Sealm 51
51
Sealm 50
Dauid sang þysne fiftigoðan sealm, hreowsiende for ðam ærendum þe Nathan se witga him sæde, þæt wæs, þæt he hæfde gesyngod wið Ureus þone Cyðþiscan, þa he hine beswac for his wifes þingum, þære nama wæs Bersabe; and heac he witgode on þam sealme be Israela folce, hu hy sceoldon hreowsian hyra hæftnyd on Babilonia; and eac be Sancte Paule þam Apostole; and be ælcum rihtwisum men he witgode, hu hy sceoldon syngian and eft hreowsian. He cwæð:
1Miltsa me, Drihten, æfter þinre mycelan mildheortnesse,
and æfter þære menigu þinra mildheortnessa, adilega mine unrihtwisnessa.
2And aðweah me clænran from minum unrihtwisnessum þonne ic ær ðysse scylde wæs,
and of þysse scamleasan scylde geclænsa me,
3for Ăľam mine unryhtwisnessa ic ongyte,
and mina synna beoĂ° symle beforan me on minum gemynde.
4Wið þe ænne ic gesyngode, and ic dyde yfel beforan ðe;
wið þe ænne ic sceal þæt betan,
for þæm þu ana eart rihtwis,
and oferswiĂ°est ealle Ăľonne Ă°u demst.
5Nis hit nan wundor Ăľeah Ăľu sy gĹŤd and ic yfel,
for ðam þu wast þæt ic wæs mid unrihtwisnesse onfangen,
and min modor me gebær mid synne.
6Ic wat þæt þu symle lufast rihtwisnesse and me sealdest mænega gyfa ðines wisdomes.
Ăža gyfa synt beheleda and uncuĂľa manegum oĂ°rum.
7Ac bespreng me nu mid þinum haligdome swa swa mid ysopon, þæt ic beo geclænsod;
and aðweah me þæt ic sy hwitra þonne snaw.
8Syle minre gehyrnesse gefean and blisse,
þæt ic gehyre þæt ic wylle,
and eac oðre gehyron be me þæt þæt ic wilnige,
swa swa hy ær gehyrdon þæt þæt ic nolde,
þæt þonne mæge unrote mod blissian, ...
9-19 [Missing from manuscript]
Currently Selected:
Sealm 51: ASPsa
Highlight
Share
Compare
Copy
Want to have your highlights saved across all your devices? Sign up or sign in
The first 50 psalms are credited to King Alfred the Great and were written in c.890-899 AD, and the last 100 psalms were translated c.900-950 AD by an unknown poet.
