Sealm 38
38
Sealm 37
Dauid sang þysne seofon and þrittigoðan sealm, andettende Drihtne his scylde, and seofigende his ungelimp þæt he ær mid his scyldum geearnode; and he eac healsode Drihten on ðæm sealme þæt he hine on swylcum earfeðum ne lete his life geendian; and he witegode eac be Ezechie þam kyncge þæt he sceolde þæt ylce don on his earfoðum; and eac be ælcum þæra þe þysne sealm sunge, oþþe for hine sylfne oððe for oðerne man, he witgode þæt he sceolde þæt ilce mænan and eac þæt ylce gemetan; and eac be Criste he witegode, þæt he wolde þæt ylce don.
1Drihten, ne Ăľrea Ăľu me, ne ne Ăľrafa on Ăľinum yrre,
ne on Ăľinre hatheortnesse ne witna Ă°u me,
2for þam þine flana synt afæstnad on me
(þæt synt, þa earfoðu þe ic nu þolie),
and Ăľu gestrangodes Ăľine handa ofer me.
3Nis nan hælo on minum flæsce
for þære andweardnesse þines yrres,
ne nan sib ne nan rest nis minum banum
beforan þære ansyne minra synna,
4for þæm min unriht me hlypð nu ofer heafod,
and swa swa hefig byrĂ°en hy synt gehefegode ofer me.
5Mina wunda rotedan and fuledon
for minum dysige.
6Ic eom swiĂ°e earm geworden,
and ic eom fulneah gebiged to ende;
ælce dæge ic gange inn unrot.
7For þæm eall min lichama is full flæsclicra lusta,
for þam nis nan hælo on minum flæsce.
8Ac ic eom gesæged and gehnæged
and swiĂ°e geeaĂ°med;
and ic grymetige and stene swiĂľe swiĂ°lice
mid ealle mode.
9Drihten, Drihten, þu wast nu eall hwæs ic wilnie;
eall hit ys beforan Ă°e,
and min granung Ăľe nis na forholen.
10Min heorte is gedrefed and min mod oninnan me,
for þæm min mægen and min strengo
and min cræft me hæfð forlæten,
and þæt leoht and seo scearpnes minra eagena,
þe ic ær hæfde, nis nu mid me
swa swa ic hy geo hæfde.
11Mine frynd and mine magas and mine neahgeburas
synt nu gemengde wiĂ° mine fynd,
and standaĂ° nu mid him ongean me,
and synt me nu toweardes;
and þa þe me nyhst wæran, þa ic orsorgost wæs,
standaĂ° me nu swiĂ°e feor and wyrceaĂ° woh.
12Ăža Ăľe me hefigiaĂ° and mine sawle seceaĂ°
- hu hy magon yfel don -
sprecað idelnesse and smeagað facn ælce dæge.
13Ic Ăľonne swa swa deaf, dyde swylce ic hit ne gehyrde,
and swugode swa swa se dumba þe næfre his muð ne ontynð.
14Ic wæs geworden swylce se mann þe nanwuht ne gehyrð,
ne on his muðe næfð nane rihtandsware.
15For þam ic hopode to þe, Drihten, and cwæð to þe:
“Gehyr ðis, Drihten, and andswara him.”
16For þæm ic symle bæd þæt næfre mine fynd ne gefægen æfter me,
þy læs hi mægen sprecan ungemetlico word ongean me,
gif hy geseon þæt mine fet slidrien.
17For þæm ic eom nu to swingellan gearu,
and min sar ys symle beforan me,
18for þæm ic andette Gode min unriht
and ic Ăľence ymbe mine synna.
19Gyt libbaĂ° mine fynd and synt strengran Ăľonne ic,
and synt swiĂ°e gemanigfealdode
Ăľa Ăľe me mid unrihte hatiaĂ°.
20Ăža Ă°e me gyldaĂ° yfel mid goode,
hy me tælað for þy ic sece riht.
21Ne forlæt me, Drihten, min God,
ne ne gewit fram me,
22ac beseoh me to fultume,
Drihten God, min hælend.
Currently Selected:
Sealm 38: ASPsa
Highlight
Share
Copy
Want to have your highlights saved across all your devices? Sign up or sign in
The first 50 psalms are credited to King Alfred the Great and were written in c.890-899 AD, and the last 100 psalms were translated c.900-950 AD by an unknown poet.
