Roma 9
9
Ukungakholwa kwabakoIsrayeli kuyadabukisa
1Ngikhuluma iqiniso ngikuKristu, kangiqambi manga; isazela sami sifakazelana lami ngoMoya oNgcwele 2ukuthi ngilokudabuka okukhulu lobuhlungu obungapheliyo enhliziyweni yami. 3Ngoba ngingafisa ukuba mina uqobo ngahlukaniswe loKristu ngenxa yabazalwane bami, abangabakithi ngokwenyama. 4Bona bangabakoIsrayeli, benziwa abantwana bakaNkulunkulu, ngeyabo inkazimulo, lezivumelwano, lokumiswa komlayo, lenkonzo, lezithembiso;#Eks 9:4 5bangababo okhokho avela kubo uKristu ngokwenyama. UNkulunkulu ophezu kwakho konke kabongwe kuze kube nininini. Ameni.
Ukukhethwa kwabakoIsrayeli nguNkulunkulu
6Kodwa kangitsho ukuthi ilizwi likaNkulunkulu lahlulekile. Ngoba kakusibo bonke abazalwa nguIsrayeli abangabakoIsrayeli, 7loba beyinzalo kaAbrahama kakusibo bonke abangabantwana bakhe; kodwa kuthiwa: NgoIsaka izakubizwa inzalo yakho.#Gen 21:12 8Lokhu kutsho ukuthi kakusibo abantwana benyama abangabantwana bakaNkulunkulu; kodwa abantwana besithembiso yibo abathiwa yinzalo kaAbrahama. 9Ngoba ilizwi lesithembiso yileli lokuthi: Ngalesisikhathi ngizakufika, loSara uzakubeletha indodana.#Gen 18:10
10Kakusikho lokhu kuphela, kodwa kwaba njalo lakuRebeka esekhulelwe abantwana ngandodanye, ukhokho uIsaka; 11lanxa bengakazalwa, bengakenzi okuhle loba okubi, ukuze icebo likaNkulunkulu elokukhetha kwakhe lime, kungabi ngemisebenzi kodwa kube ngokubiza kwakhe, 12kwatshiwo kuye ukuthi: Omkhulu uzakukhonza omncinyane.#Gen 25:23 13Kunjengalokho okulotshiweyo ukuthi: UJakobe ngamthanda, kodwa uEsawu ngamzonda.#Mal 1:2, 3
UNkulunkulu ulesihawu; ulokubusa konke
14Phoke, sizakuthini? Kukhona ukungalungi kuNkulunkulu na? Phinde! 15Ngoba uthi kuMose: Ngizakumhawukela engifisa ukumhawukela; ngizakuba lomusa kwengifisa ukuba lomusa kuye.#Eks 33:19
16Ngakho kakuyi ngentando ingabe ngomzamo womuntu, kodwa kuya ngokuhawukela kukaNkulunkulu. 17Ngoba umbhalo uthi kuFaro: Ngakuphakamisela khona lokho ukuba ngibonakalise amandla ami ngawe, lokuba ibizo lami litshunyayelwe emhlabeni wonke.#Eks 9:16 18Ngakho uNkulunkulu uhawukela lowo athanda ukumhawukela, amenze lukhuni lowo athanda ukumenza lukhuni.
19Wena uzakuthi kimi: Pho, uNkulunkulu usasolelani na? Ngoba ngubani ongamelana lentando yakhe na? 20Kodwa, wena muntu, ungubani wena ophikisana loNkulunkulu na? Okubunjiweyo kungatsho yini kowakubumbayo ukuthi: Wangenzelani ngaba njalo na?#Isa 29:16; 45:9 21Kalamandla yini umbumbi phezu kwebumba ukuba ngesigaqa sisinye enze izitsha ezimbili, esinye sibe lomsebenzi omkhulu lesinye sibe lomsebenzi omncinyane na? 22Singathini, uba uNkulunkulu, ethanda ukubonakalisa ulaka lwakhe lokwazisa amandla akhe, wathwala ngokubekezela okukhulu izitsha zolaka ezilungiselwe ukubhujiswa, 23ukuze abonakalise inotho yenkazimulo ezitsheni zomusa ayezilungisele inkazimulo yakhe ngaphambili na? 24Siyizo thina asibizileyo, kungesikho kubaJuda kuphela kodwa lakumaGriki futhi, 25njengalokhu akutsho kuHoseya:
Abangesibo abantu bami ngizakubabiza ngokuthi ngabantu bami,
longesuye othandiweyo ngizakumbiza ngokuthi ngothandekayo.#Hos 2:23
26Lesahlukweni lapho kwathiwa kibo: Kalisibo abantu bami;
lapha bazakubizwa ngokuthi ngamadodana kaNkulunkulu ophilayo.#Hos 1:10
27UIsaya laye umemeza ngoIsrayeli esithi: Lanxa inani labakoIsrayeli lingangetshebetshebe lolwandle, kuzakusiliswa abalutshwana kuphela.#Isa 10:22, 23 28Ngoba iNkosi izakuquma indaba emhlabeni, iyiqume iphele ngokukhawuleza. 29Kunjengalokho akutshoyo uIsaya ngaphambili ukuthi:
Uba iNkosi yamabandla ibingasitshiyelanga inzalo,
besizakuba njengeSodoma, sifane leGomora.#Isa 1:9
AbakoIsrayeli bahluleka ukuwugcina umlayo
30Pho, sizakuthini? Sizakuthi abezizwe abangakudingisisanga ukulunga bakuzuzile, ukulunga okungokukholwa; 31kodwa uIsrayeli, owadingisisa umlayo wokulunga, kaphumelelanga ukuwuzuza umlayo. 32Ngani na? Ngoba kabawudingisisanga ngokukholwa, kodwa ngokungathi ngemisebenzi. Bakhubeka elitsheni lokukhubekisa, 33njengokulotshiweyo ukuthi:
Khangela, ngibeka eZiyone ilitshe lokukhubekisa,
ledwala lokuwisa;
okholwa kuye kayikuyangeka.#Isa 28:16
Currently Selected:
Roma 9: BE1978
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978
Roma 9
9
Ukungakholwa kwabakoIsrayeli kuyadabukisa
1Ngikhuluma iqiniso ngikuKristu, kangiqambi manga; isazela sami sifakazelana lami ngoMoya oNgcwele 2ukuthi ngilokudabuka okukhulu lobuhlungu obungapheliyo enhliziyweni yami. 3Ngoba ngingafisa ukuba mina uqobo ngahlukaniswe loKristu ngenxa yabazalwane bami, abangabakithi ngokwenyama. 4Bona bangabakoIsrayeli, benziwa abantwana bakaNkulunkulu, ngeyabo inkazimulo, lezivumelwano, lokumiswa komlayo, lenkonzo, lezithembiso;#Eks 9:4 5bangababo okhokho avela kubo uKristu ngokwenyama. UNkulunkulu ophezu kwakho konke kabongwe kuze kube nininini. Ameni.
Ukukhethwa kwabakoIsrayeli nguNkulunkulu
6Kodwa kangitsho ukuthi ilizwi likaNkulunkulu lahlulekile. Ngoba kakusibo bonke abazalwa nguIsrayeli abangabakoIsrayeli, 7loba beyinzalo kaAbrahama kakusibo bonke abangabantwana bakhe; kodwa kuthiwa: NgoIsaka izakubizwa inzalo yakho.#Gen 21:12 8Lokhu kutsho ukuthi kakusibo abantwana benyama abangabantwana bakaNkulunkulu; kodwa abantwana besithembiso yibo abathiwa yinzalo kaAbrahama. 9Ngoba ilizwi lesithembiso yileli lokuthi: Ngalesisikhathi ngizakufika, loSara uzakubeletha indodana.#Gen 18:10
10Kakusikho lokhu kuphela, kodwa kwaba njalo lakuRebeka esekhulelwe abantwana ngandodanye, ukhokho uIsaka; 11lanxa bengakazalwa, bengakenzi okuhle loba okubi, ukuze icebo likaNkulunkulu elokukhetha kwakhe lime, kungabi ngemisebenzi kodwa kube ngokubiza kwakhe, 12kwatshiwo kuye ukuthi: Omkhulu uzakukhonza omncinyane.#Gen 25:23 13Kunjengalokho okulotshiweyo ukuthi: UJakobe ngamthanda, kodwa uEsawu ngamzonda.#Mal 1:2, 3
UNkulunkulu ulesihawu; ulokubusa konke
14Phoke, sizakuthini? Kukhona ukungalungi kuNkulunkulu na? Phinde! 15Ngoba uthi kuMose: Ngizakumhawukela engifisa ukumhawukela; ngizakuba lomusa kwengifisa ukuba lomusa kuye.#Eks 33:19
16Ngakho kakuyi ngentando ingabe ngomzamo womuntu, kodwa kuya ngokuhawukela kukaNkulunkulu. 17Ngoba umbhalo uthi kuFaro: Ngakuphakamisela khona lokho ukuba ngibonakalise amandla ami ngawe, lokuba ibizo lami litshunyayelwe emhlabeni wonke.#Eks 9:16 18Ngakho uNkulunkulu uhawukela lowo athanda ukumhawukela, amenze lukhuni lowo athanda ukumenza lukhuni.
19Wena uzakuthi kimi: Pho, uNkulunkulu usasolelani na? Ngoba ngubani ongamelana lentando yakhe na? 20Kodwa, wena muntu, ungubani wena ophikisana loNkulunkulu na? Okubunjiweyo kungatsho yini kowakubumbayo ukuthi: Wangenzelani ngaba njalo na?#Isa 29:16; 45:9 21Kalamandla yini umbumbi phezu kwebumba ukuba ngesigaqa sisinye enze izitsha ezimbili, esinye sibe lomsebenzi omkhulu lesinye sibe lomsebenzi omncinyane na? 22Singathini, uba uNkulunkulu, ethanda ukubonakalisa ulaka lwakhe lokwazisa amandla akhe, wathwala ngokubekezela okukhulu izitsha zolaka ezilungiselwe ukubhujiswa, 23ukuze abonakalise inotho yenkazimulo ezitsheni zomusa ayezilungisele inkazimulo yakhe ngaphambili na? 24Siyizo thina asibizileyo, kungesikho kubaJuda kuphela kodwa lakumaGriki futhi, 25njengalokhu akutsho kuHoseya:
Abangesibo abantu bami ngizakubabiza ngokuthi ngabantu bami,
longesuye othandiweyo ngizakumbiza ngokuthi ngothandekayo.#Hos 2:23
26Lesahlukweni lapho kwathiwa kibo: Kalisibo abantu bami;
lapha bazakubizwa ngokuthi ngamadodana kaNkulunkulu ophilayo.#Hos 1:10
27UIsaya laye umemeza ngoIsrayeli esithi: Lanxa inani labakoIsrayeli lingangetshebetshebe lolwandle, kuzakusiliswa abalutshwana kuphela.#Isa 10:22, 23 28Ngoba iNkosi izakuquma indaba emhlabeni, iyiqume iphele ngokukhawuleza. 29Kunjengalokho akutshoyo uIsaya ngaphambili ukuthi:
Uba iNkosi yamabandla ibingasitshiyelanga inzalo,
besizakuba njengeSodoma, sifane leGomora.#Isa 1:9
AbakoIsrayeli bahluleka ukuwugcina umlayo
30Pho, sizakuthini? Sizakuthi abezizwe abangakudingisisanga ukulunga bakuzuzile, ukulunga okungokukholwa; 31kodwa uIsrayeli, owadingisisa umlayo wokulunga, kaphumelelanga ukuwuzuza umlayo. 32Ngani na? Ngoba kabawudingisisanga ngokukholwa, kodwa ngokungathi ngemisebenzi. Bakhubeka elitsheni lokukhubekisa, 33njengokulotshiweyo ukuthi:
Khangela, ngibeka eZiyone ilitshe lokukhubekisa,
ledwala lokuwisa;
okholwa kuye kayikuyangeka.#Isa 28:16
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978