Roma 10
10
1Bazalwane, ukufisa kwenhliziyo yami lokukhuleka kwami kuNkulunkulu ngabakithi kuyikuba basiliswe. 2Ngiyabafakazela ukuthi batshisekela uNkulunkulu, kodwa ukutshiseka kwabo kakulakwazi. 3Ngoba kabakwazi ukulunga okuvela kuNkulunkulu, kodwa bafuna ukumisa okwabo; kabazehliseli ngaphansi kokulunga kukaNkulunkulu. 4Ngoba uKristu uyawuqeda umlayo, alethele bonke abakholwayo ukulunga.
Ukulunga kukaNkulunlulu kungokwabo bonke abantu
5UMose uloba ukuthi lowo owenza ukulunga okungomlayo uzakuphila ngakho.#Levi 18:5 6Kodwa ukulunga okungokukholwa kuthi: Ungatsho enhliziyweni yakho ukuthi: Ngubani ozakwenyukela ezulwini? — okuyikuthi ukumehlisa uKristu — #Dute 30:12–14 7lokuthi: Ngubani ozakwehlela emgodini ongelamkhawulo? — okuyikuthi ukumkhuphula uKristu kwabafileyo — 8Kodwa kuthini na? Kuthi: Ilizwi liseduze lawe, lisemlonyeni lasenhliziyweni yakho; okutsho ilizwi lokukholwa esilitshumayelayo. 9Ngoba uba uvuma ngomlomo wakho ukuthi uJesu uyiNkosi, ukholwa enhliziyweni yakho ukuthi uNkulunkulu wamvusa kwabafileyo, uzasiliswa. 10Ngoba ukukholwa okusenhliziyweni kuletha ukulunga; lokuvuma ngomlomo kuletha ukusiliswa. 11Umbhalo uthi: Lowo okholwa kuye kayikuyangeka.#Isa 28:16 12Ngakho kakukho ukwahlukana phakathi komJuda lomGriki, ngoba iNkosi yona yiNkosi yabo bonke, inothele bonke abakhuleka kuyo. 13Ngoba kuthiwa: Bonke abazakukhuleka ebizweni leNkosi bazakusiliswa.#Jow 2:32
14Kodwa bazakukhuleka kuyo kanjani abangakholwanga kuyo na? Futhi, bazakukholwa kuyo kanjani abangezwanga ngayo na? Futhi, bazakuzwa kanjani bengelamtshumayeli na? 15Bazakutshumayela kanjani uba bengathunywa na? Njengokulotshiweyo ukuthi: Yeka ubuhle bezinyawo zabo abatshumayela izindaba ezinhle!#Isa 52:7 16Kodwa kabalilalelanga bonke ivangeli; ngoba uIsaya uthi: Nkosi, ngubani owakholwa ilizwi lethu na?#Isa 53:1
17Ngakhoke ukukholwa kuvela ngokuzwa, lokuzwa kuvela ngelizwi likaKristu. 18Kodwa ngithi: Kabezwanga na? Impela, bezwa. Ngoba kuthiwa:
Ilizwi labo liphumele emhlabeni wonke,
lamazwi abo aphumele emikhawulweni yomhlaba.#Hubo 19:4
19Kodwa ngibuya ngithi: UIsrayeli kaqedisisanga na? Kuqala uMose uthi:
Mina ngizakulivusela umona ngabo abangesiso isizwe,
ngilithukuthelise ngesizwe esingelangqondo.#Dute 32:21
20LoIsaya laye uthi:
Ngafunyanwa yilabo abangangidinganga;
ngabonakala kibo abangabuzanga ngami.#Isa 65:1
21Kodwa ngoIsrayeli uthi: Usuku lonke ngelulela izandla zami kibo abantu abangalaleliyo labaphikayo.#Isa 65:2
Currently Selected:
Roma 10: BE1978
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978
