما دَخَل لِقُدُس الأقداس المَعمول بِالنّاس، و دا صورَة الحاجات الحَقيقيَه. لَكِن هو دَخَل لِلسَّما عَشان يَظهَر قِدّام وَش الله فِشانّا. 25و ما عَشان هو يَقَدِّم نَفسو مَرّات كَتيرَه زي ما رَئيس القُسُس بِدخُل قُدُس الأقداس كُلّو سَنَه بِدَم مُش حَقّو. 26عَشان إذا كِدا، المَسيح كان لازِم يَتعَب مَرّات كَتيرَه مِن خَليقَة الدُّنيا. لَكِن هَسَّع هو ظَهَر مَرَّه واحدَه في نِهايَة الزَّمَن عَشان يَوَقِّف الخَطيَّه بِضَبيحَة نَفسو. 27و مُعَيَّن لِلنّاس أن يَموتو مَرَّه واحدَه. و بَعَد دا يَكون الحُكم. 28و زي دا كَمان، المَسيح كان مَقَدَّم مَرَّه واحدَه عَشان يَشيل خَطايا ناس كُتار. و هو بِظهَر مَرَّه تانيَه، مُش عَلَشان يَشيل الخَطيَّه، لَكِن عَشان يَخَلِّصُم البِستَنّوهو.

Currently Selected:

عِبرانيين 9: APD2024

Highlight

Copy

Compare