١ تَسَالُونِيكِي 4
4
الحَياة التَّبسِط الله
1في الآخِر، يا أخوان، إتعَلَّمتو مِنَّنا كيف إنتو لازِم تَعيشو و تَبسِطو الله. و زي ما كُنتو تَعيشو كِدا، هَسَّع نَطلُب ليكُم و نَشَدّشدكُم في الرَّب يَسُوع تَعمِلو زِيادَه و زِيادَه. 2عَشانكُم بِتَعرِفو الأوامِر الأدّيناكُم بِالرَّب يَسُوع. 3عَشان إرادَة الله هي قَداسَتكم أن تَكونو بَعيدين مِن الزِّنا. 4عَشان كُلّو واحِد مِنَّكُم لازِم يَعرِف كيف يَحفَظ زوجَتو بِالقَداسَه و الإحتِرام، 5و ما في شَهوَه شَرّيرَه زي الأُمَم الما يَعرِفو؛ الله. 6عَشان واحِد ما يَظلِم و يَغِش أخوهو في الحاجَه دي. عَشان الرَّب، هو اليَنتَقِم لِكُل اليَعمِلو دا، زي ما قُلنا ليكُم مِن قَبِل و حَزَّرناكُم. 7عَشان الله ما نادانا لِلنَّجاسَه، لَكِن في القَداسَه. 8عَلَشان كِدا، اليَرفُض دا ما يَرفُض النّاس لَكِن الله، الأدّانا روحو القُدّوس كَمان.
9لَكِن بِخُصوص المَحَبَّه لِلأخوان، إنتو ما مُحتاجين أن أكتِب ليكُم عَن دي. عَشان نُفوسكُم مِتعَلِّمين مِن الله أن تَحِبّو بَعضَكُم بَعض. 10إنتو بِتَعمِلو كِدا كَمان لِكُل الأخوان الفي كُلّو مَكِدونيَّه. و أطلُب ليكُم، يا أخوان، تَزيدو في دا أكتَر و أكتَر. 11خَلّو قَصِدكُم يَكون أن تَعيشو بِالسَّلام، و تَخَلّو بالكُم لِحاجاتكُم المَخصوص، و تَشتَغِلو بِإيديكُم، زي ما أمَرناكُم مِن قَبِل. 12عَشان تَعيشو بِتَرتيب مِن جِهَة المِن بَرَّه، و ما يَكون ليكُم إحتِياج لِأي شي.
كيف الرَّب بِجي
13لَكِن ما عاوِزينكُم تَكونو بِدون مَعرِفَه، يا أخوان، عَن #4:13 راقِد، راقِدين: هِنا يَعني يَموت. النّاس يِستَعمِلو الكِلمَه دي عَشان يَوَرّي إنّو الزّول مات في الرَّب.الراقِدين، عَلَشان ما تَحزَنو زي التّانيين الما عِندَهُم رَجاء. 14عَشان إذا نِآمِن أن يَسُوع مات و قام، كِدا نآمِن أن الله بِجيب الراقِدين بِيَسُوع مَعاهو كَمان. 15و نَقول دا ليكُم بِكِلمَة الرَّب. نِحنا الحَيين، القاعِدين لِغايَة ما الرَّب بِجي، ما نِتقَدَّم عَلى النايمين. 16عَشان الرَّب نَفسو بِنزِل مِن السَّما، و عِندو كِلمَة الأمر، و صوت رَئيس مَلائكَه، و بوق الله. و المَيِّتين في المَسيح بِقومو في الأوَّل. 17بَعَد داك نِحنا الحَيين القاعِدين بياخُدونا مَعاهُم في السَّحاب عَشان نَقابِل الرَّب في الهَوا. و كِدا بِنكون مَعَ الرَّب دايماً. 18عَشان كِدا عَزّو بَعضَكُم بَعض بِالكَلام دا.
Currently Selected:
١ تَسَالُونِيكِي 4: APD2024
Highlight
Copy
Compare
Share
Want to have your highlights saved across all your devices? Sign up or sign in
© 1978 SIM, adapted in 2024 by Pioneer Bible Translators
