Sealm 64
64
Sealm 63
1Gehyr min gebed, halig Drihten,
nu me costunge cnyssað geneahhe,
and wið egesan yfeles feondes
mine sawle gescyld symle æt þearfe.
2Þu me oft aweredest wyrigra gemotes
and fram þære menegeo þe man woldon
and unrihte æghwær fremman.
3Þa heora tungan teoð teonan gehwylce
sweorde efenscearpe and heora swiðne bogan,
4and unscyldige mid þy scotian þenceað.
5Hi hine samnuncga scearpum strelum
on scotiað, egsan ne habbað,
ac hi mid wraðum wordum trymmað
and sare sprecað: Hwa gesyhð usic?
6Swa hi smeagað oft swiðost unriht
and on þam ilcan eft forweorðað,
þær hi mamriað mān and unriht.
Gangeð man manig modig on heortan,
7oðþæt hine ahefeð hælend Drihten.
Syndon hyra wita scytelum cilda
æghwæs onlicost; 8ne him awiht þon ma
heora tungan nu teonan on sittað.
Ealle synd gedrefede þe hi on sioð;
9sceal him manna gehwylc mān ondrædan
and weorc Godes wide mærsian
and his weorc ongitan mid wisdome.
10Ðe soðfæsta symble on Drihten
blissað baldlice, bote geweneð,
and hine heriað eac heortan clæne.
Currently Selected:
Sealm 64: ASPsa
Highlight
Share
Compare
Copy
Want to have your highlights saved across all your devices? Sign up or sign in
The first 50 psalms are credited to King Alfred the Great and were written in c.890-899 AD, and the last 100 psalms were translated c.900-950 AD by an unknown poet.
