٢ بُطْرُس 2

مُعَلِّمين كَضّابيين و خَرَابُم

1و كانو بين النّاس أنبياء كاضِبين كَمان، زي ما بِكونو بينكُم مُعَلِّمين كاضِبين كَمان. و هُم بِجيبو بِالسِّر أفكار خَرابيَه، حَتّى يَنكُرو الرَّب الإشتَراهُم. و يَجيبو عَلى نُفوسُم خَراب سَريع. 2و كَتيرين ماشين يَتبَعو طُرُقُم البِخَرِّبو. و بِالسَّبَب دا النّاس يَجَدِّفو عَلى طَريق الحَق. 3و في طَمَعُم المُعَلِّمين ديل بِياخدو رِبِح مِنَّكُم بِكلماتُم الكاضَبَه. و الحُكم بِتاعُم ما يِتأخَّر، و خَرَابُم ما نايِم.

4عَشان الله ما رَحَم عَلى المَلائكَه العَمَلو خَطيَّه، لَكِن رَماهُم في جَهَنَّم. و هو سَلَّمُم لِسُجون الضُّلُمَّه عَشان يَحفَظُم لِلدّينونَه. 5و الله ما رَحَم عَلى الدُّنيا القَديمَه لَمّا هو جاب #2‏:5 طَوَفان: لَمّا المويَه تَغَطّي الأرض حَتّى تَخرَب حاجات.الطَّوَفان عَلى ناس الدُّنيا الما خافو الله. لَكِن الله حَفَظ نُوح، مُبَشِّر لِلبِر، و سَبعَه تانيين. 6و الله حَكَم بِالخَراب عَلى المَدينَتين، سَدوم و عَمورَه. و حَرَقُم حَتّى بِقو رَماد، و عَمَلُم مَثَل لِلنّاس البِعيشو حَياة بِدون ما يَخافو الله. 7و هو خَلَّص لوط البار، الإتحَيَّر مِن الحَياة الوَسخانَه بِتاعَت النّاس البِدون قانون. 8عَشان الرّاجِل البار داك كان ساكِن بِينُم يوم بَعَد يوم. و كان تَعبان في نَفسو البار مِن الحَياة الشَّرّيرَه الهو شافا و سِمِع بيها. 9و كِدا الرَّب بِيَعرِف كيف يَخَلِّص البِخافوهو مِن التَجرِبَه، و يَحفَظ الشَّرّيرين لِيوم الدّينونَه عَشان يَعاقِبُم. 10و بِكون كِدا خُصوصاً لِديل اليَمشو في شَهوَه وَسخانَه بِتاعَت الجِّسِم، و يَحتَقِرو السُّلطَه.

النّاس ديل بِدون خوف و مِتكَبِّرين، و ما بِخافو يَجَدِّفو عَلى العِندَهُم مَجد. 11حَتّى المَلائكَه و هُم عِندَهُم قُوَّه و قُدرَه أكتَر، ما يَحكُمو عَليهُم قِدّام الرَّب بِحُكم فيهو شَتيمَه. 12لَكِن النّاس ديل يَجَدِّفو عَلى حاجات ما يَفهَموها. هُم زي الحَيوانات الما عِندَهُم عَقل، اليَمشو بِالطَّبيعَه، مَولودين عَشان يَمسِكوهُم و يَكتُلوهُم، و زي الحَيوانات، كَمان بِيَخرَبوهُم في الخَراب بِتاعُم. 13و بِدفَعو ليهُم تَعب زي أُجرَة التَّعب الهُم عَمَلوهو. هُم يَحسِبوهو سُرور أن يَعِيشو حَياة #2‏:13 ناعِم: بِحاجات زِيادَه كَتير مِن الإحتِياج.ناعِمَه بِالنَّهار. و هُم نُقَط وَسخانَه و #2‏:13 عيب، عُيوبعُيوب، و عِندَهُم فَرَح شَديد في غِشُّم لَمّا ياكُلو في العَزومَه مَعاكُم. 14و هُم بِعاينو لِلزّانيين، و ما بِكونو تَعبانين مِن الخَطيَّه أبَداً، و يَغِشّو النّاس الما ثابِتين. و هُم بِقو شاطرين في الطَّمَع، أولاد اللَّعنَه! 15النّاس ديل سابو الطَّرِيق العَديل و ضَلّو، عَشان يَمشو وَرا طَريق بَلعام وَلَد بَعُور الحَبَّ أُجرَة الخَطيَّه. 16لَكِنّو كان مَوَبَّخ عَلى خَطِيَّتو لَمّا حُمار ما عِندو صوت إتكَلَّم بِصوت إنسان و مَنَع بَلادَة النَّبي.

17النّاس ديل أبيار بِدون مويَه، غَمام تَسوقو الهَبوب. و الضُّلُمَّه الغَريقَه مَحفوظَه ليهُم. 18عَشان هُم يِتكَلَّمو بِكِلمات مِتكَبِّرَه و فاضيَه. و يَغِشّو بِشَهوات الجِّسِم و الخَراب، النّاس القَرَّبو يَنجو مِن ديل البِعيشو في الغَلطَه. 19هُم يَدّوهُم وَعد الحُرّيَّه، و هُم نُفوسُم عَبيد الخَراب. عَشان الزّول يَكون عَبد لِلحاجَه الغَلَبَتو. 20عَشان إذا هُم نَجو مِن خَرابات الدُّنيا بِمَعرِفَة الرَّب و المُخَلِّص يَسُوع المَسيح، و بَعَد دا رَجَعو و إتغَلَبو، حالُم في الآخِر بِكون أكعَب مِن الأوَّل. 21عَشان كان أحسَن ليهُم إذا ما عِرِفو طَريق البِر، مِن ما بَعَد ما عِرِفوهو يَرَجِّعو عَن الأمر المُقَدَّس الكان مَسَلَّم ليهُم. 22و حَصَل ليهُم زي المَثَل الحَقيقي: ”الكَلِب يَرجَع #2‏:22 قَضَف: الأكل الهو يَطَلِّع مِن بَطنو.لِقَضفو و الكَدروك المَغسول يَرجَع و يَدَردِق في الطّين.“

Currently Selected:

٢ بُطْرُس 2: APD2024

Highlight

Copy

Compare