Sealm 35
35
Sealm 34
Dauid sang þysne feower and þrittigoþan sealm, siofigende to Drihtne his yrmða, tealde his ungelimp and hu he hine gebæd to Gode þæt he him gearode; and eac he witegode on þam ilcan sealme þæt ylce be ælcum rihtwison menn þe þysne sealm sunge, oððe for hine sylfne oþþe for oþerne mann, þæt he sceolde þæs ylcan wilnian; and eac he witgode be Criste þæt he wolde þæt ylce don þonne he come - ma witgiende þonne wyrgende oððe wilniende.
1Dem me, Drihten, and þæm þe me swencað;
feoht wiĂ° Ăľa Ăľe wiĂ° me feohtaĂ°,
2and gefoh wæpn and scyld,
and aris me to fultume.
3Geteoh Ăľin sweord and cum ongean hy,
and beluc heora wegas mid Ăľinum sweorde,
Ăľara Ăľe min ehtaĂ°.
Cweð to minre sawle: “Ne ondræd þu þe:
ic eom þin hælo, and ic þe gehealde.”
4Geleahtrode syn mine fynd,
and sceamien heora Ăľa Ăľa secaĂ° mine sawle to fordonne.
Syn hi gecyrde on earsling and scamien heora,
Ăľa Ăľe me Ă°enceaĂ° yfeles.
5Syn hi tostencte swa swa dust beforan winde,
and Godes engel hi geþræste.
6Syn heora wegas Ăľystre and slidore,
and Godes engel heora ehte,
7for Ăľam hi butan gewyrhtum teldedon gryne and Ăľa gehyddon,
to þam þæt hi woldan me an gefon; and idle hi wæron, þa hi me tældon.
8Gefon hi Ăľa grynu Ăľe wiĂ° hy beheled synt,
and eac þa þe hi wið me beheled hæfdon.
9Ăžonne blissaĂ° min sawl and min mod on Drihtne,
and hit byð gelustfullod on his hælo.
10Eall min ban (þæt is, min mægen) cwyð:
“Eala Drihten, hwa is ðin gelica,
for þam þu generest þone earman of þæs strengran anwealde,
and þone wædlan and þone þearfan ahredst æt þæm þe hine swencað.”
11Ăžonne wiĂ° me arison lease gewitan
and stældon on me þæt ic nawþer ne nyste ne ne worhte;
12ac guldon me yfel wið gōde and woldon me gedon unwæstmbærne
swa swa se þe butan ælcum yrfewearde byð.
13Ic, þa þa hi me swa hefige wæron,
dyde me witehrægl an,
and gebigde min mod to fæstenne,
and min gebedo wendon eft to me on minne agenne bosm,
for Ăľam heora nolde onfon se dema,
Ăľe ic hi to sende.
14And ic, þeah, þeah hi me swa hefige wæron,
hy lufode and him tilode to licianne and to cwemanne,
swa swa minum nyhstum oĂ°Ă°e minum breĂ°er;
and hy me gedydon swa unrotne and swa wependne
swa se byĂ° Ăľone Ăľe he lufaĂ°.
15Hy wæron bliðe wið me on heora gebærum,
and Ăľeah on heora mode hi blissedon micle swyĂ°or on minum ungelimpe;
and hi comon ongean me and gegaderodon swyĂ°e manega swingellan ofer me,
and ic nyste hwæt hi me witon.
16And hy wurdon, Ăľeah, tostencte,
and hy, þeah, þæs na ne hreowsedon,
ac fandodon eft min and bysmredon me mid ælcere bysmrunga,
and grisbitedon mid heora toĂľum ongean me.
17And þa cwæð ic: “Drihten, hwænne gesyhst þu þis,
oððe hwænne gefriðast þu mine sawle wið heora yfelum dædum,
oþþe hwænne ahredst mine angan sawle æt þæm leoum?”
18Gif þu me æfre alyst, ic þe andette on mycelre gesamnunge and þe þær herige,
19for þæm þæt mine fynd ne blissien æfter me,
Ăľa Ăľe winnaĂ° mid unrihte ongean me and me hatiaĂ° butan scylde,
and wincettaĂ° mid heora eagum betwuh him.
20Ăžeah hi gesibsumlice hwilum wiĂ° me sprecen,
hy ĂľenceaĂ°, Ăľeah, swiĂ°e facenlice.
21Hy geopenodon ealneh heora muĂ° for leahtre,
to þæm þæt hi me bysmredon,
and cwædon: “Hit is la ful good þæt æfre ure eagan
moston geseon þæt we wilnodon.”
22Nu þu gesyhst, Drihten, hwæt hy doð.
Ne geĂľafa Ăľu hit leng; ne gewit fram me.
23Aris, Drihten, and beseoh to me,
and geseoh hu unscyldig ic eom wiĂ° Ăľa Ăľe min ehtaĂ°.
Drihten, min God, aris to minum Ăľinge
and to minre Ăľearfe.
24Drihten, Drihten, min God, dem me æfter þinre mildheortnesse,
þæt mine fynd ne gefeon mines ungelimpes;
25ne hy cweþan on heora mode, “wel la wel is urum modum;” ne hy ne cweðen, “we hine frætan.”
26Ac sceamien hy heora and him eac ondrædon (ægðer endemes),
þa þe fægniað mines ungelimpes;
beslepen hi on hy bysmor and gegyrion hy mid sceame,
Ăľa ofersprecan Ăľe me yfel cweĂ°aĂ°.
27Fægnien þa and blissien þa þe willon me þancian minre rihtwisnesse,
and þa þe symle cweðað, “gemyclad sy Drihten,” and þa þe willon sibbe wið his ðeow.
28Þonne smeað min tunge þine rihtwisnesse and ealne dæg þin lof.
Currently Selected:
Sealm 35: ASPsa
Highlight
Share
Copy
Want to have your highlights saved across all your devices? Sign up or sign in
The first 50 psalms are credited to King Alfred the Great and were written in c.890-899 AD, and the last 100 psalms were translated c.900-950 AD by an unknown poet.
