Roma 8
8
Ukuphila okungoMoya
1Ngakhoke kakusekho ukulahlwa kibo abakuKristu Jesu. 2Ngoba kuKristu Jesu umlayo woMoya ophilisayo ungikhulule emlayweni wesono lowokufa. 3UNkulunkulu ukwenzile lokho okwahlula umlayo, ngoba umlayo waba buthakathaka ngenxa yesimo somuntu; ngokuthuma iNdodana yakhe ilesimo esifana lesomuntu esibi, ibe ngumhlatshelo wesono, walahla isono kulesosimo, 4ukuze lokho okwamiswa ngomlayo kugcwaliseke kithi, esingahambi ngokwabantu kodwa esihamba ngokukaMoya. 5Ngoba bona abokwabantu banakana ngezinto zokwabantu; kodwa abakaMoya banakana ngezinto zikaMoya. 6Ukunakana ngokwabantu kuyikufa; kodwa ukunakana ngoMoya kuyikuphila lokuthula. 7Ngoba ukunakana ngezinto zokwabantu kuyibutha kuNkulunkulu; kakuzehliseli ngaphansi komlayo kaNkulunkulu; impela kungekwenze; 8abaphila ngokwabantu bangemthokozise uNkulunkulu.
9Kodwa lina kaliphili ngokwabantu; likuMoya, uba phela uMoya kaNkulunkulu ehlala kini; uba umuntu engelaye uMoya kaKristu, lowo kasuye owakhe. 10Kodwa uba uKristu ekini, lanxa umzimba usufile ngenxa yesono, umoya uyikuphila ngenxa yokulunga. 11Uba uMoya walowo owavusa uJesu kwabafileyo ehlala kini, yena owavusa uKristu Jesu kwabafileyo uzakuphilisa lemizimba yenu efayo ngoMoya wakhe ohlala kini.#1 Kor 3:16 12Ngakhoke, bazalwane, kasilamlandu wokuba sihambe ngokwabantu. 13Ngoba uba lihamba ngokwabantu, lizakufa; kodwa uba libulala imisebenzi yomzimba ngoMoya, lizakuphila. 14Ngoba bonke abaholwa nguMoya kaNkulunkulu bangabantwana bakaNkulunkulu. 15Kalamukeliswanga umoya wobugqili ukuba libuye lesabe, kodwa lamukeliswa umoya wobuntwana, esimemeza ngawo sisithi: Aba, Baba!#Gal 4:5–7 #Mark 14:36; Gal 4:6 16Ngalokhuke nguMoya kaNkulunkulu uqobo ofakaza kanye lomoya wethu ukuthi singabantwana bakaNkulunkulu; 17uba singabantwana, siyizindlalifa futhi, izindlalifa zikaNkulunkulu lezindlalifa kanye loKristu, uba phela sihlupheka kanye laye ukuze sidunyiswe kanye laye.
Ukungena enkazimulweni emva kwezinhlupheko
18Ngithi inhlupheko zalesisikhathi kazilakulinganiswa lenkazimulo ezakwambulwa kithi. 19Ngoba okudaliweyo kulindele ngokulangatha okukhulu ukwambulwa kwabantwana bakaNkulunkulu. 20Okudaliweyo kwehliselwa ngaphansi kobuze, kungesikho ngokwentando yakho, kodwa ngentando yalowo owakwehliselayo; kanti kukhona ithemba#Gen 3:17–19 21lokuthi lokho okudaliweyo kuzakukhululwa ebugqilini bokubhubha, kuzuze inkululeko lenkazimulo yabantwana bakaNkulunkulu. 22Siyazi ukuthi konke okudaliweyo kuyabubula kanyekanye, kuyahelelwa kuze kube khathesi. 23Kakusikho okudaliweyo kuphela, kodwa lathi uqobo lwethu esinikwe ingqabutho zikaMoya, siyabubula ngaphakathi kwethu, silindele ukwamukelwa sibe ngabantwana bakaNkulunkulu lokukhululwa kwemizimba yethu.#2 Kor 5:2–4 24Ethembeni leli sisilisiwe. Kodwa ithemba elibonwayo kayisilo ithemba; ngoba ngubani othemba lokho akubonayo na? 25Kodwa uba sithemba lokho esingakuboniyo, sikulindela ngokubekezela.
26Ngokunjalo loMoya uyasisiza ebuthakathakeni bethu; ngoba kasikwazi ukukhuleka njengokufaneleyo, kodwa uMoya uqobo usikhulekela ngokububula okungelakuphumisela. 27LoNkulunkulu ohlola inhliziyo uyayazi ingqondo kaMoya, ngoba uMoya ukhulekela abangcwele ngokwentando kaNkulunkulu. 28Siyazi ukuthi kukho konke usebenza okuhle lalabo abamthandayo uNkulunkulu, ababiziweyo ngokwecebo lakhe. 29Ngoba labo uNkulunkulu abazi ngaphambili, wabamisa ngaphambili ukuba bafane lesimo seNdodana yakhe, ukuze yona ibe lizibulo phakathi kwabazalwane abanengi; 30labo abamisayo ngaphambili wababiza futhi; labo ababizayo ubalungisisile futhi; labo abalungisisayo ubaphile inkazimulo.
Ukuqiniswa kothando lukaNkulunkulu
31Phoke, sizakuthini ngalokhu na? Uba uNkulunkulu engakithi, ngubani ongamelana lathi na? 32Yena ongayigodlanga eyakhe iNdodana, kodwa wayinikelela thina sonke, angehluleka kanjani ukusinika konke kanye layo na? 33Ngubani ozakubabeka icala abakhethiweyo na? NguNkulunkulu olungisisayo; 34ngubani obalahlayo? NguKristu Jesu owafayo, owavuswa kwabafileyo, ongakwesokunene sikaNkulunkulu losikhulekelayo. 35Kuyini okuzakusahlukanisa lothando lukaKristu na? Yikuhlupheka, losizi, lokuzingelwa, lendlala, lokuhambaze, lengozi loba umkhonto na? 36Kulotshiwe ukuthi:
Ngenxa yakho siyabulawa usuku lonke,
kuthiwa siyizimvu zokuhlatshwa.#Hubo 44:22
37Kodwa kulokhu konke silokunqoba okukhulu ngaye owasithandayo. 38Ngoba ngileqiniso ukuthi kasikho ukufa, lokusila, lezithunywa, lababusi, lezinto ezikhona lezinto ezizayo, lamandla, 39lokudepha, lokutshona, lakho konke okudaliweyo okuzakuba lamandla okusahlukanisa lothando lukaNkulunkulu olukuKristu Jesu, iNkosi yethu.
Currently Selected:
Roma 8: BE1978
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978
Roma 8
8
Ukuphila okungoMoya
1Ngakhoke kakusekho ukulahlwa kibo abakuKristu Jesu. 2Ngoba kuKristu Jesu umlayo woMoya ophilisayo ungikhulule emlayweni wesono lowokufa. 3UNkulunkulu ukwenzile lokho okwahlula umlayo, ngoba umlayo waba buthakathaka ngenxa yesimo somuntu; ngokuthuma iNdodana yakhe ilesimo esifana lesomuntu esibi, ibe ngumhlatshelo wesono, walahla isono kulesosimo, 4ukuze lokho okwamiswa ngomlayo kugcwaliseke kithi, esingahambi ngokwabantu kodwa esihamba ngokukaMoya. 5Ngoba bona abokwabantu banakana ngezinto zokwabantu; kodwa abakaMoya banakana ngezinto zikaMoya. 6Ukunakana ngokwabantu kuyikufa; kodwa ukunakana ngoMoya kuyikuphila lokuthula. 7Ngoba ukunakana ngezinto zokwabantu kuyibutha kuNkulunkulu; kakuzehliseli ngaphansi komlayo kaNkulunkulu; impela kungekwenze; 8abaphila ngokwabantu bangemthokozise uNkulunkulu.
9Kodwa lina kaliphili ngokwabantu; likuMoya, uba phela uMoya kaNkulunkulu ehlala kini; uba umuntu engelaye uMoya kaKristu, lowo kasuye owakhe. 10Kodwa uba uKristu ekini, lanxa umzimba usufile ngenxa yesono, umoya uyikuphila ngenxa yokulunga. 11Uba uMoya walowo owavusa uJesu kwabafileyo ehlala kini, yena owavusa uKristu Jesu kwabafileyo uzakuphilisa lemizimba yenu efayo ngoMoya wakhe ohlala kini.#1 Kor 3:16 12Ngakhoke, bazalwane, kasilamlandu wokuba sihambe ngokwabantu. 13Ngoba uba lihamba ngokwabantu, lizakufa; kodwa uba libulala imisebenzi yomzimba ngoMoya, lizakuphila. 14Ngoba bonke abaholwa nguMoya kaNkulunkulu bangabantwana bakaNkulunkulu. 15Kalamukeliswanga umoya wobugqili ukuba libuye lesabe, kodwa lamukeliswa umoya wobuntwana, esimemeza ngawo sisithi: Aba, Baba!#Gal 4:5–7 #Mark 14:36; Gal 4:6 16Ngalokhuke nguMoya kaNkulunkulu uqobo ofakaza kanye lomoya wethu ukuthi singabantwana bakaNkulunkulu; 17uba singabantwana, siyizindlalifa futhi, izindlalifa zikaNkulunkulu lezindlalifa kanye loKristu, uba phela sihlupheka kanye laye ukuze sidunyiswe kanye laye.
Ukungena enkazimulweni emva kwezinhlupheko
18Ngithi inhlupheko zalesisikhathi kazilakulinganiswa lenkazimulo ezakwambulwa kithi. 19Ngoba okudaliweyo kulindele ngokulangatha okukhulu ukwambulwa kwabantwana bakaNkulunkulu. 20Okudaliweyo kwehliselwa ngaphansi kobuze, kungesikho ngokwentando yakho, kodwa ngentando yalowo owakwehliselayo; kanti kukhona ithemba#Gen 3:17–19 21lokuthi lokho okudaliweyo kuzakukhululwa ebugqilini bokubhubha, kuzuze inkululeko lenkazimulo yabantwana bakaNkulunkulu. 22Siyazi ukuthi konke okudaliweyo kuyabubula kanyekanye, kuyahelelwa kuze kube khathesi. 23Kakusikho okudaliweyo kuphela, kodwa lathi uqobo lwethu esinikwe ingqabutho zikaMoya, siyabubula ngaphakathi kwethu, silindele ukwamukelwa sibe ngabantwana bakaNkulunkulu lokukhululwa kwemizimba yethu.#2 Kor 5:2–4 24Ethembeni leli sisilisiwe. Kodwa ithemba elibonwayo kayisilo ithemba; ngoba ngubani othemba lokho akubonayo na? 25Kodwa uba sithemba lokho esingakuboniyo, sikulindela ngokubekezela.
26Ngokunjalo loMoya uyasisiza ebuthakathakeni bethu; ngoba kasikwazi ukukhuleka njengokufaneleyo, kodwa uMoya uqobo usikhulekela ngokububula okungelakuphumisela. 27LoNkulunkulu ohlola inhliziyo uyayazi ingqondo kaMoya, ngoba uMoya ukhulekela abangcwele ngokwentando kaNkulunkulu. 28Siyazi ukuthi kukho konke usebenza okuhle lalabo abamthandayo uNkulunkulu, ababiziweyo ngokwecebo lakhe. 29Ngoba labo uNkulunkulu abazi ngaphambili, wabamisa ngaphambili ukuba bafane lesimo seNdodana yakhe, ukuze yona ibe lizibulo phakathi kwabazalwane abanengi; 30labo abamisayo ngaphambili wababiza futhi; labo ababizayo ubalungisisile futhi; labo abalungisisayo ubaphile inkazimulo.
Ukuqiniswa kothando lukaNkulunkulu
31Phoke, sizakuthini ngalokhu na? Uba uNkulunkulu engakithi, ngubani ongamelana lathi na? 32Yena ongayigodlanga eyakhe iNdodana, kodwa wayinikelela thina sonke, angehluleka kanjani ukusinika konke kanye layo na? 33Ngubani ozakubabeka icala abakhethiweyo na? NguNkulunkulu olungisisayo; 34ngubani obalahlayo? NguKristu Jesu owafayo, owavuswa kwabafileyo, ongakwesokunene sikaNkulunkulu losikhulekelayo. 35Kuyini okuzakusahlukanisa lothando lukaKristu na? Yikuhlupheka, losizi, lokuzingelwa, lendlala, lokuhambaze, lengozi loba umkhonto na? 36Kulotshiwe ukuthi:
Ngenxa yakho siyabulawa usuku lonke,
kuthiwa siyizimvu zokuhlatshwa.#Hubo 44:22
37Kodwa kulokhu konke silokunqoba okukhulu ngaye owasithandayo. 38Ngoba ngileqiniso ukuthi kasikho ukufa, lokusila, lezithunywa, lababusi, lezinto ezikhona lezinto ezizayo, lamandla, 39lokudepha, lokutshona, lakho konke okudaliweyo okuzakuba lamandla okusahlukanisa lothando lukaNkulunkulu olukuKristu Jesu, iNkosi yethu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978