١ يُوحَنَّا 2

الأمر الجَّديد

1يا أولادي، أكتِب ليكُم دا عَشان ما تَعمِلو خَطيَّه. و لَكِن إذا واحِد يَعمِل خَطيَّه، عِندَنا وَسيط مَعَ الأبو، يَسُوع المَسيح البار. 2و هو دَفَع عَن خَطايانا بِضَبيحَة نَفسو عَشان يَصالِحنا مَعَ الله. و هو دَفَع عَن خَطايا كُل الدُّنيا كَمان و مُش عَن خَطايانا بَس. 3و بِدا بِنَعرِف بِالحَق نِحنا بِنَعرِفو، إذا نَحفَظ أوامِرو. 4البقول: ”أنا بَعَرفو،“ و هو ما بِحفَظ أوامِرو، هو كَضّاب، و الحَق ما فيهو. 5لَكِن البِحفَظ كلمَتو، بِالحَق مَحَبَّة الله كَمَلَت فيهو. بِدا بِنَعرِف نِحنا فيهو. 6البقول هو بِسكُن فيهو، لازِم يَمشي زي ما هو مَشى كَمان.

7يا مَحبوبين، ما بَكتِب ليكُم أمر جَديد، لَكِن أمر قَديم كان عِندَكُم مِن البِدايَه. الأمر القَديم، هو الكِلمَه السِّمِعتوها. 8و مَعَ داك، أمر جَديد أكتِب ليكُم. و هو الحَق فيهو و فيكُم، عَلَشان الضُّلُمَّه ماشيَه، و النّور الحَقيقي هَسَّع بِنَوِّر. 9البقول هو في النّور و يَكرَه أخوهو، هو لِسَّع في الضُّلُمَّه. 10البِحِب أخوهو بِسكُن في النّور، و ما فيهو سَبَب وقوع. 11و لَكِن البِكرَه أخوهو، هو في الضُّلُمَّه، و بِمشي في الضُّلُمَّه، و ما بِيَعرِف ماشي وين، عَشان الضُّلُمَّه #2‏:11 عَمّى، يَعمّي: يَعمِل عَميان.عِمَّت عُيونو.

12أكتِب ليكُم، يا أولاد، عَشان خَطاياكُم مَغفورَه ليكُم عَشان خاطِر إسمو. 13أكتِب ليكُم، يا أبَهات، عَشانكُم تَعرِفو هو الكان مِن البِدايَه. أكتِب ليكُم، يا شَباب، عَشانكُم غَلَبتو الشَرِّير. كَتَبتَ ليكُم، يا أولاد، عَشانكُم تَعرِفو الأبو. 14كَتَبتَ ليكُم، يا أبَهات، عَشانكُم تَعرِفو هو الكان مِن البِدايَه. كَتَبتَ ليكُم، يا شَباب، عَشانكُم شَديدين، و عَشان كِلمَة الله تَسكُن فيكُم، و إنتو غَلَبتو الشَرِّير.

ما تَحِبّو الدُّنيا

15ما تَحِبّو الدُّنيا ولّا الحاجات الفي الدُّنيا. إذا واحِد بِحِب الدُّنيا، مَحَبَّة الأبو ما فيهو. 16عَلَشان كُل الفي الدُّنيا، شَهوَة الجِّسِم، و شَهوَة العُيون، و كِبِر الحَياة، ما مِن الأبو، لَكِن مِن الدُّنيا. 17و الدُّنيا تَفوت، و شَهوَتو، و لَكِن البِسَوّي إرادَة الله يَعيش لِلأبَد.

أضداد المَسيح

18يا أولاد، دي السّاعَه الأخيرَه. و زي ما سِمِعتو #2‏:18 ضِد (أضداد) المَسيح: هو اليَقاوِم المَسيح، هو اليَكون عَدو المَسيح.ضِد المَسيح جاي، كِدا، هَسَّع جو كَتيرين مِن أضداد لِلمَسيح. بِدا بِنَعرِف دي السّاعَه الأخيرَه. 19هُم مَرَقو مِنَّنا، لَكِن ما كانو مِنَّنا. عَشان إذا كانو مِنَّنا، كانو إستَنّو مَعانا. لَكِن مَرَقو عَشان يَوَرّو إنّو ما كُلَّهُم مِنَّنا. 20و لَكِن إنتو عِندَكُم #2‏:20 مَسحَه: مِن الكِلمَه ”مَسَح، يَمسَح.“مَسحَه مِن القُدّوس، و بِتَعرِفو كُلّو شي. 21ما بَكتِب ليكُم عَشان ما بِتَعرِفو الحَق، لَكِن عَشان بِتَعرِفوهو، و عَشان تَعرِفو كُلّو كِضِب ما مِن الحَق. 22مِنو الكَضّاب؟ هو البِنكُر إنّو يَسُوع هو المَسيح. دا هو ضِد المَسيح، البِنكُر الأبو و الإبن. 23كُل البِنكُر الإبن، ما عِندو الأبو كَمان. و البِعتَرِف بِالإبن، عِندو الأبو كَمان. 24خَلّو السِّمِعتوهو مِن البِدايَه يِستَمِر يَعيش فيكُم. إذا كان السِّمِعتوهو مِن البِدايَه يَسكُن فيكُم، إنتو كَمان بِتَسكُنو في الإبن و في الأبو. 25دا هو الوَعد الهو وَعَدنا بيهو، الحَياة الأبَديَّه.

26أكتِب دا ليكُم عَن البِغِشّوكُم. 27لَكِن المَسحَه القِبِلتوها مِنّو تَسكُن فيكُم، و ما في إحتِياج لِأي واحِد يَعَلِّمكُم. لَكِن المَسحَه دي تَعَلِّمكُم عَن كُلّو حاجَه، و هي حَق و ما كِضِب. و زي المَسحَه دي عَلَّمَتكُم، أسكُنو في الإبن.

28و هَسَّع، يا أولاد، أسكُنو فيهو، عَشان إذا يَظهَر، يَكون عِندَنا تأكيد، و ما نَخجَل مِنّو لَمّا يَجي. 29إذا كان بِتَعرِفو هو بار، بِتَعرِفو كُلّو واحِد البِعمِل البِر مَولود مِنّو.

Currently Selected:

١ يُوحَنَّا 2: APD2024

Highlight

Copy

Compare