Sealm 32
32
Sealm 31
Dauid sang þisne an and þrittigoðan sealm, wundriende þære unaseccgendlican gesælignesse þæra manna þe him God forgifð ealle heora scylda and him ælc geswinc aferþ, swa swa he him oft dyde; and he witgode eac be Ezechie, hu he sceolde wundrian þære myclan mildheortnesse þe he him oft forgeaf, ægðer ge on his hælo ge on his alysnesse æt his feondum; and swa ylce he witgode be ælcum gōdum men þe him God swa ymb dyde; and he ætwat eac him sylfum, þæt he ne hreowsode his synna ær he hæfde witnunga; and he witgode eac be Criste, þæt he swa ylce wolde herian swylce menn.
1Eadige beoĂ° Ăľa Ăľe him beoĂ° heora unrihtwisnessa forgifene
and heora synna beoĂ° behelede.
2Eadig byĂ° se wer Ăľe him God ne oĂ°wit his scylda,
ne on his mode ne byĂ° facen.
3For þam þe ic sugode and hæl mine scylda,
eal min ban and min mægen forealdode.
Þa ongan ic clypian ealne dæg,
4for þam ægðer ge on dæg ge on niht
wæs swyðe hefig ofer me þin hand and þin yrre;
ic wæs gehwyrfed on ælce yrmðe
swylce me wære se hrycg forbrocen.
5Ic Ăľa gedyde mine scylda Ăľe swyĂľe cuĂľe,
and min unriht ic na ne helede wiĂ° Ăľe.
Þa cwæð ic on minum mode þæt ic wolde andettan
and stælan ongean me sylfne mine scylda,
and Ăľa Gode andetan;
and þu me þa forgeafe þæt unriht minra scylda.
6For þæm gebiddað ealle halige to þe on tilne timan;
for þæm þonne and for eallum heora goodum dædum
ne genealæcð him na þæt flod
þæra myclena wæterena
(þæt synt, þas andweardan earfoþa and eac þa toweardan).
7Ăžu eart min gebeorhstow on minum earfoĂľum,
Ăľa me habbaĂ° utan behringed;
ac Ăľu Ăľe eart min frefrend,
ahrede me æt þam þe me habbað utan bestanden.
8 Þa andswarode God þam witegan þurh þæne Halgan Gast and cwæð:
“Ic þe sylle andgit and þe getæce þone weg
Ăľe Ăľu onsteppan scealt,
and ic locie to Ăľe mid minum eagum.
9Ne beo ge na swylce hors and mulas,
on Ăľam nis nan andgit,
þæra cinban þu scealt mid bridle and mid caman
to þe geteon.”
Swa ylce Ăľu scealt Ăľa men Ăľe heora gelican beoĂ°,
for þam hi elles ne genealæceað þinum willan.
10SwiĂľe manifealde synt synfulra manna swingelan,
ac Ăľa Ăľe to Gode hopiaĂ° beoĂ° ymbhringde
mid swyĂľe manegre mildheortnesse.
11Blissiað for þæm on Gode and wynsumiað ge rihtwisan,
and fægniað and wuldriað, ealra rihtwillenda heortan.
Currently Selected:
Sealm 32: ASPsa
Highlight
Share
Copy
Want to have your highlights saved across all your devices? Sign up or sign in
The first 50 psalms are credited to King Alfred the Great and were written in c.890-899 AD, and the last 100 psalms were translated c.900-950 AD by an unknown poet.
