٢ تِيمُوثَاوُس 2
2
العَسكَري الأمين
1عَلَشان كِدا، يا وَلَدي، إتشَدَّد في النِّعمَه الفي يَسُوع المَسيح. 2و الحاجات السِّمِعتَ مِنّي قِدّام شاهِدين كُتار، سَلِّما لِرُجال #2:2 أمين، أُمَناأُمَنا البِقدَرو يَعَلِّمو التّانيين كَمان. 3أشتَرِك في حِمِل التَّعب زي عَسكَري كوَيس لِلمَسيح يَسُوع. 4ما في واحِد اليَحارِب البِكون مَربوط لِحاجات الحَياة دي. هو عاوِز يَبسِط الدّخَّلو لِلخِدمَه العَسكَريَّه. 5و كِدا كَمان، أي واحِد اليَجري في #2:5 سَبَق: عَمَل النّاس اليَجرو حَتّى واحِد مِنَّهُم يِتقَدَّم.سَبَق، ما ياخُد التّاج إذا ما يَجري حَسَب القانون. 6المُزارِع البِتعَب لازِم يَكون الأوَّل لِياخُد جُزو في الثَّمار. 7فَكِّر في البِقولو، و الرَّب يَدّيك فَهم في كُلّو حاجَه.
8إتزَكَّر يَسُوع المَسيح القام مِن بين المَيِّتين، مِن أهل دَاوُد، حَسَب إنجيلي. 9و فِشانّو أنا بَتحَمَّل التَّعب حَتّى الجَّنازِير زي #2:9 مُذنِب، مُذنِبين: اليَعمِل الشَّرمُذنِب. لَكِن كِلمَة الله ما مَربوطَه. 10عَلَشان كِدا، أنا أصبُر عَلى كُلّو حاجَه فِشان المُختارين، عَشان هُم كَمان يِلقو الخَلاص الفي المَسيح يَسُوع مَعَ المَجد الأبَدي. 11الكِلمَه دي أمينَه:
”إذا مُتنا مَعاهو، بِنعيش مَعاهو كَمان.
12إذا نَصبُر، بِنَملِك مَعاهو كَمان.
و إذا نَنكُرو، هو بِيَنكُرنا كَمان.
13و إذا نِحنا مُش أُمَنا، هو يِستَمِر أمين، عَلَشان هو ما بِقدَر يَنكُر نَفسو.“
الشَّغال المَقبول
14زَكِّرُم بِالحاجات دي، و حَزِّرُم قِدّام الرَّب أن ما تَشاكِلو عَن كِلمات الما فيها فايدَه. عَلَشان دا يَخَرِّب ديل البِسمَعو. 15أعمِل الأحسَن عَشان تَقَدِّم نَفسَك مَقبول لِلَّه، شَغّال الما لازِم يَخجَل، و البِعَلِّم كِلمَة الحَق بِطَريق تَمام. 16لَكِن كون بَعيد مِن الكَلامات الفاضيَه الوَسخانَه، عَشان النّاس البِتكَلَّمو كِدا بِزيدو أكتَر في الشَّر. 17و تَعليمُم بِفَرتِك زي الحاجَه البِتاكُل قَوام. و بِينُم هِمِنَايُوس و وَفِيلِيتُوس. 18و هُم ضَلّو عَن الحَق. هُم بِقولو القيامَه فاتَت مِن قُبّال. و هُم #2:18 قَلَب، يَقلِب: يَدَوِّر حاجَه لِلجَّمب التّاني. (هِنا يَعني يَلَخبِط فِكرُم).يَقلِبو إيمان بَعض مِن النّاس. 19و لَكِن أساس الله الثّابِت يَقوم، و فوقو الخِتِم دا: ”الرَّب بِيَعرِف النّاس بِتاعو،“ و: ”كُلّو واحِد البِعتَرِف بِإسم الرَّب لازِم يَكون بَعيد مِن الخَطيَّه.“
20و في بيت كَبير، البُرام ما بِكونو مِن دَهَب و فِضَّه بَس، لَكِن خَشَب و طين كَمان. و بَعَض مِنَّهُم بِكونو لِلإحتِرام و بَعض مِنَّهُم بِكونو بِدون إحتِرام. 21و إذا أي واحِد يَنَضِّف نَفسو مِن دي، هو بِكون بُرمَه لِلإحتِرام، مُقَدَّس، و فيهو فايدَه لِلسَّيد، و جاهِز لِكُلّو عَمَل طَيب. 22أجري مِن الشَّهوات بِتاعَت الشَّباب، و أمشي وَرا البِر و الإيمان و المَحَبَّه و السَّلام مَعَ النّاس البِنادو بِالرَّب مِن قَلِب نَضيف. 23أرفُض الأسئلَه الغَشيمَه و البَليدَه، عَشان إنتَ بِتَعرِف هُم بِجيبو الشَّكلات. 24و خَدّام الرَّب ما لازِم يَشاكِل، لَكِن يَكون لَطيف مَعَ كُلّو زول، و بِقدَر يَعَلِّم بِالصَّبر. 25و البِعاكِسوهو، يَعَلِّمُم بِطَريق لَطيف عَشان يِمكِن الله بِدّيهُم التّوبَه لِمَعرِفَة الحَق. 26و هُم بِرجَعو لِنُفوسُم و يَهرُبو مِن فَخ إبْلِيس، القَبَض عَليهُم لِيَعمِلو إرَادَتو.
Currently Selected:
٢ تِيمُوثَاوُس 2: APD2024
Highlight
Copy
Compare
Share
Want to have your highlights saved across all your devices? Sign up or sign in
© 1978 SIM, adapted in 2024 by Pioneer Bible Translators
